1 2 3 數數數

今晚 Yuki 同 Daddy 黎個多國語言數數字，大家估下 Yuki 可以講到幾多種呢?

自己去睇下啦，去片！

漁港歷史

今日Yuki係咁易上左少少香港既歷史堂。

我地去左香港其中一個仲留有少少香港漁港風情既地方－－鯉魚門。

Daddy Mommy帶我用左一個最可以體現漁港風情既交通工具去鯉魚門，就係搭「街渡」喇～ 

原來搭「街渡」既感覺幾特別架～ 一路行一路聽到’卜～卜～卜～’聲。另外又會聞到一陣陣燃料味～ 同埋海面傳來一陣陣唔知點形容既味～ （Daddy話呢Ｄ就叫做「香港味」喎！）

我下面呢幅相既感覺係咪有Ｄ似要遠行，有Ｄ依依不捨既感覺呢？ 係呀，因為我第一次搭住船睇住屋企愈黎愈細，「Daddy Mommy! 我地幾時返黎架？」

到左鯉魚門，我地就沿住Ｄ巷仔一路行入去～ 沿途有好多海鮮呀～

Ｄ瀨尿蝦隻隻都有我手臂咁長咁粗～

Ｄ墨魚隻隻都有我個頭咁大架～

不過我地今日黎既目的唔係食海鮮～ Daddy話搵次特登過黎食晚飯先食海鮮喎～

同大家講過體驗漁港風情嘛～ 睇下我同Mommy身後面既漁船同屋屋有無令大家諗起以前既香港呀？

**同日加映**

今日要去收左Yuki讀N1既幼兒園交註冊費。 交完錢同Yuki係學校行一轉，唔知點解近來叫Yuki影相叫佢擺甫士佢就九成會擺呢個Ｓ型甫士出黎～

Daddy Mommy 同埋爺爺麻麻每次睇到呢個甫士都會笑Yuki係邊度學架？Yuki既姿勢加表情真係好得意～

（據Mommy估計應該係自從上次係濕地公園影果張側頭草地相個個都讚Yuki靚靚之後，佢就將側頭甫士再發揚光大喇！）

講多樣野俾大家知啦～ 其實收左我果間學校係Daddy細個果陣都讀過架～ 所以Daddy帶我返到校舍既時候好有親切感～ 好喇～ 等我地兩代學生係校門前影幅合照喇～

變身小 Daddy ~

Yuki: Daddy，點解你有呔呔既？

Daddy: 係呀，Daddy返工要打呔嘛。

Yuki: 我又想試下返工呀，比條呔呔我啦，daddy daddy daddy~

就係咁，Yuki 就黎個變身小 Daddy 啦~ （以上對白，純屬虛構，如有雷同，實屬巧合）

中國歷史上的一頁....512

這個網誌作為daddy mommy為yuki長大以後可以回顧自己由出生開始的一些生活瑣事或一些值得紀念的事，daddy覺得有必要也在這個網誌上為yuki留下一些將來yuki懂字懂性後會用心去領會的事～

二００八年五月十二日 。。。 一個對我們中國人來說令人難以忘記的一天～

記得這天我們在你朋友仔家裏開泳衣派對，daddy最先接觸到這個訊息是隔著玻璃門看見電視上右邊打出一行字「四川發生７.８級地震」　daddy最初還不以為然，覺得：呀～又有一次地震了～

接下來的這一個星期，每天都看到一幅又一幅、一篇又一篇令人心痛的報導～　daddy不打算仔細的一一描述，相信即使到你長大了，袛要你有這個心，網絡上絕對可以找到很多很多有關這次災難的一切～

daddy袛希望借此網誌一隅，讓yuki你知道我們應該對身邊擁有的一切心存感恩之心。幸福的而且確不是必然的～　在香港，我們不用在地震這些天災的恐懼中過著每一天～　我們每天／每週可以見到我們最親近的父母兄弟姐妹～　甚至一口清新的空氣、一口平平無奇的白開水對我們是簡單不過的東西，但對四川的災民來講，這一切都可能已變得遙不可及了～

daddy希望用以下這一句與yuki共勉之：

當我們想希望得到甚麼以前，務必也時刻提醒自己已經擁有了甚麼～

（不知道yuki你到幾歲的時候會問daddy這句話的意思呢？）

三輪車

自從daddy mommy買了這台三輪車給yuki後，一直都無機會親自帶我去戶外好好地踏個夠～

今天機會終於來了～ mommy提議去踏單車勝地--大美督(前名大尾篤/大尾督)。

我係呢次大美督單車賽事年紀最細既：yuki小選手

一去到先係出發地點同mommy影番幅出賽前合照先～

 

好喇～

等我先黎一輪熱身運動先～

 

 

 

 

 

 

 

 

咦～ 大會開始召集各參賽者喇～ daddy提我快d去mommy度搽太陽油先喇～ 今日有少少曬呀！

賽事係水壩既一端開始，我一起步就以高速彈出～ 你地睇我個樣幾認真!

