終於到左呢個台北+台中趴趴走之旅既最後一日喇～
今日衹有半天行程，因為中午就要出發去機場架喇～
到左最後一日，我地整返個特別篇喇：西門町紅樓跳跳跳！
先由Daddy帶領Yuki練習下先～
咦～ Mommy同Yuki既姿勢都好美妙播～
雙人練習完畢～ 我自己一個跳喇～
ＯＫ ＯＫ～ 要影返一幅正經Ｄ既先～
再見喇，台灣～ 有機會我地會再返黎架～
話咁快已經返到香港機場～香港既機場效率真係好高架～ Ｄ行李好快就出左黎～
好快就到聖誕節，機鐵站已經佈滿左聖誕既氣氛～ 我地屋企都要快Ｄ佈置喇～
我地所住既民宿係由幾間兩層屋所組成，所以民宿範圍內有好多呢Ｄ咁靚既指示，Ｄ美術字真係好靚呀～
Daddy Mommy 同我住二樓間房，就係由呢條樓梯上去架啦～ 我呢一日上落呢條樓梯唔記得左有幾多次～
食過早餐，出去行下山先～ 今日開始多雲，係山區望落去我地仲高過Ｄ雲層添架～
呢間係另一間好有歐洲建築風既民宿～ 唔講真係以為去左瑞士添～
ＯＫ！要離開清境喇～ 返落台中週圍行下先～ 咦，Yuki做乜你係的士唔落車呀?
因為Mommy落車買手信咋，我地好快要再開車架喇～
另一個台中市景點－－精明一街～ 呢度有間春水堂－－即珍珠奶茶發源店～ 見到咁大杯珍珠奶茶～ Yuki雙眼發光呢！
終於要同台中講拜拜啦～ 同呢個頗有特色既台中火車站影幅相留念先！
返到台北啦～ 今晚食個出名燒肉店～ 呢間燒肉店出年會登陸香港添架～ 好味～
每朝食酒店既早餐，我最鍾意既就係係呢Ｄ夾餅喇～ 食到一咀都係cream添～
好！食過早餐～ 開始向台中進發～ 呢度係台北高鐵站，等緊買飛，做乜好呢？ 扮下板女扮HipHop!
咦，架高鐵列車到左喇～
Daddy拎相機自拍都ＯＫ架喎～
宜家有高鐵來往台北同台中真係好方便～
09:42出發，10:31就到台中～ 唔使50分鐘！
高鐵既客量唔係咁高，Yuki無買飛都可以坐哂三個位喎～
到達台中，一落車就即刻走向的士站～ 因為我地仲未到我地既目的地架～ 仲要坐個幾鐘車程～
呢架的士係Mommy預先book架～ 車上包羅萬有～ 勁過香港既八折的士，有兩部電話，左邊有一部的士系統（係星加坡都見過），右邊有部電腦，軚盤前面有個Keyboard! 勁!
終於到左清境喇！ 我地預先book左一間有觀星房既民宿～ 好靚呀！
呢間民宿有個大象滑梯架～ 不過正午時間曬到熱辣辣，滑唔到囉～
清境食野出名客家菜～ 呢間係民宿既姐姐介紹既，佢仲會開車車我地黎添～
有菜，有肉，有雞，有魚～ 好味呀！
食飽之後，向清境農場進發～ 今日天氣好好～
藍天白雲呀！
羊咩咩，你地就好喇～ 日日可以係咁靚既環境食草草～
喂喂～ 我地做個朋友丫～ 我練左好多次先夠膽摸羊咩咩咋～
清境另一名產：高麗菜 （又大又甜，原來好味既菜可以係甜架）
跟住呢度係清境最旺既商圈喇～ 有７Eleven，有Starbucks，同Ｄ賣手信既舖頭～
呢度既7-Eleven好似係全世界海拔最高既～
高海拔既見證，全部密封包裝既食品都變到脹卜卜，好得意！
係時候要返民宿喇～ 個民宿既外觀都好靚架～
除左大象滑梯，仲有一張坐到我地三個人既搖搖椅～
夜晚就係民宿食自助火鍋～ 食飽左最好就係早Ｄ瞓覺啦～
