首次入廠~ DAY8 出院喇~

今日真係等了又等~

Yuki尋晚好乖乖，一路都無再燒。今朝一早買埋早餐去醫院諗住等醫生黎睇一睇就可以出院～

點知等下等下，等到中午姑娘通知話醫生要下奏先得～ 如是者又等下等下，兩點，三點，四點～

後尾姑娘再打俾醫生，醫生原來都係要夜晚先黎到，不過就係電話講低左Yuki今日無燒又無肚疴之類就今日出得院～ 所以我地就幫Yuki沖埋個涼，買埋個外賣晚餐食～

七點九左右醫生黎喇～ Yuki我地可以返屋企喇～

醫生同我地講下出院後要注意Ｄ乜，同埋幾時再覆診～

好野，終於走得喇～

呢個出院日真係等足十二個鐘咁滯～ 不過我地都知道醫生係為左Yuki既健康，想穩陣Ｄ先Keep Yuki留院咁多日～

代Yuki講句：「多謝醫生！」

最後當然要多謝各位呢幾日黎不斷幫Yuki加油喇～ Yuki好快會再出黎同大家玩架喇～

首次入廠~ DAY7

Yuki今日仲未出得院呀!

醫生一早就黎左。佢話想見到Yuki連續廿四個鐘都無再燒先出院，同埋如果再有燒就要再驗一次血。

點知到下奏兩點果次探熱又有少少微燒呀～ 我地問姑娘可唔可以打俾醫生問下係咪即刻要驗血～ 過左一陣佢地就話要驗，同埋即刻安排化驗室既人上黎抽血～

唉，最慘既係抽左第一次過左無幾耐佢地番上黎話頭先果次有Ｄ問題，要再抽一次～ 第二次抽仲唔俾我同Mommy入去護士室添呀～

醫生今日好唔話得地夜晚再黎多一次，大約九點鐘醫生又黎左啦～

佢仲俾我地睇埋驗血報告～ 一次都好正常～

宜家睇下過埋今晚，聽朝再俾醫生睇下可以出得院未啦～

今日Yuki因為粒「黃豆」可能已經成七日，有Ｄ滲漏，所以姑娘要拆左佢～ 打左電話問醫生，醫生話可以唔使再拮過粒豆住，等佢夜晚再睇下先～ 所以Yuki可以同粒豆同包鹽水講拜拜喇～

仲有呢兩日我地遵守醫生既指示，唔俾Yuki再出去出面玩啦～ 因為醫生擔心Yuki從其他小朋友度交叉感染佢地既病～ 如是者，Yuki呢兩日全靠幾樣野陪佢係床上渡過，包括：ＰＳＰ（用黎睇ＢＡＲＮＥＹ）、拼圖、睇 Hong Kong Walker既Keroro, Boom...Boom..Wow..(煙花）、唱歌仔、當然仲有最重要既係Mommy啦～

宜家送上今日拍既其中三樣：拼圖，唱歌仔，Mommy－－對腳。

呢首係日文--甩漏版既「一閃一閃小星星」

首次入廠~ DAY6

Yuki~ 你快D努力打低Ｄ菌菌喇！

今日都係大部份時間無燒，傍晚左右又有微燒～

醫生今晚好夜先黎，成十點左右～ 佢今日好好心機咁同我地再全部化驗報告再解釋一次～

佢話聽朝會早Ｄ黎。最好係Yuki今晚同聽朝都無哂燒喇～ 如果唔係可能會再驗多次血，睇下同禮拜頭既化驗結果有無唔同～

首次入廠~ DAY5

唔覺唔覺，原來已經第五日喇～

Yuki今日本來全日都已經無燒，不過到傍晚又有少少，姑娘連續度幾次又有３７度幾，又有３８度幾～

後來Daddy夜晚臨走果次就３７點９度～ 唔使食退燒藥～

醫生話睇下星期六可唔可以出院啦～ 希望得啦～

睇住其他小朋友相繼出院，宜家個兒科靜哂！

首次入廠~ DAY4

今日無相交功課～ 不過都希望報告一下Yuki今日既情況～

估唔到Daddy專登拎左一日假今日係醫院陪Yuki先黎打左半日八號風球，換句話講即係蝕左半日假添～ 拎一日假既原因係因為Mommy下奏要返工～

唔緊要啦，Mommy已經連續７２小時咁陪住Yuki，都要俾Mommy抖下～

今日Yuki又有少少起番燒，朝早開始度，到下奏都係３７度幾，３８度幾～

醫生話因為Ｄ痰聲仲幾犀利，所以一定要拍痰～ 可惜.....

