開學 ～ 一日前

Daddy Mommy諗住係我開學前去剪髮髮。本來諗住尋日就想去剪，但係Daddy突然之間要星期六返公司，結果等呀等，等呀等～ 最後Daddy夜晚十點先收工～

咁唯有今日先去啦～ 初初去到我又好似上次咁點都唔肯剪～

最後要等到Man哥哥既姨甥仔上黎之後，我玩住人地既玩具先肯剪咋～ 仲要咁橋開始剪果陣電視既午間新聞岩岩播緊中國奧運金牌運動員去迪士尼既片段。 我足足坐定定咁幾分鐘無郁，Man哥哥手起剪落，話咁快就幫我剪完～

剪完梗係要多謝下借玩具俾我既弟弟喇～ Thank you!

 

我會唔會攬得肉緊左少少呢？嘻嘻～

 

 

 

 

剪完髮我地再去買埋隻準備開學用既杯杯～ 係ANPANMAN黎架！

今日食晏又去左近期我地既至愛之一。 呢間係一間日本燒肉專門餐廳，叫 IROHA - 伊呂波。

間餐廳有Ｄ位係褟褟米－－即係可以伸對腳落去果Ｄ，有Ｄ係正常高度既餐枱～ 最好既係唔會好迫，坐得幾舒服～

雖然我地無係呢度食過晚飯，不過聽講晚飯價錢就貴Ｄ～

我地幾次都係食lunch～ 唔過一百蚊既set都有幾多野食～ Daddy Mommy覺得係呢度食野最開心既係唔知點解我肯食好多飯同肉肉喎～

你地覺得會唔會係因為呢Ｄ睇落都覺得好味既牛肉呢？

做勞作~

早一陣子 Mommy 逛書店時買了一本剪貼書，Mommy 負責把圖形剪下來，而 Yuki 就負責貼貼貼。

 

等 Mommy 剪好後，Yuki 開始塗膠水。

 

 

 

 

看，Yuki 很認真在做呢！

不過完成品有點東歪西倒呢！

 

 

 

隨影 ＊ Snapshot

今晚我襯Daddy拎相機出黎影我喊喊之際－－當然我見到Daddy影我喊就即刻收聲喇，收聲之後問Daddy俾架相機我就開始係咁影、係咁影、係咁影～

Daddy抄落電腦先發覺原來我今晚影左成七十幾張相呀！

嘻嘻～ 當然有好多唔見得人架喇～

下面Daddy幫我揀左幾張叫做睇得到我影緊乜野既相同大家分享下先～

 

 

 

 

 

 

北京奧運~

北京奧運係中國人既盛事，原來兩歲既小 Yuki 都有參與架！

首先當然係要幫中國加油啦：

然後就學人做韻律泳，話說當時電視正播緊韻律泳，小 Yuki 就立刻跳上 sofa 瞓低，然後舉起對腳 young young 下，有樣學樣！

仲有一樣，就係問佢邊個打兵乓波叻，佢會答你：高禮澤！

兩歲生日～

雖然 Yuki 既生日過左好耐，因為掛住 Update 日本之旅，唯有來一篇遲來的生日篇。

兩歲生日既正日，我地去左迪士尼慶祝，返黎香港之後，爺爺麻麻同埋伯伯一家就同我去左食buffet慶祝。

隻錶錶係麻麻換比我架，係咪好靚呢？（靚到自己係度偷笑～）

每次同哥哥一齊，都玩得好開心呢！

 

農曆生日果日，姑婆送左個蛋糕比我，等我許個願先～

 

 

 

 

我仲收左唔少生日禮物同利是，多謝爺爺，麻麻，亞太，姨婆，公公，婆婆，姑婆，仲有就係大舅父大舅母送既日本來回機票同埋大表哥送既靚衫衫。

至於 Daddy Mommy，佢地話１３日既走透透之旅就係我既生日禮物，唔打算再買其他野喎！

仲有好多姨姨，叔叔既祝福！Yuki 係度同大家講聲: 多謝晒！

2008 仲夏關西關東北國走透透之旅 - 完結篇

最後一日係東京既行程，我地只係去左涉谷行下街，Shopping一下，就搭車去機場啦！由於人太多，我地花左差不多一小時先完成 Check in。去餐廳食少少野就上機啦。

今次１３日既行程，除左係北海道因為唔肯坐 Car Seat 而令到 Daddy Mommy 大發雷霆之外，Yuki 都算好乖乖。好多朋友都問，帶住一個兩歲既小朋友去１３日旅行，會唔會好辛苦，個人認為去３日同去１３日分別不大，都唔太辛苦，唯一唔好係 Mommy 係 Shopping 方面無乜收鑊，大部分既戰利品都係 Yuki 既。

抵買之作：

呢對 Miffy 水鞋因為只此一對，只售700円，係 Yuki 自己搵到既。

仲有，Comme Ca Store 買既長袖衛衣同背心，加埋都唔使 1000 円。

Miki House 波鞋，大減價後唔使 4000 円。

  為開學準備既黑鞋，白波鞋，白襪，背心:

其實仲買左好多野，不過係日本唔記得影低，Pack 行李時又拆晒 packing，而家隔左咁耐，唔搵返出黎影啦！

 

除左買比 Yuki 既野，Daddy 覺得今次最大既收鑊就係呢個"全能遙控"，佢有”學習”既功能，而家我地只用呢個遙控，就可以控制晒電視，錄影機，DVD 機，Amplifier，Cable TV.....

