寫意遊

無任何特別約會既週末，來一個隨性寫意的週末吧～

星期六去邊好?唔～ 去個近近地又未去過既地方喇～

估唔估到呢度係邊呢?呢度就係新近落成既港島東中心～ 樓下有公園仔，噴水池，環境都幾好架～

係對面馬路有間意式Coffee shop，我地入去食左個Pasta同埋一客Panini～

 

 

 

 

Panini其實係意大利麵包切開一半，跟住就好似整Pizza咁落D料係上面入焗爐焗，你地睇個賣相係咪好似Pizza呢？

 

 

今日星期日，繼續我地今個週末既隨性寫意，飲完個早午茶，沿著愛序秩灣海旁行左幾個字，跟住去邊好呢？

Mommy話:「去海灘喇～」 於是即刻返屋企攞野出發～

原本諗住去到可能會無位，點知去到居然有幾多位喎～

Yuki都成年無落過水喇～ 今日好興奮咁捉住Daddy係咁要玩水唔肯上番黎添～

仲要撥水撥到Daddy濕哂～ 跟住仲要即刻逃走添～

玩得咁開心～ 結果就當然係一上車回程就瞓覺囉～

Noah’s Ark

位於馬灣的挪亞方舟終於開放予市民，今日就是開放後的第一個公眾假期，吸引了很多市民去參觀。至於點解我地都會揀今日去挪亞方舟呢？其實我地是參加了伯伯一家所屬教會所舉辦的一日團，現在開放了給市民，令到我地今日的參觀，加插了不少排隊時間。

呢度就係挪亞方舟的入口，睇唔睇到四圍都係人呢？

一入場，就有個姐姐扭左個花形氣球俾我啦，我好專心咁等架！

第一站，就係方舟花園，入面有好多栩栩如生的動物，我咁鍾意Giraffe（即係反斗城嘛），梗係要同佢地影返張相啦！

呢道都應該係到此一遊必影的位置啦！

然後我地就入左去多媒體博覽館，生命教育館同珍愛地球館，入面係唔可以影相同攝影，所以相片久奉。

我地用左好多時間參觀多媒體博覽館，因為由係門口就開始排隊，每去一個展館都要排下隊，入面除左有展品，仲有影片睇，都唔錯架。

生命教育館入面就有劃花面同埋其他遊戲，我就劃左個小花貓的俏臉啦！其他遊戲呢，排隊時間超過三十分鐘，只好放棄。

珍愛地球館其實係一個多元智能兒童博物館，不過因為跟團時間有限，只係忽忽忙忙咁睇下，想玩都無時間。

今日同平日去街有啲唔同，除左Daddy Mommy，仲有爺爺嫲嫲，伯伯，伯娘，家姐，Boy哥哥，所以天氣唔太好，時間唔夠都無問題，我一樣都係咁開心的！

唐詩

上一次的親子體操日，除左做體操之外，仲有念唐詩的環節，在背景聲帶的幫助下，各位小朋友都念得似模似樣呢！

黃雨天、親子天

黃雨警告下周圍都好大雨，積哂水～ 無乜特別野都係留係屋企好過喇～

好！等我地做Ｄ靜態既親子運動喇～

呢Ｄ係日本幾流行既摺紙可以俾大家同Mommy一齊摺～

 

 

我好專心地睇下Mommy點樣摺先！

 

 

 

 

 

Daddy，你都黎一齊摺好唔好呀? 好好玩架！

好野，我地摺好喇～

 

 

 

 

黃雨警告?! 無問題～

係屋企摺紙都可以好好玩架～

Anpanman 朋友 : Dokinchan

今日同大家介紹我最鍾意既Anpanman其中一個朋友仔～ 佢就係Dokinchan啦～

剛剛Mommy就買左一件Dokinchan既衫俾我喇～

戴埋頂帽有無幾分似呀? 留意頭頂都有隻角架!

