五個月大喇~

嘩~時間過得好快,Yuki已經5個月大啦~

呢個月,雖然無乜特別大既改變,但係都有D小改變O架~
1.每次幫yuki換片,都要同yuki鬥快,要係佢轉身之前,幫佢換好片片~
2.沖涼既時候,yuki已經會腳仔踢踢,踢到四圍都係水~
3.雖然仲未識得自己坐,但Yuki已經可以係sofa度坐一陣~
4.yuki而家疴ng ng時,都係拆開片片疴O架啦~

仲有呀,因為聖誕節既關係,Yuki呢排成日去行商場呀~

Yuki, Happy 5-month Birthday!

聖誕假期~ Dec 26

今個聖誕假係Yuki出世之後第一次有連續四日既假期，可以對足佢四日，好野！

o係屋企練下自己坐～　不過呢幅相唔係真係Yuki自己坐架～ Daddy有隻手傍住背脊架～


聖誕節點都要做下聖誕BB既～　頂聖誕帽係大左D，可以戴多幾年嘛～　嘻嘻！












今日－－假期既最後一日，我地一齊去左又一城，果度既聖誕佈置好靚，Yuki睇得好開心呀！






睇下！　掛住周圍望，係唔望鏡頭～　但係又好開心喎～









行左咁耐，搵個位抖一抖先～　
喂～喂～　我唔係禮物黎架！唔好搞錯呀！

Yuki's Photo (26-Dec-2006)~

靚衫衫(2)~

繼上次識左件背心比我之後, 媽咪又有新作啦, 今次唔係識O架, 係勾O架~

靚唔靚呀?

First XMAS Party

今年係Yuki既第一個聖誕Party~

我地星期日一早就起身食左奶奶，跟住出發過尖沙咀參加ＢＢ會既聖誕Party。　今次比上次更大規模，有成差唔多４０個ＢＢ同家庭。


節目有抽獎，型仔型女選舉，交換禮物～




Yuki當然搵番Ｄ朋友仔social下啦～　











有Ｄ上次已經見過，亦有Ｄ今次先見既新朋友～　希望黎緊幾年佢地可以同呢班朋友仔耐唔耐見下面，一齊出黎玩多Ｄ啦～

聖誕節,逛商場

除左聖誕小鎮, daddy mommy今日又帶左我去逛商場, 係大時大節逛商場, 目的唔係shopping, 係影相呀~

呢度係德福廣場呀, 有迪士尼公主系列既聖誕裝飾, 你見唔見我後面既小矮人呀? 我都有同公主影相, 不過.... 唔想比你地睇~ 哈哈~





至於呢度呢, 就係海港城啦, 你地睇下D聖誕樹幾靚~

聖誕小鎮

今日帶左Yuki去健康院再考考佢頸仔力，咁橋又係見番上次綜合觀察果位姑娘。

今次就咁去磅豬仔房俾姑娘簡單試一試就得啦，結果係：Yuki頸仔好夠力啦，姑娘仲話佢可以開始多Ｄ練習下坐坐，同埋企企添。　順便磅個重，唔。。。有6.5kg，ＯＫ啦～

橫掂Daddy Mommy放假，去完健康院之後，趁未到聖誕人少Ｄ，Daddy Mommy就帶左Yuki去中環既聖誕小鎮～

原來咁快就一年喇。舊年知道有左Yuki無幾耐，我地就已經帶埋肚裏面既Yuki黎過一次架啦～　
Yuki，你記唔記得呀？



Yuki！呢位就係聖誕老人喇～　你有無靜雞雞同佢講定要咩聖誕禮物呀？　咩話？　miu miu?! 咩 miu miu呀？

哦！ milk milk！　

係播，呢個聖誕老人係講英文架喎，囡囡你咁醒既～

打韆鞦

今日爺爺同麻麻帶我去維多利亞公園呀, 我第一次去咋, 好好玩呀~

你地睇下, 我自己打韆鞦呀, 嘻嘻~

Another fine Sunday

呢排天氣清涼，係Yuki出世之後最清爽既天氣，正！　呢種天氣，最好梗係去下海灘啦～

出動之前，Yuki先o係床仔玩一輪 tummy time，有玩具陪佢，玩得零捨開心Ｄ～






好啦，準備出動啦，Mommy幫Yuki扮得幾靚！






唔使半個鐘就到目的地－－赤柱啦。　Daddy Mommy第一站就幫Yuki買左一堆Baby GAP既衫，又靚又抵買呀。

沿途Yuki俾Ｄ舖頭掛哂出黎既貨品吸引到目不轉睛，好新奇～

行到倦倦地，去海邊抖下氣～　

"Mommy，出年我要黎游水架！"

點開蓋架~

今日媽咪叫我自己試下飲奶喎～











咦? 呢樽奶個蓋點開架？







出力擰下佢先！ 都係唔得既？











算啦，唔開蓋都照飲喇～











＊　仲有呀！我今日終於可以就咁俾媽咪抱住去便便啦～　
可以唔使整到成塊片都係啦～　我都覺得自己真係開始大個女啦～

四個月大喇~

唔經唔覺, yuki今日就四個月大喇~
yuki今日比左個驚喜daddy mommy, 就係yuki識得轉身啦~ yeah~ 叻女~

其實係呢一個月, yuki真係大個左, 而家yuki食奶唔使人抱住, 自己瞓係sofa, 你只要幫佢捧住個奶樽就得啦~ 另外, 瞓覺已經可以放係床到um佢瞓, 唔一定要人抱抱~

下一個轉變會係乜呢? 自己坐? 食糊仔?