 

今次”2008 仲夏關西關東北國走透透之旅”真係好開心，またね！

2008 仲夏關西關東北國走透透之旅 - 麵包超人篇~

自從飲過 Anpanman 果汁之後，Yuki 開始愛上麵包超人。今次既日本之旅，絕對會令 Anpanman 人氣急升。除左去左位於富良野既 Anpanman Shop，我地又黎到係橫濱既 Anpanman Children's Museum，睇下攬住 Anpanman 笑得好開心既 Yuki，就知佢幾鍾意啦！

係日本，好多百貨公司或者專賣小朋友玩具既商店，都會有一個 play corner，呢度都唔例外。當然所有玩具都可以係呢間 Shop 度搵到，玩過覺得好既就可以買返屋企慢慢玩！

除左玩具，連食物都係 Anpanman，味道都唔錯架。

唔知係咪暑假既關係，唔係假期都人頭湧湧，仲有真人表演。

表演時好多家長都同小朋友一樣咁投入，唔只跟住唱，仲跟住做埋動作。

Yuki 雖然唔識，但都有跟住做架。

 

 

 

大家覺得 Yuki 做得似唔似呢?

 

跟住我地就入左要收費既博物館，入面又係有得睇又有得玩，岩晒小朋友～

最後唔少得既，梗係影返張全家福啦：

2008 仲夏關西關東北國走透透之旅 - 東京迪士尼篇~

７月２８日晚上差不多十點，我地到達東京既羽田機場，一早預左夜機到東京，所以今次放棄左住池袋，搵左一間近羽田機場既酒店，我地係東京住３晚，主要行程係去迪士尼，橫濱既 Anpanman Museum，最後我地揀左位於大崎既 Daiwa Roynet Hotel。由大崎出發去迪士尼或者橫濱，車程都只係半個鐘左右，fit 晒我地既行程。

７月２９日，Yuki 既生日，我地決定去 Disneyland 玩，一早起身，梗係要食個早餐先，我地揀左酒店隔離座商業大廈既 Mos Burger ，見到 Yuki 笑得咁開心，一定好好味啦～

 

 

都未入樂園，係外面已經好吸引。

一入到去，Yuki 就比 balloon 吸引住，Daddy 見係佢生日，就買左一個比佢，佢千揀萬揀始終都係揀返 Pooh Pooh。

 

當然唔少得玩下 Yuki 最鍾意既「馬馬」啦！

Yuki： Mommy，Daddy 係果度呀！

 

 

Winnie the Pooh 好多人排隊，要排120分鐘，我地趁 Yuki 瞓左，就去排。

好彩，可能因為撞正巡遊大匯演，少左人黎玩，排左唔夠一個鐘就入得去啦！醒目既 Yuki 排到去入口處，就起身啦！

 

東京既 Winnie the Pooh 實在太好玩，唔怪得成日都咁多人。Yuki 玩得非常開心，連帶行到去出口處既商店，都笑容滿臉。

嘩，好大隻 Pooh Pooh 呀！

仲有 Piglet Yuki 同埋 Tigger Yuki，係咪好可愛呢！

 

 

  

當然唔少得排隊玩「小小世界」啦！

仲有排左成個鐘先見到既米奇，同埋係城堡前面影張全家福！

 

話晒生日，點可以無蛋糕架，細細件頂住擋先：

Yuki, Happy Birthday!

 

真係玩得好開心呢，第二日瞓醒覺豬，見到個 Pooh Pooh Balloon，仍然都係好開心呢！ 迪士尼，幾時再見呀？

2008 仲夏關西關東北國走透透之旅 - 旭川篇~

黎到旭川，第一個地方要去既，就係山頭火拉麵本店，可惜唔知點解，個導航同 Mommy 手中既 leaflet，山頭火本店既地址同電話都係錯既，跟住個地址去到都搵唔到，最後我地去左旭川拉麵村，終於可以食到咁美味既拉麵。

除左拉麵之外，旭山動物園都好出名架。黎到旭山動物園，果然好多人指點我地去泊車，不過果Ｄ全部係「有料」（即係要俾錢）既停車場，我地唔想俾錢，所以係動物園外圍兜左一個大圈，最後發現所有「無料」停車場已經滿晒，我地唯有心有不甘咁搵個近入口既「有料」停車場，其實都唔貴既，500円泊一日囉！

Daddy: Yuki，你睇乜呀？咁專心既！

Yuki: Giraffe 呀！Daddy，我唔夠高呀！

 

 

天氣真係好好，個太陽好猛，人又多，我地都無乜心機排隊，就學日本人坐下草地，嘆一嘆先。跟住仲走左去水池到玩，玩到濕晒，要換衫衫呢！

 

 

我地仲睇左企鵝，北極熊，海豹等等，不過好多都無影相，淨係得企鵝呢！

 

 

離開動物園，仲有Ｄ時間，我地又去左 Akachan shopping，呢間 Akachan 好大間呢！對面仲有反斗城架，又係好大間，成座野咁架，不過 Yuki 訓左覺覺豬，所以我地無去囉！

之後就係還車搭飛機去東京既時間啦，拜拜啦，北海道，下次再見啦！