香港海防歷史

呢個位於港島鯉魚門口既香港海防博物館，原來已經開左就黎九年喇～

Daddy Mommy渣車同我經過無數次，但係今日先至第一次入去參觀。

入場費成人十蚊，免費泊車三個鐘～

海防～ 唔少得既當然係好多唔同款式既軍車喇～

 

 

 

 

 

 

 

上到黎呢度，不難理解呢度可以成為海防重地既原因～ 因為進入維港經過鯉魚門口呢個位置係特別接近對面岸～ 就真係好似守衛住一度進入維多利亞港既閘門咁～

沿住山邊行，仲有唔少當年戰光留下既痕跡～

嘩，呢支大砲好大支呀～

 

宜家同場加映仲有一個東區歷史展既專題～ 住港島既朋友估下呢Ｄ係邊度既售樓宣傳？ （右下角應該就係今日既文娛中心）

週末家政課

又到左上家政堂做曲奇喇～  家政課當然在家中啦～

Mommy先準備好D基本材料先～

今次Mommy準備左Ｄ唔同形狀既模俾我用黎印Ｄ曲奇出黎架！ 你地認唔認得呢個係乜野形狀呢？

 

 

好勒！

開始印曲奇喇～

 

 

 

 

 

 

第一個製成品！

 

 

 

 

 

 

米奇都出埋黎喇！

 

 

 

好喇！準備入焗爐喇～ 好心急呀！

滴答。。滴答。。滴答。。 叮！ 得喇！

好味呀！ 我請你地食丫！

新衫試影

今日臨出門口要換衫之際，Yuki見到呢件新Anpanman T-shirt，即刻同Mommy話要著呢件去街啦～

成個人精神哂～

加送百厭爬梳化Yuki～

吹喇叭?

話說上次去日本旅行時，去左位於神戶的豐田產業技術記念館，裡面有個機械人會吹喇叭的，當時Yuki 睇得好入神:

事隔兩個月，今晚Yuki 拿了自己的玩具，扮作吹喇叭：

你地睇下，佢啲手指仔真係郁的，然後她自己說在扮機械人，於是Daddy 趕快去取相機，叫Yuki 再吹一次，跟大家分享！

Daddy Mommy 其實都幾驚訝，估不到Yuki 除了記得在日本看過機械人吹喇叭，還記得手指要怎樣動！

士多啤梨園

上年無機會參與既士多啤梨園之旅，今年終於可以去得到喇～

今日仲要天朗氣清，陽光普照，有呢Ｄ室外活動真係開心勒～

今年我地揀左個係坪輋既士多啤梨園，不過入到去發覺原本想去果個今日俾人包場，好彩隔離都有另一個果園，可以照原定計劃，Yeah!

香港既士多啤梨園，D士多啤梨始終比日本既細粒好多～

豆豆，你都拎兩粒士多啤梨一齊影相喇！

今日好天到呢～～ 我地要拎埋把遮出黎擋下太陽添～

有Mommy擋太陽，玩都玩得開心Ｄ呀，你地睇下豆豆同卡Ｂ睇我睇到入哂神添呀～

好啦！愈坐愈熱，我地都係快Ｄ俾錢走人喇～ 摘幾多，磅幾多～

 

 

 

呢袋就係我今日既收獲喇～ 盛惠17蚊～

 

 

 

 

 

之後近近地去左附近既雲泉仙館食齋～

講番Ｄ士多啤梨，估唔到呢Ｄ細細粒既都唔酸喎，仲要多有Ｄ果香添～

山寨行

我既朋友仔山寨王既弟弟出左世喇～

今日同埋幾個朋友仔一齊入去山寨探下佢地兩兄弟啦！

小小山寨王訓左覺，咁等我同山寨王玩住先喇～ Daddy，我分Ｄ俾你丫！

玩左一陣，發覺山寨王屋企有樣新玩具喎－－－

呢架車好好玩架～ 可以唔使用腳仔佢都可以向前行架喎～ 不過我同豆豆第一次玩所以唔係好識控制咋～

仲要可以坐兩個小朋友都得架～ 豆豆，等我車返你喇～

玩下玩下，到後尾我地走左先記得，哎呀！ 我地唔記得同小小山寨王影相呀！

咁點算呢? 唔緊要，又有個藉口下次再入去探下ＢＢ。。。。。 順便玩下架車車囉～

搭船去食飯?

Daddy話今晚去食飯既地方係搭船去架～

我地就係西灣河呢個碼頭搭船喇～ 真係好方便呢，七分鐘船程就到喇～

無錯喇，呢度就係鯉魚門喇～

你地睇下我已經準備就緒開餐喇～

今晚呢個餐足足有十二種菜式同一個果盤：

先黎一個好甜美既魚湯。。 之後就到主菜海鮮進場喇～

１）蟶子

２）豉油皇煎中蝦

３）帶子

４）東風螺

５）東星班

６）蛋白蒸膏蟹

７）龍蝦

８）扇貝

９）瀨尿蝦

１０）鮑魚

１１）糯米飯

１２）蠔油炒西生菜

附送鮮果盤一碟

呢間酒家最好係人多又得，人少又得～ 好似我地尋晚其實得四個大人加埋我一個小朋友，但係都可以有咁多款海鮮食，真係食得好開心哩。。。好飽呀～

窩心對話~

今日中午，一家三口在餐廳用饍，Mommy 跟 Yuki 坐一邊，Daddy 自己坐一邊。

Yuki：Daddy 我同你坐呀?
Daddy：點解呀？
Yuki：因為呢，我好鍾意 Daddy 呀！

Daddy 露出甜在心頭的樣子！

來自日本的「ポニョ」

 

自從睇完套戲之後，我就好喜歡ポニョ啦，上星期Mommy 放工返黎，就話有份禮物比我，你地睇下，來自日本既ポニョ呀。

我仲好肉緊咁抱住佢黎錫，原來係Mommy 既朋友係日本買返黎送比我架，我好開心呢！Daddy 話比我知Mommy 既朋友叫做「蝦蝦姨姨」，個名咁得意既，食唔食得架？

 

 

 

多謝妳呀，蝦蝦姨姨！

食食食（後記）～

出院時，yuki 的體重是29 lbs，經過個多星期的努力食食食，體重已經回復31 lbs 了。

我愛搭巴士~

自從Daddy 轉左工唔再渣車返工之後，我就多左機會搭巴士啦！

星期五晚，Mommy 就同我搭巴士返婆婆屋企食飯，我一上車已經好興奮，不過因為太多人，Mommy 就抱住我一齊坐，唔俾我四圍郁。後來到左柴灣之後，多左人落車，我就同Mommy 坐左第二個位，Mommy 見我好興奮，就拎個電話出黎幫我影相。

個Ｖ字係學校老師教影相時要整架，靚唔靚呀？

唔知你搭巴士會唔會好似我咁開心呢？