萬聖節=扮野節

又到一年一度既萬聖節喇~

一上街到處都是經過悉心打扮的幼稚園小朋友們，當然包括Yuki喇～

對手袖有南瓜公仔架～

趁等校車影埋樓下既萬聖節裝飾先～

新單車遊科學園--追加

忘記了跟大家分享去科學園騎新單車既片段添～

新單車遊科學園

換左新單車後終於再一次黎到科學園喇~

今次可以好盡興咁由科學園沿海濱向大埔方向一路咁踏~

今日天氣好好呀，又唔曬，又有Ｄ風～ 所以我都無戴太陽眼鏡添~

Yuki開始為出年既日曆咭練習擺POSE喇~

自己擺都未夠喎，要捉埋Mommy添～ Yuki，你個姿勢好高難度喎，要有瑜珈底子先做得到喎～

擺POSE愈擺愈高興，周圍挨，周圍摸，最後。。。

大家睇到嘛? 黑豬仔喔~

週中優閒

因為今日要去一年一度既驗眼，所以Daddy Mommy特登放假帶我去驗眼～

Daddy一早就去定課室門口等我喇～ 認唔認到我係邊個呀?

大家都準備好放學，揹哂書包喇～ 呢張相認到我喇呱～

驗左眼，一切正常，出年再見喇，姐姐！

跟住我地一齊去左中環，有Ｄ手續要辦～ 跟住就順便係IFC既星巴克對住個靚海景食返個High Tea先～

 

是日介紹～ 藍莓芝士蛋糕加冷熱咖啡兩杯～

個Cake我自己揀架～

久唔久咁樣同Daddy Mommy可以平日去下街又幾開心架～

得? 唔得?

香港好多公園既門口都會貼上告示不准乜乜，不准物物～

咁裏面所講既不准踏單車，到底包唔包三輪車或者小朋友既輔助轆單車呢？

不過Daddy就記得佢細個有係維園踏過三輪車囉～ 今日Yuki都經歷下Daddy走過的路先!

呢幅相既背景就係Daddy既老家，即係爺爺麻麻既屋企囉～

小山丘上仲有兩支舊大砲～ Daddy話佢細個係度影過相架～等我叫daddy遲Ｄ得閒搵下Ｄ相出黎先～

小山丘上仲有兩個公仔:笑爺同笑奶～

玩韆鞦愈黎愈投入既Yuki...

好喇～ 玩左成朝，去食個晏先喇～ 搵左間東南亞餐廳～

睇到呢Ｄ杯，大家估唔估到係食乜野國家菜呢？

早得滯添~

又一個早起的早上～

早成點？早到諗住去吉之島行下啦，點知居然未開門！！

 

搞到要遊蕩一輪，終於開左門喇～

Mommy去左旅行，我地做乜好？

印象中好似第一次Mommy唔係香港，得番Yuki同Daddy兩個自己～ 以前Daddy出trip唔係香港得番Yuki同Mommy就試得多～

Daddy天未光車完Mommy去機鐵站返黎，我地一早就起身落樓，食完早餐～ 就，落樓下公園踏單車喇～

今日我地仲去到好遠呀～ 由鯉景灣去到太古城中心對出果度～ 跟住先再踏返黎鯉景灣～

回程時我地仲再訪架滅火輪添～ 上次黎睇呢架船都應該有一兩年前喇～

 

 

 

 

 

 

 

 

 

 

之後係屋企拎返套已經有一排無玩既泥膠出黎~ Yuki話要煮野俾我食喎～

好味～ Yummy～

 

 

 

 

 

 

 

 

 

 

咁好喇～ 等Daddy又整番Ｄ好味既野等你食喇～

Yuki:「Mommy! 我有食哂成碟呀~」

中秋賞月

終於都涼番D喇~ 今個中秋節叫做開始有少少秋意啦~

一如往年，我地去食完晚飯就返左鯉景灣樓下既公園同海濱湊下熱鬧～

不過今年得Boy哥哥同我玩咋，因為家姐唔舒服，所以佢同伯娘都無黎呀～

呢個係Daddy今年送俾我既多拉A夢變色燈籠呀~

拎住個燈籠，排住隊等打韆鞦先～

到喇~

Yuki宜家識得用踢腳同縮腳黎控制個韆鞦不斷咁搖~

唔使點幫佢推都可以玩得下架~

今晚又幾好天喎~ 又見到個又大又圓既月光喇~

最後報導一個奇景俾大家睇下~

林村許願樹係鯉景灣出現呀!