當醫生係度時乜野都答好既Yuki，到中午前物理治療姐姐一黎，就面色大變大叫「唔好呀！唔好呀！」 唉～ 女女拍痰又唔係打針，都唔痛既，其他有Ｄ小朋友仲俾姐姐拍到瞓著覺添呀！

結果點？咪拍唔到囉～

但係Daddy唔放棄！等Yuki一瞓著，就自己推到Yuki側睡咁拍左幾個字～

好彩後尾Yuki都算咳少左，同埋頭先臨走果次姑娘再度去番３７度幾，雖然仲算係有Ｄ燒，但係起碼係今日最低～

Yuki～希望你聽朝起身之後Ｄ燒退哂唔好再起喇！

Daddy、Mommy幫你加油～加油！

首次入廠~ DAY3

今日Yuki精神依然好好～ 咳咳少左Ｄ～ 但係Ｄ燒仲係時退時起，下奏醫生睇完話因為都過左兩日Ｄ燒都唔可以完全退哂，所以要幫Yuki開始打抗生素～

相信大家都知道抗生素一用就要一個療程，要三四日～ 所以睇黎Yuki最快都要住多三四日先出得院喇～

好消息係下奏打完抗生素之後都維持到無燒喇～ Yuki! 你要努力打敗Ｄ病菌呀～

Yuki呢兩日最叻講既口頭襌就係「出去～出去～」 出去邊？ 咪出去房外面玩既地方囉！

仲有，尋日同大家講過Yuki呢幾日好好唱口～ 今日連Daddy拎相機影住佢都繼續唱～ 趁呢個機會亦都俾大家睇下Yuki最新既片段喇！

首次入廠~ DAY2

今日主要想簡單匯報一下Yuki既情況～

下奏醫生黎左，尋日所抽既樣本已經有化驗結果。係一種叫「合胞病毒」既惡性感冒～ 醫生叔叔話要安排幫我拍下痰，同埋要住多一兩日等Ｄ燒退哂先～

今日Yuki心情大部份時間都好靚，玩得好開心，仲成日自己唱歌仔～

有「twinkle twinkle...little star.... 」同「A..B..C..D..E..F..G..」

仲連晏覺都想唔瞓，係到姑娘要幫佢拍痰，佢唔肯仲係咁喊，結果喊攰左最終瞓左兩個幾鐘～

希望就算聽日未出得院都可以後日出院喇～

首次入廠~

Yuki呢個星期斷斷續續咳下好下～ 近禮拜尾又咳多左～

尋晚訓到四點幾又醒左係度喊～ Mommy摸落覺得Yuki有Ｄ熱，於是叫Daddy幫Yuki探熱～ 差不多１０２度～ 於是即刻俾Ｄ退燒藥同退熱貼Yuki，跟住再瞓過～

到朝早六點左右再幫Yuki探熱，都仲有１０２～ Mommy同Daddy商量後決定同Yuki入急症睇睇～

我地去到都仲係六點幾，要等姑娘CALL醫生番黎～ Yuki由睡眼惺忪到七點零醫生到既時候已經醒哂，仲要Daddy抱住佢周圍行～

醫生詳細檢查後，話無乜喉嚨發炎，扁桃線無乜腫，不過左邊肺有Ｄ聲，所以建議照一照Ｘ－ＲＡＹ睇一睇個肺～

好快趣照完肺片俾番醫生睇，醫生話Ｘ－ＲＡＹ見到有少少花，以策安全建議我地俾Yuki留院觀察下～

就係咁～ Yuki就第一次要入廠喇～ 估唔到Yuki讀既幼稚園會讀Daddy細個讀過果間，連入廠都係入Daddy細過入過去割盲腸既同一間醫院～

跟住上到房，相信如果其他Daddy Mommy有試過囝囝囡囡入過院，都知道跟住會發生一樣父母最心痛既野－－就係入姑娘房落「豆」同「上水」，因為佢地唔俾父母入內，我地只可以隔住度門聽到Yuki既嚎哭～ 呢種喊聲真係原來只有成為左父母之後先會咁深切感受到～ 心痛加肉痛！

燈～燈～燈～凳～ 經過一輪折騰，Yuki出番黎當然繼續喊左一輪，不過不消一會就開始俾Ｄ玩具吸引住喇～

Yuki～ 單手渣車好危險架～

 

大家唔好以為Yuki咁勤力埋枱做野呀～ Yuki其實係去呢張化粧枱make up咋～

轉轉折折今日燒下退下，好彩入夜之後就退番到３８／３７度幾～

Yuki你要乖乖地多Ｄ休息，快Ｄ好番呀～ 好快可以出院番屋企架啦～

Daddy、Mommy同Yuki係呢度要好多謝今日知道Yuki入院既消息即刻好有心咁黎探Yuki既長輩們：多謝～ 爺爺／麻麻／舅公／表叔／叔公／叔婆／大姑姐／細姑姐／伯伯／伯娘／Siti姐姐／仲有經視像電話既 家姐／Boy哥哥～ 仲有經電話向麻麻問候既咁多位～ 代Yuki感謝咁多位對佢既關懷呢～

