10大9小復活節高雄墾丁食玩遊(第三日3/28)

Yuki嘅自小玩伴熊啤啤，今次又有份出遊呀～　佢係Yuki出世時Daddy嘅朋友Cherry姨姨送俾Yuki㗎～　佢嘅名叫林穎貝呀～

又一次包廳狀態食嘅早餐！真開心又熱鬧！哈哈!

今日第一個行程係去國立科學工藝博物館～　

呀！但係點解咁靜嘅呢？唔多見人嘅！

哎呀！原來星期一係休館㗎～　

一場嚟到～　喺門口都搵啲嘢搞下喇～　　８個小孩一齊跳！

跳咗好多次！唔係好齊添～

Yes! 終於一齊離地喇～

影完跳完一輪唯有轉陣去下一景點喇～

下一個景點要搭船去㗎～　先坐的士去呢個叫鼓山輪渡站，其實係個碼頭～

就係坐呢架船喇～　下層係載車～　上層係載人～

人可以上船先～　啲車要等人上哂先上得㗎～

雖然船程唔係好耐～　但係啲座椅都好好坐喎～

高雄港口既美景～

話咁快～　櫈都未坐暖就到旗津碼頭喇～

呢邊個碼頭有特色好多喎～　好靚呀～

一出碼頭就有幾間租單車嘅舖頭～　好正呀～　有電動單車喎～

一架坐四個人～　揸車果個最好有車牌～　因為有啲路段其實真係馬路嚟㗎～

大約３－４公里路程就到風車公園～

好大片草地～　Yuki靈機一觸話要影返張Facebook Cover Photo呀～

跟住再去埋貝縠館～

Yuki揸機嘅selfie～　

Daddy揸機嘅selfie～　

揸呢種電動單車都幾舒服㗎～　仲可以影下相～　睇吓公公坐得幾舒適～　

好快揸完兩個鐘～　還哂車再行下街搵嘢食～

Yuki變咗shopping添～　哈哈！買咗個袋呀～

好多海鮮呀～　

食晏就係咁咦食少少喇～　五個女孩子～　合照各有特色呢～

剛剛食飽Yuki同Daddy又即刻再掃街喇～

食到飽飽地～　行上高雄燈塔睇下風景喇～

呢度睇高雄港仲靚～

原來高雄燈塔係唔入得㗎～

入唔到去唯有又喺門口影相當入咗喇～

落返嚟喺碼頭附近再行下～　呢間廟門外啲燈好有特色呀～

咦～　有台灣嘅茶湯會呀～　香港天后站都有一間㗎～

大家覺得下面呢張相嘅Yuki同上面果張有乜唔同呢？　

係喇～　就係對腳長咗好多囉～　站姿同攝影角度真係可以令效果爭好遠㗎～

晚餐又係有Iris姐姐幫忙預訂嘅地道海鮮餐廳～　金聖春活海產～

我哋搭的士嚟嘅時候的士師傅都問我哋點解會識得嚟呢間餐廳～　因為無乜遊客識呢間㗎～　通常都係本地人先知道咋～　真係要多謝Iris姐姐介紹呀～

呢度全部係游水海鮮～　啲海產新鮮到呢！！

小朋友一張枱～　大人一張枱～　Mommy過小朋友枱先可以同Yuki selfie到一張相咋～

咁豐富嘅海鮮餐連一鍋超好味嘅蟹粥～　每人唔使港紙一百蚊！！

食完海鮮餐搭的士返酒店～　Daddy同uncle Edmund見時間尚早，可以去搏下睇下間牛肉麵關門未喎～　

呢間港園牛肉麵又係的士大哥介紹㗎～

好多明星相喎～　

離關門前１０分鐘趕到入去～　不過袛剩低最後一碗麵～　

真係好有緣最後都有一碗可以兩個人分～　哈～

小朋友就喺酒店旁邊嘅百貨公司玩具部做個復活節禮物～　製作時間約一小時～

大人去shopping~　一個鐘頭後會合返～　Yuki整呢個好靚呀～

今日行程真係好豐富呀～　去咗好多地方～　

要好好休息下先喇～

10大9小復活節高雄墾丁食玩遊(第二日3/27)