Yuki~ 四個月生日快樂!

玩轉身~

瞓係張床度有乜好做呢? 不如轉下身先~








哎呀, 唔得呀, 隻手頂住左呀, 媽咪, 救命呀~









靜靜話比大家知呀, 我條頸而家好有力啦, 你睇我玩得幾開心~

剪指甲~

剪指甲呢個task, 一向都係daddy負責既, 不過daddy十二月要去澳門一個星期, 如果一個星期唔幫yuki剪指甲, 就會有好嚴重既後果 -- 就係整到自己塊面仔損晒~
所以尋日, mommy第一次嘗試幫yuki剪指甲, 過程都有D艱巨, 汗都滴埋, 總算攪掂~ 後來daddy先同mommy講, 唔好一次剪咁多, 要少少, 少少咁剪, 唔係好容易整親yuki... =.="

Yuki's Photo (26-Nov-2006)

飲水記~

唔知係過多既營養定係另有原因, 新一代既小朋友都會特別聰明, 特別難攪~
yuki由初生至兩個月大都係以母乳為主, 健康院既姑娘話飲母乳既BB係唔需要飲水, 所以由兩個月大開始, yuki先開始接觸水, 但係唔知點解, yuki對於水呢樣新事物一D好奇都無, 換黎既只係抗拒, 偶然只肯飲少少, 少到都唔可以用安數黎計, 只可以話佢肯飲一兩啖~
最近yuki開始對水唔只抗拒, 簡直可以用厭惡黎形容, 只要一比佢發現奶瓶入面既係水, 佢就破口大哭, 好似被人欺負一樣, 然後, 媽咪用奶瓶蓋比yuki試下飲, 一開始因為新奇, yuki都會嘗試張開口, 用條脷仔"lam"下, 但一發現係水之後, 依然係破口大哭, 令媽咪無計可施~
女呀女, D水真係咁難飲?

台灣來的叔叔~

今日Daddy約左一個舊同事，係從台灣黎既Corey叔叔。　佢讚我叻呀，無怕羞，我仲同佢social左一陣添。佢地既野食黎啦，好似好好味咁喎，我有無得食架？















仲有呀，我繼Gift from Canada，印度，泰國之外，今日有Gift from Taiwan啦。

係Michelle姨姨送架，真係多謝佢地呀。

"Michelle 阿姨！你好嗎？謝謝你送的禮物喔～
希望有機會的話可以跟爸爸媽媽到台灣玩玩～"

抬頭記~

yuki, 快D試下抬起個頭啦, 加油~
哎吔, 唔得呀, 好辛苦呀~
yeah~ 得左啦~

BB聚會 (4-Nov)

係internet既世界,有好多唔同既forum比大家去分享一下,一向以黎係所有forum都多數做cd-rom既我,竟然係某一個forum上發言,仲有8百幾遍之多,一切一切都係因為yuki~
呢個forum裡面有一班預產期相若既大肚婆,大部分都好似我咁係初次懷孕,大家一齊分享懷孕既開心,擔心......到大家既BB出世之後,就一齊分享湊BB既苦與樂,令我覺得好感動,更加令到我唔怕展現真面目,參與呢個forum所攪既聚會~

呢個聚會有二十幾個BB出席,好開心可以同yuki識到咁多朋友仔,更希望以後攪更多既聚會,令到yuki可以同咁多朋友仔一齊成長~
(張相只係一部分既BB咋~)

Yuki's Photo (4-Nov)

Get Your Own! | View Slideshow

三個月大喇~

不經不覺，Yuki今日剛剛三個月大喇～　算係踏入另一個階段喇～
Yuki呢兩日又試肯伏住Daddy Mommy心口咁瞓覺，好耐無試過啦。

Happy 3-month Birthday, Sweetie!

今日仲去買左禮物幫Yuki慶祝添呀～　

Yuki，鍾唔鍾意呀？

Gift from Canada

收到Uncle David既禮物好一陣子啦~ 都唔記得俾大家睇睇添~ 有衫啦~ 有鞋仔啦~ 總之好多野啦~ 媽咪要去郵局成大箱拎番黎架。







暫時先著對宜家著得既鞋仔俾你地睇下啦，有鯨魚仔架。　 不過我剛剛食完奶，眼睏得滯添~ 嘻嘻~

洗白白(續)

大家記唔記得我初初出院果兩日既洗白白故仔呀? 宜家我鍾意左沖涼好多啦，好似今日咁真係沖到唔捨得起身～

不過你地估下今日係Daddy定Mommy幫我沖呢？

（咦？點解有格仔？梗係啦～　人地女仔黎架嘛～）

麻麻屋企~

Yuki住左麻麻屋企一個禮拜啦。爹地同媽咪每晚放工都會上去睇下Yuki，同佢傾下偈，玩下。
係麻麻屋企久不久就有人探佢架，有阿太啦，叔婆啦，姨婆啦～

到左前兩晚（星期五）就返左自己屋企啦～　希望Yuki適應到呢個模式啦。

靚衫衫~

雖然而家都仲未凍, 但媽咪已經織左件背心比我, 今日我仲試著添呀~ 好靚呀, 媽咪, 可唔可以織多幾件呀? 

中秋節啦~

呢個係Yuki出世之後既第一個節日。我地幫Yuki悉心裝扮去賞月呀～









今年個月光真係好圓好靚呀～　


Yuki，出年你自己拎住燈籠周圍走啦～

靚女相~

呢張係daddy覺得影得yuki最靚女既相，你地話靚唔靚呀？