唔阻大家咁多時間～ 去片睇睇我賽事中既片段！

Sleeping Bunnies 隨想

看過 Iain sleeping bunnies 的相片，今天的 PG，Mommy 也特別把 Yuki 的 sleeping bunnies 拍下，打算跟批師奶分享一下。

每次上 PG 時，只要是 Sleeping Bunnies 的時間，所有小朋友都會躺下來扮瞓覺，不管平時多頑皮的小朋友，一定靜下來，我在想，這是不是所謂的 Peer Influence。

一想到這點，就立刻聯想到長大了的 Yuki 也會受朋友影響，所以認識到好朋友，是否比入到好學校更重要呢？

我不想做一個專制的媽媽，不想干涉 Yuki 交朋友的自由，但另一方面也不想 Yuki 學壞，幸好 Yuki 還小，還有時間讓我細想。

泳池派對~

今日daddy mommy 又帶左我去玩, 仲有朋友仔 iain, leo, 卡B 同豆豆, 究竟去左邊呢？佢地話係參加派對，仲要係泳池派對添！

好玩到筆墨難以形容，自己睇相啦：

玩完水，仲有屋仔玩下～

最後梗係食左美味既晚餐啦，不過所有 daddy mommy 掛住食，無人得閒影下相，我只可以講比你地知，係好美味囉～

母親節午餐~

雖然前一陣子，我地已經同「麻麻」食左晚飯慶祝母親節，不過，今日正日，爺爺又去左旅行，我地就約埋「麻麻」一齊出去食西餐。

 

食西餐既地方，提供左顏色筆同畫冊比小朋友，睇下 yuki 油顏色油得幾專心。

 

 

 

食完飯返到屋企樓下，見到某奶粉商派出既 bear bear 宣傳公仔，yuki 一見到，即刻飛奔去找 bear bear，幾經辛苦，同 bear bear 黎張合照。

最後，yuki 祝所有母親「母親節快樂」！

迪士尼樂園

本來mommy daddy都無諗住yuki咁細個就帶佢去迪士尼樂園玩。不過mommy公司早陣子抽獎抽到幾張迪士尼既門劵，所以我地就因此而有呢個第一次既迪士尼樂園之旅喇～

今次係mommy daddy第二次去迪士尼，第一次係迪士尼剛剛開幕果陣，果次好多好多人。今次雖然係週末，但係真係少人左好多呀～

到現時為止，一般樂園遊戲設施裏面，yuki最鍾意既就係騎馬馬。

daddy影左好多幅馬馬郁住既相，終於都有呢幅daddy mommy同yuki都滿意架喇～

 

玩完馬馬一陣就開始巡遊喇～ 睇巡遊，當然要早幾個字開始要等喇～ yuki一路等，一路玩（條繩繩）～

 

 

 

巡遊正式開始～ 不過daddy揀錯位，由頭到尾都淨係影到yuki同mommy既背脊咋～

 

 

 

呢度就係最新開既小小世界喇～

仲有同馳車天地既車車影相相～

yuki玩到五點幾排緊史迪仔既時候終於頂唔住瞓著左～ 一瞓瞓左個幾鐘。

瞓醒既時候，天開始黑啦，仲有幾滴雨添～ 話得yuki鍾意騎馬馬，梗係唔袛騎一次啦。 仲要瞓夠左既yuki影相影得幾開心～

好彩我地無諗住等埋煙花咋，我地架車剛剛離開迪士尼搭正八點，就開始落到好大雨呀～ 好彩～

自家製母親節賀卡~

今年的母親節，收到 Yuki 在上 PG 時親手製作的賀卡：

看不懂嗎？

賀卡中間是預先寫了賀詞的紙張，那些紅色黃色呢，本來是 yuki 的小手印，因為 mommy 讓 yuki 親自製作的關係，變成了這個樣子，不過 mommy 很喜歡這賀卡呢～（其實 mommy 也有幫忙搽白膠漿啊！）

戒片片...退步了~

Yuki既戒片片進度有點阻滯, 呢個禮拜好幾日都唔自動話要VV.  好多時都要姐姐不斷提住佢, 提好多次先可能有一次!

今晚Yuki就受到daddy同mommy既教訓喇~

話說仲係麻麻屋企既時候, mommy見yuki已經距離上次VV成個幾兩個鐘, 咪係咁提yuki要唔要VV?  Yuki猛話:「唔要!」  連daddy引佢話去廁所佢都唔去!

咁daddy mommy咩係咁叫yuki如果要VV記得要講呀, 如果唔係要打打架! yuki好順口咁答: 「知道~」

點知話口未完, 幾分鐘後yuki就企係廳度vv左.  嘿嘿!  話口未完, 講左要打打都仲係咁~

無辦法喇~ daddy mommy為左信守諾言, 心痛地都要確確切切地打yuki既pat pat仔幾下~ yuki登時放聲大喊!~

yuki, 今次係你抵打打架~ 我地已經事先講明架嘛!  你聽日開始唔好再急急都唔講喇!