冰之驕女－第五十七課

今日呢一堂可以話係大躍進呀！

雙腳轉圈終於都夠力轉兩個圈喇～

仲有新招單腳轉都轉得好好喎～ 簡直係出乎意料地好呀～

 

呢度做乜好似要跳水咁既姿勢既？

今堂開始呢一個月Evan哥哥暫停上課，得返Yuki同琳琳兩個吱喳妹～ 哈哈～

希望下個星期Yuki唔好還返哂Ｄ動作俾Hei Tung老師就好喇～

第一個獎盃

Yuki第一次攞獎啦～

係學校既一個頒獎典禮～ 可惜Daddy Mommy都無辦法攞假，所以要麻煩爺爺做記者為我地拍下Yuki第一次攞獎既實況～

班裏面大約有一半同學仔有獎攞～ 雖然唔係Ｄ全班只得一個或全級只得一個既獎～ 但係對小朋友黎講，其實個獎帶來既鼓勵有於個獎既名次或類別～

果晚Daddy夜左放工，一入門口Yuki就拎個獎盃俾Daddy睇喇～

 

Well Done, Yuki!  Daddy & Mommy love you!

努力。踏單車。五

Yuki學踩單車比學溜冰進步得快好多～

今日又趁天黑之前落平台花園練返幾個字喇～

有埋Mommy一齊落去，可以影到多Ｄ片，同埋唔使淨係影住Yuki個背脊啦～

好囉～好囉～ Daddy唔使再彎哂條腰推Yuki喇～

踩得好左好多下架，不過都俾大家睇下跌低既情形。跌低唔緊要，起身再踩過就得喇～

(This is the 5th time Yuki learning to ride with 2-wheel bicycle)

第五個父親節

今日下午Mommy有Ｄ事約左朋友，剩低Daddy同Yuki共處呢個父親節既下午～

等Daddy帶Yuki去見識一下國際級龍舟隊既實力喇～

之不過Daddy一時搞錯，泊左車係海運大廈～ 原來個龍舟比賽地點尖東海旁，步行距離超過一公里呀～ 仲要一路沿住海邊無遮無掩，好熱呀～ 我地行左好耐先黎到比賽地點～

宜家扒龍舟既槳好專業架～ 用炭纖維做架，仲有個袋揹住行，好有型喔～

開始喇～ 開始喇～

Yuki睇唔到唔夠高唔緊要～ 有得騎Daddy膊馬嘛～

衝線喇～

比賽完一場又有Ｄ叔叔演奏樂器～ 佢地原來係民安隊既銀樂隊～

唔止叔叔喎～ 仲有哥哥姐姐添呀～

忽然間有個姐姐過黎話幫我整個印水紙紋身～

好靚呀～

回程梗係唔行露天喇～ 原來宜家既尖東站可以一路連返過去海港城架～

返到海港城～ 又熱又攰～ 搵個地方抖一抖食個tea先～

有個維港靚海景，加埋有個靚女一齊～ 呢個父親節真開心！

冰之驕女－第五十六課

每個星期，Daddy都好期待Yuki學溜冰呢半個鐘～ 因為呢個係唯一可以俾Daddy睇住Yuki上堂學野既一項活動～

睇住Yuki同琳琳，Ethan哥哥開心愉快地上堂，一樂耶～

今日轉圈一般般，溜飛機就溜得幾好下～

呢下係咪搞到有少少似就黎要跌咁呢～

 

上完堂琳琳有事要走先，Yuki同Ethan哥哥繼續練習多一陣～

冰之驕女－第五十五課

今朝又好大雨呀，去Megabox上溜冰堂之前有黃雨警告添呀～

今堂轉圈動作時好時壞，所以Hei Tung老師要Yuki練多Ｄ～

然後扮飛機動作就好Ｄ～ 開頭都唔夠低架～ 

後尾經過Hei Tung老師做住手做幾次就好Ｄ喇～

 

呢幅相入面既Yuki做乜按住個肚仔呢? 其實係因為佢剛剛跌到～ 撞到個肚仔呀～ 唔怕唔怕，跌多Ｄ先學得叻架～

努力。踩單車。四

經過約一個月既努力。。。 （其實計埋今日係踩到第四次）

今日終於都有Ｄ成績睇下喇～

多謝各位有指導過Daddy同Yuki既朋友～ Thank you!

大家有無留意到Yuki自己都有幾下滿意既笑容哩～

端午龍舟。滑浪

端午節想去游龍舟水，要頗大的決心～ 因為要－－「早」～ 加上我地今日想去大浪灣喎，更加要早上加早喇～

今朝早餐都唔食（係唔坐低食至真）就出發喇～ 好彩，入到大浪灣雖然無哂錶位～ 不過仲有私家停車場既位可以泊咋～

今日算係半個約定，Joann姨姨Gary叔叔同Gibe妹妹都去大浪灣游水呀～ Gary叔叔佢地有幾塊滑浪板架～

就係因為咁，所以Yuki可以試到第一次既滑浪板呀～

愈玩愈開心，愈玩愈唔捨得上水～ 結果。。。 Daddy既背脊就係咁就紅哂囉～

但係睇住Yuki由開頭唔多識玩，唔多敢玩～ 到後尾自己抱住塊板一次又一次咁玩，值得既～

 

冰之驕女－第五十四課

經過多個星期轉圈都無乜進展，今個星期終於都有Ｄ突破喇～

Hei Tung老師教左Yuki轉身時隻手要伸直，可能因為咁樣個離心力就會大Ｄ，轉圈就轉得好Ｄ喇～

扮飛機好睇就好睇喇，不過個身彎得唔夠低喎～

嗨～嗨～ Yuki今日得你一個落完堂練習～ 加油，快Ｄ練多Ｄ喇～