冰之驕女－終於考試了

Yuki今次嘅溜冰考試都算拖得耐喇～

琳琳同Evan哥哥都已經考咗成個月有多喇～

今日Hei Tung老師上堂時段見Yuki今日表現唔錯，所以話不如今日考試喇～

上完堂練多半個鐘，等另一位教練負責幫Yuki監考～

因為今日考試時間唔係平時掃完冰果陣，而係已經開放咗俾其他人入嚟嘅時間，所以場中間會比較多人～　做起動作嚟要留意住其他人～

嚟睇下Yuki考試片段喇～

Yuki仲驚Daddy唔知佢已經考完～　仲做埋個time-out動作叫我停機添～

考試順利完成！　冰之驕女再向下一階段進發～

來玩「冒險樂園」吧！

今天Yuki和她最好的朋友Hillary去了「冒險樂園」玩。

睇下片啦！

今天是我Yuki第一次來玩的北角「冒險樂園」呢。

這篇blog是Yuki自己作的呢。

來吃拉麵－拉麵來

前一兩次入大坑食潮民時已經有留意到隔離呢間拉麵店～

裝修用咗昭和年代懷舊風格～　有啲似天后日式甜品店－彌月屋～

今日假期一點左右嚟到，都有排隊人龍～　等大約六七個人左右～

一路排隊，一路揀定食乜嘢～

落單好多嘢都可以選擇～　啲麵可以揀軟、普通、硬～　湯底又可以揀濃淡～　要葱／唔要葱～

拉麵來旁邊嘅巷仔嘅另一邊就係另一人氣店－－炳記茶檔～　搵次去幫襯下先！

等咗十分鐘左右就有位喇～　因為店面偏細，所以全部都係吧枱位～

我哋坐嘅位對正師傅整麵～　拉麵來嘅麵係自己做㗎～

Yuki拎住張單唔通諗住請Daddy Mommy食晏？

等緊嘢食週圍睇下嘢喇～

抬頭見到好多懷舊玩具呀！

咦～　細細罐嘅係咩嚟？　SAKE? 原來係罐裝日本清酒呀！

啲麵嚟喇～　我哋點咗兩個麵～　

呢個係「金」－豚骨濃湯拉麵～　另加味付玉子一隻～

另外一碗係期間限定嘅「土」－熊本黑蒜油拉麵～

Yuki食得好專心～　俾Daddy偷拍一刻先發現！

Yuki非常欣賞咁喎！　

呢道拉麵味道不錯～　不過叉燒薄咗啲～

下次再去試下其他新興熱店！

重返海洋公園

應承咗Yuki考完試後會帶佢去海洋公園～
今日嚟到我哋又再一次申請返三張Annual Pass喇～　宜家全年證係單次門票既剛剛三倍～　不過飲飲食食有九折，泊車又平$25，計落其實唔使嚟足三次先回本既～

入到嚟將近中午～　我哋先食個lunch先！
今日幫襯間新餐廳～　係冰極餐廳呀！

入門口果度有個姐姐提醒有每人最低消費$100～　入到嚟就覺得抵嘞～
因為呢間餐廳可以睇住冰極天地既企鵝一路食㗎～
仲要外面有個幾寬濶嘅位置俾大家行出去睇同影相添～

睇下我哋同企鵝幾咁近距離接觸！

好似爬咗上Yuki個頭度，哈哈！

啲企鵝行緊過嚟喇～

睇下Yuki直頭好似想用手同佢哋玩咁呀！

嘢食嚟到喇～　呢個係Yuki嘅兒童餐～　個餐盤好得意，套餐具用個專門坑位放㗎～

不過味道就唔算特別好～

食飽就到Mommy陪Yuki出去睇喇～　望呢邊呢唔該～

食完冰極餐廳出嚟，Yuki即刻捉住Daddy話今次到我同佢玩過山車呀～
因為對上一次嚟果陣嘅試玩，Yuki淨係同Mommy玩左，今次到Daddy喇～

今日整個海洋公園都唔算多人，所以排大部份遊戲都係十五分鐘左右咋～
玩緊喇～　睇吓見唔見到Yuki同Daddy喇喎～

Mommy好嘢喎，真係影到㗎喎～
乜Daddy青筋都現埋㗎～

同對上一次事隔半年左右，Yuki長高了～
咁即係代表乜嘢呢？　即係話Yuki有部份要身高120cm先玩得嘅機動遊戲Yuki終於都玩到喇～
首先呢部碰碰車，今次可以同Mommy一齊喳喇～

開車前，仲可以幫佢哋影返張相先～

另一個上次試玩未開嘅北極館今次都開咗喇～

愛斯基摩人屋企呀～

下一個剛剛夠高玩嘅係熱帶激流～　睇Yuki呢身裝朿，梗係無乜濕到喇～　

好嘞～　咁除咗有剛剛夠高玩嘅新遊戲，當然亦都有啲差唔多唔可以再玩嘅遊戲喇～
例如彈彈屋跳吹氣屋～　身高限制係122cm～　Yuki宜家剛剛122cm


排隊時望埋去，Yuki真係比其他小朋友高喇～

一入去開始跳就跳到髮夾又甩，馬尾又鬆～

坐定定俾Daddy影多張相先！

玩完第一次，未夠～　要求再玩多一次～　之後，都仲未夠！　再玩第三次！
問Yuki點解要玩咁多次～　
Yuki答話：「因為下次再嚟應該高得滯唔玩得㗎喇，所以今次最後一次玩，要玩多啲呀！」