慈善活動－智樂快樂行

上次我地參加左智樂既自然玩、自然玩活動～ 今次知道佢地有呢個一年一度既慈善快樂行，第一時間報左名參加～

今年於數碼港舉行，上完溜冰堂黎到剛剛睇到開幕儀式～

呢個係非一般既善慈步行～ 整個場地有好多不同既攤位～ 好似下面呢個就係等小朋友感受一下手腳受咗傷既人需要用不同既輔助工具，例如：輪椅、支撐架、拐杖～

從呢啲數字箱任意抽一個，就知道要試用邊種工具～

Yuki抽到要用拐杖嘗試行同跳～

跟住落左去大草地，有好多好多攤位遊戲～

呢啲攤位遊戲都有個特點，就係全部工具同設施都係用啲循環再用既物料製造～

坦克車黎喇～

 

 

有人咁高既層層疊～

彩虹傘～ 無論係揸住外面玩，定係捐去入面玩～ 每個小朋友都咁鍾意架～

睇下Yuki玩得幾咁忘形！

然後係一系列既樂器～ 有搖既～

有敲擊既～

呢種應該點樣形容呢？ 每個氣球裏面裝左唔同既野，有裝住水既，有裝住沙既，有裝住叮叮噹既～

行下行下，見到一棵許願樹～ Yuki話有野要寫俾Daddy Mommy～

睇唔睇到？

呢張俾Daddy架～

Thank you, Yuki!

仲有得打呢個擬似Golf既遊戲～

 

既然是擬似golf~ Yuki當然亦以golf既方式黎打喇～

玩過Ｄ室外遊戲～ 可以帶兔兔準備入室內睇醫生喇～ 呢隻兔兔係契爺送俾Yuki架～

今日呢個活動另一重點就係可以俾小朋友帶佢地心愛既公仔，模擬到醫院接受檢查同治療，等小朋友感受到病童的經歷～

入院第一樣先要度高～

磅重～ 護士姐姐話兔兔輕左少少呀～

探熱～ 正常３７度，無發燒～

 

戴埋條病人手帶～

Yuki安慰兔兔叫佢「唔使驚架」～ 繼續等見醫生作進一步診斷～

見醫生喇～

醫生話要同兔兔再去見骨科醫生呀～

呢邊有幾隻容易受傷的小熊喎～

骨科醫生好忙呀～ 見過醫生，佢話兔兔無乜大礙，去搵護士姐姐貼塊膠布～

唔該護士姐姐～ 我地可以帶兔兔返屋企喇～

呢個活動真係好有意義，而且又係好好玩～ 下年希望再黎呀！

雪雪週記：二月二十五日

(宜家既幼稚園，原來K3就開始要寫週記架喇～ 借呢個機會，順理成章希望可以同大家分享一下Yuki既每週一文喇！）

二月二十五日 ● 陰天

      我敬愛的老師

，老師教我很多東

西令我很喜歡上學

，我很喜歡讀書我

最近看了一本書是

公主的。

生病了

呢個星期六日本來要Daddy肩負起帶Yuki去上音樂班同去學溜冰既重任，但係結果變成大部份時間喺屋企渡過～

點解要Daddy帶Yuki去上堂呢？ 因為Mommy今個週末同朋友去台灣旅行玩幾日，見下佢地台灣既朋友，包括上次新年前見過既奈奈姨姨、ＣＰＵ姨姨、仲有小姮姨姨等等～ 所以本來就要Daddy照顧好呢個週末Yuki既活動～

咁又點解變成大部份時間喺屋企渡過呢？ 因為星期五開始Yuki就有少少發燒，有喉嚨發炎～ 睇過醫生，斷斷續續都燒下退下，燒下退下～

結果，尋日既音樂班無上～

喺屋企搵Ｄ野做下，Yuki搵返Ｄ以前所收但係未開既禮物開黎玩／用～ 呢份就係以前家姐送既公主文具！

Mommy雖然在旅行中，但係都每隔一兩小時就要Daddy滙報一下Yuki既體溫～ 有WhatsApp既時代，隨時都可以文字加聲加畫地同Mommy保持溝通～

好彩Yuki都好精神，仲好玩得，好開心！ 捧住佢既豆豆長高左，幾開心！

今日朝早六點幾又有燒３９度左右～ 所以又去唔到溜冰～

還好在叫Yuki食藥佢都算合作～

中午見退左燒，就帶Yuki出一下街喇～

兩父女去左太古城Pokka Cafe食左個lunch～ Yuki叫既兒童餐食具好特別架喎～

係一個日本公主造形既兩層盒～

裏面好豐富，乜野都有Ｄ，多到Yuki一個都食唔哂呀～

最近既天氣時冷時熱，身邊好多人都病呀～ 希望Yuki快Ｄ好返之餘，希望大家都小心身體，健健康康喇！

種豆真好玩

種豆種豆真好玩～

啦啦啦啦啦！

種豆種豆生葉了～

生呀生又高～

（此乃Yuki第一篇自己寫的blog，由她口述，Daddy鍵錄）

冰之驕女●二月篇

冰之驕女好耐無同大家見面喇～ 對上一次已經差不多兩個月喇～

呢段時間，Yuki既溜冰技術呢…

某Ｄ動作有進步，例如單腳轉圈～ 宜家轉到兩圈架～

但係飛機呢，就…無甚進步！ 隻後腳都係舉唔高～

上堂依然係四圍走，古靈精怪依舊～ 哈哈～

不過每個星期上完堂都肯留低係度再溜多半個鐘，雖然果半個鐘唔係好努力咁練習返Ｄ動作，但係睇見佢悠然自得咁溜圈，ＯＫ喇～

想知Yuki黎緊既溜冰進度如何，請繼續留意冰之驕女不日上映～

見識壽臣山

壽臣山，位於香港仔海洋公園旁邊的高尚住宅區～ Yuki自小去海洋公園搭纜車時，Daddy Mommy就會同Yuki講話好鍾意下面見到Ｄ屋呀，有自己既泳池架～ 然後Yuki就會好肯定咁話：「好丫！我第日大個買俾你地住丫！」 （真孝順！）

今日終於有機會入去見識一下壽臣山既屋入面到底係點既呢？

呢度係Daddy Mommy以前共事過既公司舊同事屋企～ 每年農曆新年一班同期舊同事都會盡量相約出黎見見面，食個飯～今年更有呢個機會造訪呢個位於壽臣山既屋企～

呢度雖然無私家泳池，但係都有個好大既廳、好大既廚房、每間睡房都有套房～

真係好估唔到，呢個無小朋友住既屋，居然有咁多玩具同啱小朋友既書～

好似Yuki睇緊呢本pop-up書，有個立體紫禁城架～

其實除左呢本，仲有好多其他既立體書呀～ 有講香港交通工具，有關於居住環境歷史，有街頭小食～

 

立體書以外，又有好多袖珍迷你玩具～ 好似呢套迷你飛機餐～ 全套其實有８盒，每盒代表一間航空公司～

近睇之下就會發覺呢Ｄ玩具像真度甚高～ 杯裏面既飲品、筷子套同入面既筷子、餐盤、食具，每一樣都好細緻～

其中一個士多房，裏面仲有好多玩具架～ Mommy話第日去海洋公園的話就順道過黎探下叔叔同姨姨佢地喇～

幾個小朋友，由當年全部未出世，到宜家最大果個都中二（中三果個無黎）同三個細Ｄ既五歲半(Yuki)、四歲半、三歲～ 希望黎緊我地都可以起碼每年見一次喇～

多謝咁多位叔叔同姨姨們今日派俾Yuki既利是呀～