一年一度喺十二月又有二舅父公司嘅聖誔家庭同樂日喇～
地點同樣地喺數碼港～ Yuki今朝上完游水堂即刻返屋企換個look嚟到數碼港～
入到場先搵個位置放好嘢～ Yuki俾台上嘅表演吸引住喎～
嚟到梗係要盡快去搵聖誔老人先喇～ Yuki親手接過Santa Claus 嘅禮物～
一齊同聖誔老人影合照Yuki要企後排添～ Yuki變成個大姐姐喇～
收到禮物好想即刻拆呀！ 但係Daddy話要等聖誔節先拆得喎～
收完禮物就可以玩遊戲嘞～
呢個遊戲係要小朋友喺限時之內去個發泡膠池搵啲附合要求嘅有益食物～
好緊張呀～ 暫時執咗有飯同菜～
執齊哂要跑返去俾裁判哥哥檢查～
「妹妹，搵啱哂！俾張遊戲咭我蓋印喇～」
跟住玩咗個要好用力嘅遊戲～
就係要用鎚揼落部遊戲機度～ 愈大力愈高分～
睇Yuki揼落去呢個姿勢，大家覺得大唔大力呢？
跟住又左排排～
右排排～
搵到一兩個唔太多人排又易玩嘅遊戲，連續玩咗幾次儲多啲印仔～
最後換到一幅垂直萍果棋，同埋下面呢個迷你聖誔帽髮夾～
到下奏四點～ 喺商場內嘅吹氣滑梯同跳彈床開始有得玩喇～
收到消息嘅小朋友們一擁而至～ Yuki當然唔例外喇～
呢隻北極熊滑梯好高㗎～ 應該有兩三層樓咁高～
古靈精怪Yuki喺度扮驚添～
Daddy捕住其中一隻腳～ 見有一舊黑影就㩒制～ 咁啱真係影到Yuki喎～
排完滑梯，再排下隊等玩跳彈床喇～
今日紮住孖辮嘅Yuki，跳起嚟好有動感呀！
雖然商場範圍呢邊四點至開始，玩得一個鐘～ 不過未到一個鐘幾個小朋友就坐埋嚟玩棋喎～
睇吓呢三表兄弟姐妹玩得幾投入～
戰果好似係表弟嬴多過Yuki表姐喎～
今年Yuki依舊玩得好開心～ 多謝二舅父再次請Yuki嚟參加呀！