漢來大飯店嘅早餐喺位於頂樓(43樓)嘅餐廳食～　比起喺房裏面望得更高更遠～　

有師傅即場煎蛋、奄列、整擔仔麵～　


沙律果度有呢個成個鼎咁大嘅嘢～　唔通用嚟煮嘢嘅？

好大個窿喎～　用嚟做乜㗎？　

原來係用嚟刮芝士㗎～　哈哈！　咁大個唔知可以用幾耐呢？

Yuki飲啲奶梗係好好味嘞～　好似人哋賣廣告咁～　飲到個咀唇上面有小小白鬍子咁～

食完早餐唔使趕住出發～　因為今日會有第二批團友會合～　佢哋搭早機大概中午會到酒店～
所以我哋喺酒店黐住隔鄰嘅百貨公司商場行陣先～　

行行吓Uniqlo有眼鏡試戴～　呢位四眼妹係邊位呢？　揸住部相機喺度玩自拍～

等齊人喇！　出發～
坐的士去義大世界大約４０分鐘車程就到～　

義大世界於２０１０年開幕～　成個山頭都係義大世界同一間大學嘅範圍～

９個小朋友終於人齊喇～　６個女仔３個男仔～　

坐過山車～　Yuki千望萬望唔係第一排～　哈哈！咁橋俾我哋排到最後一排～　

呢個唔記得係玩邊個遊戲之前嘅合照～　

碰碰車好安全呀～　仲有條安全bar～　不過小朋友如果腳唔夠長就玩唔到喇～

上上到頂樓仲有一啲機動遊戲㗎～　

同Charlotte姐姐坐熱氣球呀～

呢個鞦韆有啲似早排喺ＡＩＡ嘉年華坐果款～　不過呢款無咁高咁剌激～

跟住呢款頂樓過山車Daddy都一齊玩呀～

嘩！好驚呀～

最後小朋友們玩埋個海盜船～　仲要無乜人玩俾佢哋連玩三次添呀～

六個女仔齊齊玩～　Nice pose!

木馬逃城記呀～

差不多日落喇～
去埋義大商場頂樓坐下個幸福摩天輪喇～

唔知點解喺外地睇日落零舍好睇嘅呢～

我哋同公公一齊坐摩天輪呀～　

仲有同Charlotte Edmund叔叔一齊坐一卡添呀～

嘩！好高呀～　直徑８０公尺，即係成廿幾層樓高㗎～

上到最高點喇～

雖然已經見唔到太陽～　但係個日落晚霞仍然好靚呀～

玩完義大世界我哋出發去今晚食晚飯嘅餐廳－天水玥～　
高雄市左營區曾子路105號 (文自路口)

呢間餐廳入咗門口已經見到裝煌好特別～　有好多佛像～

食嘢嘅位置仲有個超大嘅佛佗像陪你食添㗎～　中間嘅水面飄住煙幕～　好特別嘅氣氛～

Yuki同Hillary, Hannah坐埋一張枱～

Daddy Mommy同Iris姐姐同公公坐一張～　呢間餐廳係一人一鍋咁食法～

每人嘅餐可以揀選唔同種類嘅牛或豬肉～

另外仲有一盤雜錦火煱配料～　好好味～　超抵食～

值得一提係個Sukiyaki湯底係有會有棉花糖跟住先落湯㗎～　一落湯果下啲棉花糖即刻溶哂～　好得意～　睇片！

Mommy另一個台灣好朋友Ellen姐姐都專登買咗啲嘢嚟送俾我哋兼且同大家見個面呀～　謝謝你呀Ellen姐姐～

就係呢啲好好味嘅檸檬餅同埋新鮮嘅紅豆餅呀～

啲紅豆餅係Mommy最鍾意㗎喇～　啲紅豆又多又好味～