獨自上課... 可能可以喲~

今個禮拜返到PLAYGROUP，Yuki如常好快就自己走去搵玩具玩～

今次第一時間去左玩沙沙～ Yuki可能仲掛住愉景灣玩沙沙喎～

玩玩下老師過黎同Daddy Mommy傾下閒偈～ 佢話Yuki宜家返到playgroup獨立左好多～ 佢記得初初返呢個playgroup既時候，Yuki成日都要搵mommy或者daddy～

宜家呢～ 我諗可能我地送佢返左playgroup跟住兩個自己落去食個早餐再返上去yuki都未必知架～ 哈哈！

就好似今堂上左一陣, 都未到食野時間, yuki 就係咁指住d枱枱~ 到老師講完故事話食野時間到喇～ yuki即時第一時間飛奔(無錯～係真係飛奔～)去洗手手～ 跟住就霸個位位開始食喇～

食野既時候yuki都係好自在, 唔多使我地理佢 (正確d講, 係yuki唔多理我地~)

大家留意下片尾yuki食完野收拾好d碗同杯之後....頭也不回一支箭咁又走左去玩喇～ 哈哈哈～

戒片片～

天氣開始熱，Yuki 開始左戒片片都有一星期，剛開始時，總是痾濕了才懂得叫工人姐姐，漸漸地變成叫了姐姐，但好幾次都趕不及，到了星期六，有了突破性的發展。

星期六，是回家的日子，媽咪如常替 Yuki 穿上尿片，但 Yuki 主動跟媽咪說要去廁所，帶她到廁所，好野，成功了。Yeah！Yuki 好叻女呀！

今天，跟 Yuki 外出時，媽咪試試問 Yuki 要不要去廁所，Yuki 說要，之後，又一次成功地去廁所。看來，Yuki 已懂得去廁所的感覺了~

Yuki，你又長大了呢！

睇乜睇得咁開心?

大個女既yuki，開始識得對四周既事物作出不同既反應，大家睇下佢睇乜睇得咁開心：

原來係睇溜冰，仲要係動物溜冰，所以睇到好開心囉～

Yuki又變得更獨立了

自從你一歲生日時，daddy mommy買了這張小童床給你，一直以來，你都是先要在daddy mommy的大床上來個last milk，食完後，再來就要mommy (或者加埋daddy) 在大床上陪你一齊瞓覺豬～

每次都是待你在大床上睡熟了，才放你回到你的床仔上繼續睡至明早～

但這個周五晚上，你飲過last milk之後便自己指著床仔嚷: 「落床~ 落床~」

mommy放你落床仔後，你又自動自覺拿起毛巾仔，mommy在床邊哄了不消一會，妳便進入甜夢鄉了～

daddy mommy還在想你會不會只是一時興起，但周六晚上你亦是如斯自動自覺要求睡上你的床仔上～　YUKI， 你又長大了～

高跟鞋~

每個小女孩都愛穿媽媽的高跟鞋，yuki 也不例外呢~

相隔一年的沙灘約會

係差不多一年前我同幾個朋友仔第一次相約去沙灘玩- 赤柱

果次Daddy剛剛出左trip，得Mommy帶我去～

今次正值兒童節假期, 我地又相約去愉景灣玩～ 今次Daddy係香港喇～ 可以幫我地影多Ｄ相相～ Hee Hee~

 

一落船，等我先係水池側邊影幅單人照先～

 

 

 

 

跟住同卡Ｂ同豆豆拖手仔影幅合照先～

哎呀～ Daddy! Ivan 同 Evan未入鏡呀～

 

 

今日係假期，所以碼頭廣場有藝墟，又有吹氣玩具玩～

 

 

 

 

咦～ 點解我隻腳仔唔見左既？

Mommy, 我唔制呀～

 

 

 

 

 

好喇～好喇～ 我地落水洗左Ｄ沙沙去啦～

 

 

 

 

Daddy~ 原來Kitty都識吹bubbles架～

 

 

 

 

卡Ｂ，點解你玩沙都繞腳咁lady既？

你可唔可以教下我呀？

 

 

你地睇下我地同一年前係咪已經大個左好多呢？

＊＊ ２００８年４月６日 ＊＊

＊＊ ２００７年５月６日 ＊＊

剪頭髮～

Yuki 既頭髮又長又多，佢又唔比人幫佢紮辮仔，最近仲愛上食頭髮！結果Mommy就帶佢去剪頭髮啦！

Yuki 好乖乖，坐得好定，所以好快就攪掂！

相約在濕地~

 

四月四日兒童節，與卡Ｂ小姐相約在濕地公園。

Yuki：卡Ｂ，我daddy同你daddy件衫一樣既？
卡B：係喎，點解既？

（因為天氣太熱，兩位daddy著住新買既衫，由於品味相似，咪撞衫囉！）











兩位小姐，就係咁行三步停一停，不停咁睇，究竟有乜咁好睇？






兩個小朋友手拖手，好可愛耶！

 

 

臨走時，係公園門口大草地影下相，不過有蚊，所以只係逗留片刻，好彩都影到張靚相！