2015北海道富良野滑雪之女(第六天1/2)－完

今日搭車出返札幌喇～　係中途站俾大家落車去去廁所～

我哋最後一晚會喺新千歲機場酒店住一晚～　因為聽日一早機經首爾返香港～　

新歲機場真係好大好多嘢行～　連個多拉Ａ夢都大成咁！

晚餐我哋揀咗間有海鮮食嘅餐廳～　

外面有啲水池養住啲海鮮，睇落好正咁喎～

先嚟個玉子燒～　仲要唔係普通嘅玉子燒呀～　係明太子王子燒～

跟住兩隻超大嘅芝士焗蠔～

主角出場～　帶子海膽蟹肉海鮮丼～

另外呢個三文魚子、蟹肉、蝦、帶子、海膽海鮮定食～

為呢次北海道滑雪之旅最後一餐晚飯劃上完美句號～

住呢間機場酒店仲有個好處呀～　就係可以免費使用機場入面果個溫泉喇～

浸埋個溫泉舒服哂～　拜拜喇～　北海道～　下次見～　

2015北海道富良野滑雪之女(第五天1/1)

新年快樂! Happy New Year!  一月一日喇!

今日繼續兵分兩路～　Yuki同Mommy繼續上堂滑雪～　Daddy繼續休息無得滑～　

因為Mommy同Yuki呢日好專心滑雪，所以無乜相喇～

至於Daddy呢？　又搭的士週圍去囉～

根據尋日information center朋友嘅推介～　富良野市內都有間１００円店㗎～　睇吓有乜得意嘢先～

咦！　呢樣幾得意喎～　係一個衣架～　不過呢個所謂衣架係要加多兩個５００ml飲品膠樽先用到㗎～

睇埋背面說明再睇返前面幅相就知佢點用㗎喇～

行完１００円店～　又再週圍逛～　因為今日係元旦日～　其實日本大部份商舖都唔開門～　

居然俾我見到有間賣衫嘅舖頭喎～　仲要有半價！又有福袋！　正呀！

新春初賣～　好多嘢都好睇呀～　

Daddy賣到唔捨得走咁滯～　要Mommy WhatsApp佢返嚟會合食lunch先肯走咋～

Yuki佢哋上奏都學得好好呀～　

食完晏又再兵分兩路嘞～　

Daddy喺酒店等巴士去太子酒店果邊～　

原來酒店大堂因為元旦今日有酒飲喎～

過年飲嘅酒又叫振舞酒～

乾杯！

巴士到太子酒店～　見到Daddy想去嘅地方喇～　呢個地方Yuki都曾經去過～　不過果陣好細個喇～

呢個牌就更清楚喇～　

要行過呢條舖滿雪嘅路進入樹林～　

到喇！好懷念呀～　就係森之時計咖啡室喇～

呢度係一部２００５年放送電視劇－溫柔時光（優しい時間）嘅場景～　套劇拍完就用嚟真係營業做coffee shop～　不經不覺已經進入十個年頭喇～　

喺Yuki兩歲果年我哋都嚟過～　果次仲要Yuki好眼瞓咁俾Daddy Mommy抱住嚟㗎～

重溫: 2008 仲夏關西關東北國走透透之旅 - 美瑛富良野篇~

七年後再嚟～　所有嘢都無變～　

今次Daddy自己一個人可以坐吧枱～　

呢度飲咖啡如果坐吧枱～　可以俾你自己磨咖啡豆㗎～

用手磨咖啡豆都係第一次咋～　

新鮮磨好嘅咖啡粉聞落好香㗎～

Tea Set仲有件蛋糕添～　咁橋揀咗一件同七年前都食過嘅一樣呀～

悠閒地嘆杯咖啡～　望住窗外落住雪～　Daddy仲同barista哥哥傾起嚟～　分享下七年前同Mommy同Yuki一齊嚟過旅行～　仲俾佢睇咗上面果篇七年前嘅blog添～

就係呢位哥哥喇～　好多謝佢俾超好飲咖啡呀！

趁未天黑～　離開森之時計再喺週圍行下喇～

呢度樹林仲有好多小屋賣精品～　七年前係夏天嚟～　同今次嘅雪景截然不一樣～　各有各靚～

呢三隻雪人似唔似我哋一家三口呢？

開始漸漸日落～　個天色好靚呀～　

旁邊有個冬天至開放嘅歡寒村～　入去睇下有乜嘢喇～

有冰雕～　

有小朋友滑車胎～　

咦～　呢間咩嚟嘅呢？

原來係Ice Cafe Bar喎～

真係有吧枱同有位坐㗎～

行到凍可以嚟呢間屋取暖㗎～

有個暖爐好溫暖～

係時候返去同大家會合喇～　

睇下Yuki嚟到最後一日滑成點喇～　

係咪滑得好好呢？　Daddy下年有排追喇～

今晚我哋會食燒肉呀～　呢間叫做Yamadori嘅燒肉餐廳開業超過５０年～　又係要預先訂位㗎～

呢間餐廳既建築其實以前係一間釀酒廠～　喺１９１０年代左右建成～　即係有成百年歷史㗎喇～

好豐富嘅燒肉呀～

舒舒服服～　傾下笑下～　咁又滑完四日雪喇～