好多人將D螢光棒整成圓圈，然後抛上樹度，直頭同許願樹一樣呀～

唔知出年會唔會又好似許願樹咁起個鐵架俾人抛野呢?

祝大家中秋節快樂～ 一家團圓～ 平平安安～

首嘗鐵板燒

難得可以接Mommy放工，順便過附近既Megabox食埋晚飯先喇～

黎過咁多次都未試過呢間日本野添～ 正宗鐵板燒添架～ Yuki係香港都係第一次食咋，之前係神戶都食過一次鐵板燒，不過果次淨係得牛肉咋～

今日係一個靚女姐姐廚師幫我地架～ 個餐有蝦，帶子，牛肉，同埋菜，炒飯，甜品咁喇～

每人都有個圍巾戴住～ 不過一睇個樣就知道邊個唔鍾意戴喇～

唔理咁多喇～ 有大蝦食喇～ 食左先算啦～

嘩～ 火燄鐵板牛柳呀～ 大家行開Ｄ喇～

最後一如其他鐵板燒一樣～ 都有鐵板炒飯既～

睇下姐姐既快速無影手炒飯兼調味～

單車新登場～

尋日預告左新單車既出現！今日即刻要出一出場先喇～

呢種單車同三輪車唔同，三輪車可以向前又可以向後踏，呢種唔可以向後～ 向後袛會空轉～ 不過小朋友好快就上手架～ （咦，係唔係應該話上腳先岩呢?）

去到公園，仲引來其他小朋友既注視目光添～

另外，呢種單車已經開始有剎車掣～ 有部份其他款既車剎車好實～ 三歲小朋友根本無可能夠力～ 呢部就勉強叫做可以夠力停到咁啦～

另一考慮係架單車宜家較到最低， Yuki可以自己上落～ 單車舖既哥哥話一定要小朋友可以自己上落到架單車先得架～ 如果要抱佢上落既話，小朋友會唔夠放膽架～

 

 

 

 

 

 

 

單車舖既哥哥話呢款車應該都可以踏兩三年～ 希望到時Yuki可以唔使用輔助輪喇～

 

 

 

 

睇下幾快玩到笑哂咀！

 

 

 

 

 

Yuki～ 記得Daddy今日講既野喇～ 轉彎要慢慢轉架～

科學園

久聞科學園環境美麗，臨海步道，最適合踏單車～

 

 

 

 

大金蛋蛋呀~

Yuki，做乜今日咁曬你又唔紮辮呀?

 

 

 

  

 

 

 

話咁快就由單車變左玩吹波波嘞～

 

 

 

 

吹波波絕對係每個小朋友都鍾意既玩意～ 每次一出，必定無分你我，大家玩埋一堆，一齊追Ｄ波波～

大家睇唔睇到呢幅相Yuki追住粒波黎吹，仲吹到粒波扁左添呀～

丫～ 到底地下有乜野睇呢？

 

好喇～ 再黎努力追波波先～

今日既午餐，西式沙律，同泰式河粉套餐～

食飽又黎古靈精怪啦～

科學園，我地會再黎架～ 點解?

因為我宜家呢架單車唔岩喇～ 要買過一架大架Ｄ既～ 所以要拜拜Kitty單車喇～ 多謝你陪伴我呢年半既時間～

想睇番未夠兩歲既Yuki第一次踏Kitty三輪車既樣，黎呢度溫下書喇～ <<三輪車>>