Daddy, I Love You~

今日係父親節，我一早就送左父親節禮物比 Daddy，再加一個 Big Kiss~

書包 ・ 返學

話都無咁快～ 我又開始為開展入學生活作進一步既準備喇～

今日一早返左學校交相，報名搭校車，定校服，買書包。

Mommy就去禮堂開家長會～ Daddy就陪我去遊樂室玩。

Daddy仲幫我去小賣部買左個書包添呀。

返到屋企～ 我即刻拎個書包出黎要揹黎照鏡，嘻嘻～ 我即刻又笑左個一號笑容出黎～

Daddy梗係唔放過我喇～ 即刻拎部相機出黎同我影左幾幅揹書包相添～

 

Daddy仲提醒我第日要乖乖地自己負責揹自己個書包～ 唔可以要爺爺、麻麻或者Siti姐姐幫我拎書包架～ 「知道～Daddy～」

勾手指~

最近 mommy 教 yuki 乜野係勾手指，原來都幾 work 架！
話說每次暗小 yuki 訓覺豬，佢都好喜歡爬上爬落，一陣又話要訓自己張床仔，一陣又要爬上去 daddy mommy 既大床。尋晚，當 yuki 又想爬落床仔，走去大床既時候，mommy 就捉住 yuki，然後有以下對答：

mommy：yuki，你想去邊度？
yuki：果度（隻手指住大床）
mommy：咁上左大床唔可以再落床仔架啦，知唔知道？
yuki：知道
mommy：咁你同 mommy 勾手指呀
yuki：好

yuki 就係咁答應左 mommy，仲同 mommy 勾手指。上左大床訓左一陣，yuki 又好似平時咁，要落床仔啦，當然又比 mommy 捉住啦：

mommy：yuki，頭先你有冇同 mommy 勾手指呀？
yuki：有呀
mommy：咁你係咪答應左唔落床架？
yuki：係呀
mommy：知道未呀，唔可以落床
yuki：知道

講完之後，yuki 真係無再落床，乖乖地係大床度訓覺豬！看來勾手指都幾有用呢！

再黎泳池派對~

趁住端午節假期，泳池派對又黎啦～

今次我地又遲左入去，去到幾位小朋友已經玩得好開心，小 yuki 剛從睡夢中醒來，無論問佢乜，佢都話：唔要！

終於氹到佢換衫落水玩，但大部分時間都係坐係池邊！

等到其他朋友仔去晒沖涼換衫，就開始玩得好開心啦：

玩完水水，返入屋入面再玩，再黎大合照：

咦咦～ 唔見左卡Ｂ，比 Pie 姨姨遮住左添！

 

 

 

 

 

 

 

 

 

呢張 yuki 同 arthur 又無望鏡頭：

淨影小朋友仲難攪，無一個望鏡頭：

玩完室內，又出去踏單車，渣賓士：

玩到樂而忘返呢，yuki 係度多謝 pie 姨姨同肥仔叔叔既熱情招待！

初試包剪ＤＵＰ

每個小朋友都必然會經歷過玩猜 「包剪ＤＵＰ」 呢個遊戲～

尤記得以前我地細個玩猜皇帝玩到個個小息厠所都唔捨得去，無非都係為左同同學仔玩呢個遊戲～

今晚我地出街食飯做節～ Yuki同家姐同哥哥食飽之後就開始玩喇～

好！先黎遊戲說明～ Yuki ～ 呢個係包！跟住係剪！果個係ＤＵＰ～

「預備～ 程尋磨較叉燒包。。。」

「Yeah! Yuki 猜嬴左～」

唔知Yuki幾時開始會晚晚捉住Daddy 同 Mommy黎猜呢？哈哈！

太古水族館

咦～咦～咦～

點解呢度忽然間多左個咁大個既魚缸既？

Mommy Daddy 你地快Ｄ黎睇喇！

除左魚魚，仲有海星喇～ 蟹喇～ 仲有海龜添呀～

（呢Ｄ其實係用冷織出黎既海洋動物～ 宜家為左籌款所以用黎俾人競投～）

Daddy你黎睇下！好多Memo呀！

Daddy：「Yuki ～ 咩Memo呀？。。。

哎呀！果Ｄ係Nemo呀！Yuki ～」

孖辮女再現

自從好細個果陣試過紮辮仔好幾次，但係都俾我以九秒九既速度抆甩左之後，Daddy Mommy就決定我唔可以留長頭髮住勒～

（如果大家唔記得我十一個月大果陣既孖辮LOOK既話，可以睇番右邊果個迪欣湖相簿）

最近唔知係咪我開始覺得想扮下靚靚呢？ 近來Mommy或者麻麻有時幫我夾髮夾或者紮辮仔都無即刻抆喇喎～

好似尋日咁，Mommy幫我紮左個孖辮LOOK，我成晚都無抆過呀，紮完照鏡仲笑得好開心添～

先睇下我尋日睇乜野睇得咁入神？

就係一間書局外面擺滿好多公仔既飾櫃喇～

入面仲有個好大既廣告板添呀～ 不過近排我影親相佢地一叫我笑呢～ 我就會笑呢隻見呀唔見眼既「笑笑表情一號」。 Daddy Mommy話要幫我練習下其他笑笑表情至得～

好勒～好勒～ 下面呢個表情係咪好Ｄ呀 Daddy Mommy～

（大家又覺得點呢？）