四方果啫喱

相信無乜邊個小朋友會唔鍾意既～

以前Daddy Mommy細個既時候，想食就要自己去買Ｄ啫喱粉返黎自己整～

基本上祗有一隻牌子，就係羅拔臣啫喱粉。由煲熱水，開粉，入雪柜，到有得食起碼都要幾個鐘頭～

直至。。直至。。某一年電視廣告上出現一盒四四方方既物體～ 佢就係四方果啫喱喇～

從此以後想食啫喱就多一個方便快捷既方法喇～

呢日剛剛Daddy帶左一盒提子味既四方果啫喱返黎俾Yuki～ 嘩，好味到呢～

由第一啖到最後一啖都唔使Daddy Mommy幫手，佢地話如果食飯都係咁就好囉～

兩個愛笑的女孩~

話說「親子體操日」當天，有一個環節是分班進行的。兩個在等待的女孩，因為沒事可做，便為自己找些歡樂。

首先，一起趴在地上，然後把頭抬起，來個笑臉！

再來，我趴在地上，然後來個笑臉！

再來，你趴在地上，又來個笑臉！

再來。。。

再來。。。

快樂，其實真的可以很簡單！

長洲行~

陽光充沛的一天，最適合戶外活動。今日，我地就搭船去左長洲行下。

今次唔係我第一次搭船，但以前搭既無咁大隻，呢隻船大到可以同Daddy玩捉迷藏。噢，俾Daddy捉到仲影埋相添！

仲有一樣唔同既係，呢隻船有個甲板，可以出去吹下海風，睇下海景，我當然唔執輸，出去吹一吹！

嘩，原來真係好大風，係咁易影幾張相就返入去嘆冷氣啦！

大約一小時後，就到左長洲啦，不過今日真係好熱，所以一到埗就買左頂帽，係咪好靚呢？

呢度就係我地食午餐既地方，係咪好有風味呢？啲嘢食都唔錯架，仲有我鍾意既蝦蝦同麵麵。下次同埋你去食呀！

Daddy話幫我影返幾張靚相，但我一見佢踎低就跟住佢踎，點都唔肯起身，Daddy唯有照影。不過我有時都會好乖，擺返個靚pose比佢影架。有相為証呢！

 

行到兩點幾，我已經好攰，好眼瞓，跟住就瞓著左，醒返既時候已經係船上面啦！

Daddy Mommy，我仲未玩夠架！

探探小熊貓

海洋公園開左個新設施－亞洲動物天地。

呢幾日Yuki已經時不時講「新Panda，新Panda」新Panda即係小熊貓，舊Panda即係大熊貓喇～

未入場已經好興奮喇～

 

 

 

呢度就係新開既亞洲動物天地喇～佢係一個好大個用透明頂包住既地方～裏面既冷氣都幾勁架～大家記得帶件外套去呀～

 

 

 

 

 

 

 

等我為大家介紹呢度幾種新既動物喇，佢地分別係小熊貓，娃娃魚，大熊貓，鱷魚，同有Ｄ特別種類既金魚～

 

 

 

 

呢Ｄ就係我地黎睇既主角－小熊貓喇～不過兩隻都好懶咁係度瞓覺～想影個好Ｄ既角度都影唔倒添～

咁唯有用另一個方法影正面喇，預備－－笑！

仲有個小熊貓背囊架～大家如果有興趣買，可以去亞洲動物天地出口個紀念品店有售～

為左支持保育大熊貓，等我同Mommy表示少少心意先～

今日另一個好開心既原因係終於都可以坐到大氣球喇～之前幾次去到因為種種原因（太大風唔開／成個氣球唔知收左去邊度幾個月）都坐唔到，今次終於玩到喇～ 雖然等左足足一個鐘，上到去好高咁望落黎真係幾特別架～

 

 

 

 

搭埋纜車過去睇下好耐無去既海洋館，見下Ｄ鯊魚朋友呀，魔鬼魚呀咁喇～

 

 

 

 

跟住去睇埋Yuki係咁提住要睇既Dolphin，三點半開始果場，我地兩點九就去霸定位。

 

因為淨係坐係度等，坐得一陣Yuki已經開始有D眼瞓，好彩最後都捱到表演開始。

 

 

不過一散場都未到纜車站就瞓著左喇～

 

 

 

 

好鍾意睇住瞓到好似樹熊既Yuki呢！

親子體操日

 

今日Yuki學校舉行親子體操日（暨營養美食嘉年華）。

開始體操之前，有營養美食嘉年華喎，大家睇下有幾多營養美食～呢D全部都 係每小朋友既屋企人自已整或準備既美食黎架～我尋晚都幫Mommy手整左曲奇餅架～

 

 

 

 

呢呢呢!果盒就係我地尋晚整既曲奇喇～

 

 

 

 

親子體操之一:Mommy係Yuki上面左跳右，右跳左～之後就到Yuki係Mommy上面一樣咁跳喇～

今日既項目仲有扮飛機，做體操，太空漫步，唱歌歌，仲有一樣好特別既就係朗誦唐詩～

難得有D時間，同Daddy影番幅相先～

 

 

 

雖然母親節已經過左，不過我地一班小朋友都趁呢個機會再送一枝花 花俾Mommy先～

 

 

 

 

臨結束前，每個小朋友都獲盼發奬牌一面 ～ 咦？金牌黎喎～

 

 

 

 

Daddy Mommy，我今日好開心呀! 下次你地都要黎陪我返學呀!