親子體操日2012

上星期四，Yuki學校舉行一年一度既親子體操日～ 今年會係Yuki幼稚園生活既最後一次親子體操日喇～ Daddy Mommy一定要攞假黎支持下Yuki喇～

Yuki好鍾意Daddy Mommy出席佢學校既活動架～ 因為可以唔搭校車，同Daddy Mommy自己搭車去學校囉～

返到課室，係自己個位放低書包，除低校褸後，Yuki興奮地帶Daddy Mommy去睇佢係課室既美術及勞作作品～

老師幫大家綵排一次後，夠鐘出發去禮堂喇～ 未入得禮堂，先於禮堂門外排好隊先喇～

今次一如以往，呢個體操日其實分兩日舉行，每日都有齊K1至K3班級既同學表演～ 未表演得既坐定定欣賞其他班既表演～ Daddy Mommy就先係二樓坐陣先～ 咦！咁都俾Yuki睇到喎～

等下又一班，等下又一班，好快下一班就到Yuki喇～ Daddy Mommy趕緊落返黎霸返Ｄ有利位置先～

諗住隔左咁多人睇唔到喇～ 點知又俾Yuki發現Daddy偷影佢喇～

終於等到K3A & K3B一齊出場喇～

Yuki佢地今年表演既項目叫做「扭扭體操」～ 係Youtube都有原裝版本睇架（搜尋：扭扭體操）

Yuki好鍾意今年跳既呢首扭扭體操～ 大約一個月前開始練習就經常係嫲嫲屋企叫爺爺開youtube俾佢睇～ 或者夜晚返到屋企叫Mommy開俾佢睇黎跟住睇～

今年佢地練左兩首歌～ 第二首聽得比較少，不過跳起黎都ＯＫ喎～

自己睇完之後，就到家長加入一齊跳啦～ 咁先叫親子嘛～

Yuki小老師教得落力～ Mommy又學得努力，都跟得幾好喎～

掌聲鼓勵～ 表演完畢～ Yuki要多謝Daddy Mommy一齊參與呢個最後一次既親子體操日呀～

Yuki的最最最好朋友：Hillary~ 每日放學一齊坐校車，有任何最鍾意既野都必須帶返學校同Hillary分享～

最後來一個全班大合照～ 哈哈！大家睇到就睇喇～ 見唔見到Yuki喺邊度先？

雪雪週記：三月二十五日

　　星期四是學校

的體操日，爸媽來

看我們的體操表演。

我和爸媽真開心，

表演時爸爸幫我拍

了很多照片。

 

百年年輪

今日為食Yuki為大家介紹一間新近進駐香港既日本蛋糕店～

之前我地去日本旅行都有買呢D年輪蛋糕返黎食，今次正式開到黎香港喇～

作為一個製作糕餅既店舖，大家有無諗過背後原來有一個超過一百年歷史既故事～

呢間舖頭係日本老牌蛋糕店：Juchheim

個名係咪唔多似日本名呢？ 因為呢個唔係日本名囉! 原因就係以下呢個百年故事喇～

 

呢間蛋糕店中文正名係：尤海姆～ 由德國人卡爾●尤海姆於1909年創立～ 但係創立地點並唔係日本，而係我地祖國既青島～

原來祖國一百多年前已經有Ｄ咁好既野食～ 咁點解尤海姆先生會係中國青島開蛋糕店呢？

話說當年青島仲係德國租界，好多德國人和物都係咁而帶入中國，大家比較熟悉既可能係青島啤酒～

22歲既尤海姆先生於1908年由德國黎到中國青島於一間糕點咖啡店做野～ 一年後(1909)，佢繼承左間舖頭，呢刻亦成為Juchheim既原點，不過正式用Juchhiem做店名既第一間舖頭於1913年至開～

(香港店舖於崇光百貨B2/F)

尤海姆所做既年輪蛋糕廣受好評～ 可惜，好景不常…

第一次世界大戰發生了～ 1915年既時候，尤海姆作為俘虜被日軍捉左去日本廣島過左5年既集中營生活～ 5年過去，戰後尤海姆於日本橫濱再次重踏佢既蛋糕職人之路～ 憑住對食物既尊重同為食客著想的心，好快佢地又重上軌道～

