一向都唔多願意紮頭髮既Yuki，做乜今日肯俾Mommy紮頭髮呢？
事緣係尋日Yuki去Apita既時候，見到D好靚既頭飾～
仲愈睇愈興奮，猛咁捉住Daddy話要買，要買～
Daddy於是同Yuki講話：「你平時都唔肯紮頭髮，買頭飾俾你都無用喇～ 咁啦，如果你聽日出街有紮頭髮既話，我地就再黎買喇～」
Yuki即時回應：「好丫！咁聽日再黎丫！」
就係咁就有呢個紮頭Look Yuki喇！
Yuki又打敗仗了~
因為喉嚨發炎，發燒幾日未退，今朝往家庭醫生處覆診，因仍未退燒，醫生建議最好往政府醫院睇一睇～
折騰數小時後，政府醫院醫生覺得應該唔係豬流感之類，但因發燒持續，建議Yuki留院觀察及檢查。
如是者，Yuki再一次要留院了～
今朝陪Daddy一早出左去睇牙醫，不過Mommy同Yuki都無同Daddy入診所～ 反而我地就係附近搵間餐廳食住早餐等Daddy～
Daddy介紹Mommy帶我去一間以星加坡式早餐聞名既餐廳。
佢地最出名應該都係Kaya多士～
我地食左個Kaya多士餐，包兩集半熟蛋～
半熟蛋既星加坡食法係要加胡椒粉同黑豉油（好杰果種)就係下面呢碟喇～
咦?!個Kaya多士呢?（哈哈，因為個多士要等一陣，有侍應哥哥送過黎，點知黎到就唔記得左影相呀～）
小丑Yuki今日為大家示範一下點樣做喜怒哀樂表情～ 之不過大家分唔分到邊個表情打邊個表情呢？
唔知係唔係因為宣佈要停課兩週既關係，Yuki星期五放學返黎就拎埋張父親節卡返黎喇～
父親節應該係下個星期日架嘛～不過停課兩個星期的話，復課之時已經會過左父親節，估計因此趁小朋友停課前最後一日上課就做埋張父親節卡，唔使等眾Daddy們無卡收喇～
傍晚時份出發往IVAN哥哥既生日派對～
係我喜愛既麥當奴呢！
隻氣球狗狗好得意呢～ 豆豆，我地一齊同佢影相丫～
Daddy，乜你都好鍾意隻狗狗咩? 我叫豆豆之嘛！
仲有幾個大姐姐同我地玩遊戲架～ 玩完遊戲仲有禮物添播～
玩過一輪遊戲之後就到切蛋糕喇～ 係Thomas既蛋糕呀～
唔～係朱古力蛋糕黎架～ Yummy!
食得咁飽，等我同豆豆一齊做下運動跑下圈先～ 我地兩個拎住兩個氣球就係咁跑左十數個圈～
最後要多謝Cherry姨姨既邀請同招持，我地玩得好開心呀～
Ivan哥哥，生日快樂～
不過唔係我～ 係Daddy咋～
因為Daddy前陣子扭親手指，睇過一次跌打醫生之後見差不多兩個星期都未好，所以今日趁食完早餐就搵左另一個跌打醫生再睇多一次喇～
呢個醫生問過Daddy點樣整到，跟住摸左兩下，就問：「怕唔怕針灸？」 Daddy答：「唔怕」
（乜野係針灸呢？）
隨即醫生就準備消毒用具，搣開一Ｄ用錫紙獨立包裝既野，裏面係乜野黎既呢？
咦？吓？噢！
哎呀！
（原來呢Ｄ就係針灸喇～）
