上個星期因為Mega Ice有比賽，所以停上一個星期堂～
咁今個星期有無又退步左呢？
退步就有少少喇～ 有Ｄ動作還返俾Hei Tung老師呀～
不過自從Yuki轉左黎呢個時間上堂之後，可能因為有多幾個女孩子一齊上喇，所以明顯開心好多～
今日琳琳遲左少少黎，跟住幾個小朋友爭住要去帶琳琳入黎添喎～
另外上堂既時候都好多野講，幾個女仔吱吱喳喳，仲成日同Hei Tung老師笑添～
三個女仔係咪一個墟呢？
Yuki有一下跌低左，琳琳就走埋去扶起Yuki，幾好朋友～
睇見Yuki宜家上堂咁開心，連Daddy Mommy都好開心～ 連Hei Tung老師都好開心添架～
原來上次去海洋公園已經係七月頭下水禮既事喇～ 即係成兩個幾月無去過喇～ 今日趁無乜節目就入去迎接下全城哈囉喂先～
一入到去Yuki先要去探下熊貓，不過盈盈瞓左覺添～
咁搭纜車去另一邊玩其他野喇同食野先～
其實搭纜車都係Yuki既一個favorite項目黎架～
睇下Yuki坐得幾高興就知喇～
到左另外呢邊，先去海洋冰室醫飽個肚仔先喇～ 順便Mommy幫Yuki再紮過條辮仔播～
食飽去睇海洋館～ 剛剛有個潛水人餵緊Ｄ魚呀～
原來魔鬼魚係要餵落口度黎食架～
宜家大個女既Yuki可以自己一個坐小火車添喇～ 仲有閒情同Daddy say ’Hi’添～
話左係哈囉喂，梗係要有Ｄ嚇人既野喇～
呢度就係其中一個要買晚間入場券先入得既嚇人設施喇～
另外加插Yuki扮恐怖嚇人篇～
問你驚唔驚～
臨走Mommy買左頂帽俾Yuki～ 遲Ｄ學下萬聖節活動可以戴嘛～
希望下次唔使兩個幾月後再黎喇～ 因為Yuki今日話想睇Dolphin，不過我地下奏先入去唔夠時間囉～
今日係中秋節正日～ 不過仲要返學架～ 但係呢～ Daddy就拎左一日假，所以好難得今日有Daddy陪Yuki搭校車返學，同埋放學係校車站接Yuki～
咦，到喇～到喇～ 睇下見唔見到Daddy先～
梗係見到喇，落車果陣仲笑笑口幾咁開心！
大家留意一下段影片，Yuki由座位行出黎落車果陣係跳下跳下架～
中午就去左每次Daddy放假都會同Yuki共晉午餐既Apita UCC Cafe～ 因為有夾餅嘛～
下奏訓左個晏覺，之後同Daddy去左行一陣街，包括去左IKEA～ Yuki見親呢個遊戲機都要玩返陣先肯走～
晚飯我地去左銅鑼灣新開既一間酒樓～ 間酒樓幾好坐，枱同枱之間好闊落～
今晚天公造美無落雨，所以我地食完飯都係維園行左一陣～ 唔知今年係咪因為有舞火龍既關係呢？ 維園多左好多外藉人士呀～
上面果幅相都仲幾正經～ 但係...睇埋下面呢幅就知...Yuki幾咁古靈精怪～
最後祝大家中秋節快樂～
今日雖然又有酷熱天氣警告，但係無阻我地去迪士尼見識下黑色世界有乜玩～
我地最早入到去～ 先去坐下小小世界～
可能今日真係好熱喇～ 非常少人，唔使排隊～
Yuki你睇到乜野咁開心呀？
跟住到旋轉木馬又係唔使排隊～ 宜家夠大個可以一人坐一隻馬～
Daddy要拗哂腰黎幫Yuki同Mommy影，再加埋一路轉轉轉～ 攪到Daddy有Ｄ暈添～
轉得兩轉，Yuki叫Daddy望前面喇～ 舉起手唔俾Daddy影添～
朋友仔仲未到～ 又去玩一樣平時比較少玩既野先～
就係坐森林河流之旅～ 好剌激呀～
坐低等緊朋友仔突然之間有幾個推住垃圾筒既哥哥姐姐拎Ｄ棍出黎打鼓喎～ 仲打得好好聽添呀～
睇下呢個哥哥打得幾肉緊～
朋友仔黎到～ 剛剛巡遊開始～ Yuki睇到佢近來最鍾意既人物即刻好興奮咁叫佢呀～
之後仲有尋日剛剛睇完隻DVD既反斗奇兵: 胡迪，翠斯，巴斯，薯餅人先生，三眼仔～
當然仲有米奇同米妮喇～
有齊朋友仔，一齊飲杯咖啡先喇～
話左係黑色世界，Yuki都黎扮下女巫先～
Winnie The Pooh算係多人玩～ 要排隊～ 排隊時同Arthur同Lilian姨姨玩得好開心咁喎～
Yuki仲同Arthur自己坐添～
嘻嘻～ 連樂園影果張都影得幾好播～
今次我地坐左平時好少好少坐既火車～ Yuki既印象中未坐過～ 連Daddy Mommy都唔係好記得Yuki細個時有無坐過lu～
著住黑色世界既米奇，米妮同唐老鴨向住我地拜拜呀～
最後上埋畫畫班先～ Yuki好似好專心咁聽緊喎～ 點解話好似呢? 因為中間Yuki成日轉過到去睇Ｄ朋友仔囉～
今日畫呢隻狗唔記得左叫咩名～ 應該係Halloween呢段時間特別教既，連個鼻哥都係南瓜黎架～
完成作～ 畫一隻未畫過又未見過既公仔之下可以畫到哂Ｄ重點出黎～ Daddy Mommy覺得Yuki畫得好好呀～ Good, Yuki～
就快日落喇～ 我地要走先喇～ 朋友仔們就再繼續玩夜Ｄ先走～ 拜拜，下次見～