可惜天意再次弄人，1923年既關東大地震，令到尤海姆成間舖頭消失，兼且要避難到神戶～ 呢個時候，佢同太太袛剩低身上僅有既一張５日元鈔票～

對於尤海姆黎講，從頭開始已唔係第一次，好快佢地又係神戶站起來，並且站得比以前更高～

就係咁Juchheim一直開業至今～ 而尤海姆先生亦早於二次大戰其間(1945)與世長辭～

不過佢太太以及一直以來既員工都秉承住不變既宗旨，即使尤海姆同太太(1971)分別離開後，依然堅守住呢Ｄ原則，將咁美味既年輪蛋糕帶俾大家～

試問有幾多企業品牌能夠緊守自己最引以為傲既產品超過一百年，而呢樣產品到宜家都仲係鎮店之寶～

Yuki為大家示範食年輪蛋糕既最佳方法：大大啖食～ 哈哈！

科學探知

前一排Yuki學校本來有一日校外體驗到科學館～ 可惜Yuki果日唔舒服返唔到學校，所以無得去呀～

為左彌補Yuki無得跟同學仔一齊去，今日Daddy Mommy為Yuki補返數～

今次再黎到科學館，原來距離上次已經有三年半喇～ （見彩虹仙子）

既然Yuki快要步入小學階段，今次我地選擇買左一年家庭套票～ 呢種套票可以一年內無限次去哂香港大部份康文處既展館～

剛入門口就踫岩能量穿梭機開始表演～ 由好多粒重超過兩公斤既波穿梭於幾層樓當中～

中間有幾個位置仲會發出唔同既樂器聲效～

下面呢幅相係咪無乜特別呢？ 其實Yuki係玩緊一個認識氣流點樣將吹氣波定於空氣之中既玩意～

咦～ Yuki好盡力咁做緊Ｄ野喎～

哦～ 原來呢樣係俾小朋友用個把手下壓擠氣泡出來，氣泡輕就會上升囉～

然後去到關於通訊科學既區域喇～

咦？ 新聞報導即將開始～ 主播已經就座好啦～

Yuki主播，今日有乜新聞呀？

哎喲～ 乜野新聞令到Yuki主播咁激動兩手拍枱呢？ 唔通係最近既特首選舉新聞？

Yuki玩電線有危險架～ 其實呢度玩果Ｄ唔危險既～ 呢樣係俾小朋友認識唔同電壓既分別～ 電壓愈高，個玩具就轉得愈快～

呢個踏輪似乜野呢？ 好似俾白老鼠練跑既圓圈，睇下Yuki點解扮做小老鼠先～

鏡子對女孩子非常重要～ 所以一定要黎認識鏡子～

鏡～ 可以令人變矮變肥～

亦可以令人變高變瘦～ 哈哈！

鏡可以令我地得返個頭，唔見左Ｄ腳～

呀！我地Ｄ腳呢？

鏡～ 亦可以令我地變多一隻腳，變成三隻腳～ 哈哈！

最後～ 鏡，可以變成萬花筒，一個Yuki變成１５個Yuki！

單車升級了～

陪伴了Yuki兩年半的單車要退役了～

２００９年買既時候，Yuki果陣三歲兩個月～ （有興趣可以於此重溫）

隨著Yuki由四個輪，逐漸進步變成拆走輔助輪，然後開始學習平衡，起步～ 當Yuki愈長愈高，架細單車愈來愈變得難踩，膝頭哥已經頂哂～ 係時候要俾Yuki升級另一部單車喇～

我地去返買之前果部單車既舖頭，個哥哥一睇就話Yuki要踩１６吋既車喇～

新車落地最緊要做乜？ 當然係試車喇～ 我地去左太古城中心外面既單車公園仔～

各位，「Yuki、Mommy與新單車」～

Once again, Yuki、Mommy and “The New Bicycle”  (it’s not Bicycle#3)

雖然Yuki已經好幾個月無再踩過單車喇～ 估唔到又幾快上返手喎～ 除左最初過幾分鐘唔係好敢自己放膽踩，跟住無耐就已經搵返平衡既感覺喇～

仲開始愈踩愈遠添播～ 從一支燈柱既距離，到兩支，到三支～ Yuki，好野，Yuki，加油！

大家睇到Yuki踩左幾多枝燈柱既距離嘛？

 

今日練習到此為止～ 辛苦哂呀Mommy！ （其實Daddy都有份陪跑架～）

同場加插無印良品試筆記～ Yuki每次去到無印良品就必然被七彩繽紛既顏色原子筆展示架吸引住，不斷咁試筆～ 一般人試筆都係試下畫線呀，亂咁寫Ｄ字呀～ 好似下面張紙咁，有Ｄ字喎～

