我食飽奶奶就到Daddy Mommy食早餐啦，文華食早餐既餐廳都幾classy喎～ 雖然我剛剛食完奶奶，但係酒店早餐點少得我最愛既白方飽呢～ 你地睇我難得坐得定定咁等食呀，哈哈！食完我地就向澳門最出名既名勝出發喇！ 邊度？ 你地估下～～
咪就係大三巴牌坊囉～ 本來Daddy諗住搭的士上到黎，點知的士叔叔話淨係可以去到大馬路果度放低我地，佢話上面太多旅遊巴，有排塞喎～ 不過我梗係無所謂啦，我有私家車嘛－－係私家士的車至真～ 都係行左十分鐘左右就到大三巴lu～
咦？咦？ 有我最鍾意行既樓梯呀! 仲好長添呀! 一望無際咁～ Daddy Mommy，你地邊個陪我行呀?Mommy望一望條長樓梯，就即刻同Daddy講話佢負責推架車仔行斜路上去～
咁。。。即係Daddy陪我行啦，好啦咁，快Ｄ行喇－Daddy! 一、二、一、二，好快到架喇Daddy，到左俾你抖陣啦～雖然今日無落雨，又無乜太陽，不過都好熱呀～ 點解我咁講呢? 因為Daddy熱到D汗滴落我個頭度呀～
之後我地又再去多次漁人碼頭，因為尋晚去睇到夜晚既靚，今日日頭去又另一種靚法（Daddy話架）～
我地呢D係希臘石柱群玩住’捉依因’影既相靚唔靚呢?
開心既時間真係過得快，行左一陣就已經要食晏喇，我地去左漁人碼頭一間意大利餐廳食PIZZA同意粉，佢地又有我鍾意食既麵飽呀～ Yummy~ 食完飯就要返酒店拎埋行李去碼頭lu～
總結呢兩日一夜既旅行，我就玩得幾開心勒～ 雖然我間中都有D扭計，希望Daddy Mommy唔好記住喇，因為我都好想有得搭下飛機去遠D既地方旅行呀～ 希望遲D有好消息公佈俾大家知啦!
多謝大家睇哂我今次呢個澳門之旅～ 拜拜～
ー 終わり ー
