今日下奏Yuki第二次去玩呢個登陸香港大約有一年嘅室內彈床樂園～
對於香港嘅小朋友嚟講，跳彈床運動其實比較少接觸到～ 因為唔似外國好容易喺花園草地買個細細地嘅彈床都叫做可以跳下吖嘛～
呢個彈床樂園地點對我哋嚟講非常方便～ 就喺鰂魚涌渣華道柯達大廈咋～
之前第一次去Daddy無份去～ 今次終於有機會一齊去見識下喇～
個場地好大下～ 加上喺工業大廈裏面～ 樓底特高～ 大家鍾意點跳都得呀～
睇Yuki叉哂腰預備個樣成個運動選手咁噃～ 咁係咪有姿勢有實際呢？
睇下呢段連環快拍咪知囉～ OK嗎？
呢個大Area一眼望過去有成十幾廿張彈床㗎～
喺呢度玩其實都好安全嘅～ 因為啲跳落嚟嘅位全部都有好厚嘅海綿～ Yuki話有啲似跳水咁㗎～
Yuki今次第二次玩，比起上一次放膽好多～ 所以亦玩得更開心～ 睇佢玩下面呢個全速奔跑毫無收步㗎～
呢個場地每節一個鐘～ 咪睇少一個鐘好似好短咁呀～ 連續不停咁跳～ 其實一個鐘都已經好攰㗎～
今日玩住咁多先～ 下次再嚟過！
今年我哋又跟伯伯教會去五一旅行～ 今年嘅目的地係要坐船嘅蒲台島～
出發集合地點係鰂魚涌公園嘅碼頭～
我哋成團有成超過三百人～ 所以連坐架船都要大架啲呀～
大約一個鐘多啲嘅船程就到喇～
一落船就有檔零食檔，Yuki對眼睇到發哂光～
話咁快～ 伯伯買咗件冰菠蘿俾Yuki～ 不過Yuki對眼仲係望住其他零食～ 嘻嘻～
蒲台島上嘅生活並唔似市區咁要乜有乜～ 居民仲爭取緊要求有水電供應～
所以見到好似呢個婆婆咁開檔賣麵呀～ 糖水呀～ 都要用燒柴嚟煮食～
沿途再行去睇吓啲名勝古蹟～
天后廟正密羅緊鼓搭緊棚為天后誕做準備～
第一個名勝就係呢度－響螺石～
蒲台島上其中一個特色係好多岩石～
面對大海～ 一大片花崗岩～
Yuki同家姐同哥哥排排坐合照～ Yuki逐漸大個女喇～ 坐埋家姐哥哥一齊都已經差唔多大～
午飯於蒲台島最大嘅海鮮酒家～ 成三百人以上都坐得哂喎～
唔記得影嘢食～ 唯有食完影合照補返數喇～ Mommy頭頂好似有啲嘢咁嘅？
食完晏再去行下其他古蹟先～
蒲台島個海灣有好多遊船河嘅遊艇停喺度～
宜家島上起咗啲好行好多嘅路～ Daddy話佢細個時候嚟過蒲台島啲路無咁好行㗎～
Yuki行得開心到跳起呢～
行下行下～ 個天開始有啲烏雲出現添～
好彩～ 終於都袛係落咗幾點雨粉啫～
Yuki同Mommy喺山頂比武呀？ 邊個會嬴呢？
吓？！ 兩個都舉哂Ｖ，唔通兩個都嬴？
Yuki已經開始進入到一係唔肯影相～ 肯影相就有時會擺下甫士～
下面呢兩幅果舊石無乜特別名～ 不過睇落又幾特別～
下面呢舊石有名喇～ 呢舊叫做僧人石～ 似唔似個光頭僧人呀？
之後呢度要離好遠影先得～ 呢舊叫做靈龜上山～ 似唔似隻龜爬緊上山呀？
再沿路上山～ 終於到咗呢個燈塔喇～
宜家行蒲台島～ 大部份嘅路都已娙舖咗石屎路，好行好多喇～
再落嚟到呢個叫佛手岩嘅石喇～
如果唔講，大家睇唔睇得出Yuki後面塊岩石似隻手呢？
意外收獲！見到一個積水地方入面居然有好多蝌蚪仔呀！
Yuki唔會主動叫Daddy Mommy一齊影相～ 但係會叫家姐一齊影相喎～
咁Daddy唯有靠痴埋去一齊影Selfie喇～
另一張難得肯影嘅獨照～ NICE!
下晏三點我哋開船回程喇～ 回程都仲有節目㗎～ 就係玩Bingo囉～ 我哋都有啲獎攞㗎～
出去船頭甲板原來已娙進入返鯉魚門口喇～
Yuki同家姐傾得好開心喎～
Boy哥哥都嚟出埋嚟喇～
哈哈～ 三個自己影selfie添喎～
嚟到西灣河～ 居然可以喺鯉景灣落船添～ 唔使喺消防船果度落行返過嚟～
期待出年嘅五一旅行呀！