哈哈！大家都知道邊個試過筆囉！

雪雪週記：三月十一日

三月十一日 雨天

　　我今天和爸爸

媽媽去自然玩自由

玩的戶外活動。我

玩了炸彈遊戲，我

燒了棉花糖。突然

下雨了，所以要提

早走。

自然玩、自由玩－探索版

經過一月份舉行既「自然玩、自由玩」體驗版，今次三月份舉行既探索版，會係更加剌激，更加原始～

一如上次咁，呢個活動由朝早九點到下奏四點，所以要自備食物～

咁我地準備左Ｄ乜野呢？

見到Yuki手中拎住Ｄ乜野嘛？ 係我地一家三口今日午餐既餐盒！

不過我地並唔係自己整午餐，我地臨出發係SUBWAY買左三個潛艇三文治，又健康又好味！

車程並唔耐，好快就到我地今日既目的地－－龍蝦灣～

去到既第一件事，Min哥哥同一眾義工哥哥姐姐們先安排好一切物資～ Yuki後面既就係Min哥哥喇～ 佢識好多野架！

探索第一站：龍蝦灣石灘

呢個石灘曾經係走私客最常用既落貨上船地點黎架～

睇到以下兩張相Yuki有乜共通點嘛？

呀！ 係呀，就係張大個口囉～ 如果大家由細睇開Yuki既blog的話，應該知道即係Yuki好開心囉～

龍蝦灣呢個石灘上居然仲俾我地發現到有唔少既海胆添～ 不過全部海胆都已經爛開一半架喇～

Yuki勇敢地拎起個海胆殼～ 讚！

探索完石灘後，我地返上去我地既基地～

又係呢張彩虹傘呀～ 上幾個星期去數碼港都有玩過架～

彩虹傘亦係其中一樣每次出現都會令小朋友著迷既玩意之一～

 

玩過彩虹傘之後，就要將佢綁起黎做我地個基地既頂喇～ Min哥哥一開始同一眾家長講明今日要盡量俾小朋友自己一力去做大大小小既活動～ Yuki當然要自己綁結喇～

跟住爬上梯綁共中一個角上樹枝～ 不過Daddy要睇實Yuki，無手影相呀～

下一個任務：將樹枝用鋸鋸斷然後做一件自己想做既物件～

係Min哥哥既指導之下，Yuki鋸得有板有眼喎～

然後經過Mommy與Daddy接力之下，終於鋸開左喇～

咁到底Yuki想用枝樹枝黎做乜野呢？ 好專心咁畫緊Ｄ野咁喎～

畫好喇～ Mommy再幫幫手～

ＯＫ！ 呢個就係Yuki做既「自然風枱燈」喇～

呢邊有個painting corner畫廊～ 用膠箱個蓋黎做枱面俾小朋友畫野～ Yuki埋去畫左兩張畫黎佈置基地～

頭先爬過一次梯，今次熟手喇～ 自己夾起幅畫先～

Yuki! 睇呢邊，笑！

「天然風作畫」加「曬衣式展示」～

麻包袋千鞦大家坐過未？ 坐得好穩陣架～

仲轉得好犀利添呀～ 記住要留意住棵樹用腳踩開佢呀～

攀繩上樹～ 有Ｄ難度架～ Yuki玩第二次就比較順利喇～

哎呀～ 陰陰的天，居然落雨呀～

好彩Mommy出發時買定左便利雨衣咋～

下圖：母女展示今年既雨季新裝～

過左一陣見Ｄ雨細返Ｄ， Yuki再挑戰麻包袋～ 今次由Mommy控制～

除左麻包袋，仲有呢個筲箕千鞦，都係好好笑，好得意架～

睇Yuki成個姿勢玩得幾高興～ 真既千鞦都無打得咁叻呀～

點知過一陣Ｄ雨愈落愈大～ Ｄ野全部濕哂喇～

 

Min哥哥話要提早撤退喇～

佢地準備左其中一個整野食既環節即時上演～ 用燒烤整熔Ｄ朱古力，然後加餅碎搞暈黎食～ 好味架～

食完野，但係Ｄ旅遊巴未黎到接我地～ Min哥哥又有新野教，就係用五支雪條棍整出黎既炸彈喇～

呢個炸彈當撞向地下或者石頭就會爆開架～

估唔到呢次玩自然玩自由玩又係玩到濕哂～ 哈哈！

最後借今日剛剛係三一一地震一週年～ 希望日本東北繼續加油與振作～

絆～