冰之驕女－第一課

今次新學既呢樣運動同Yuki個名都有少少關係架～

冰雪冰雪嘛～

呢日黎到MegaBox既溜冰場，上第一課溜冰堂喇～

估唔到著起溜冰鞋好快就適應到，仲唔要人扶添呀～

一開始上堂，Miss就用呢Ｄ膠椅推Ｄ小朋友出去準備上堂喇～ Miss問邊個小朋友想第一個出去，Yuki第一時間舉手呀～

點解個個都坐哂落地呢? 原來宜家Miss教點樣自己企起身呀~

下一步開始要行喇，不過先推住張凳黎行下先喇～

話咁快已經行得好自在添喇~ 後面個小朋友仲犀利，已經唔使用張凳～

睇下百厭阿發仔! 坐係度!

咁就岩喇阿發仔，Miss話要行住黎推，推住黎行架嘛～

 

密切期待：冰之驕女－第二課～

花卉展2010

今年既維園花展又開始喇～ Yuki又好好興緻揀左新衫同新裙黎著喎～ 好喇～ 咁我地去維園順便影下相先～

不過今日真係好熱呀～ 好好太陽，即係好曬～ 行一陣已經出哂汗添～

好彩Yuki早有準備，帶定頂大大visor，唔使曬黑塊面仔嘛～

黎喇～黎喇～ 全身照～ 呢個係咩新甫士呢？

原來宜家真係好多人用單鏡機架～ 成個花展都唔知有幾多部單鏡相機同埋大炮鏡頭～ 隨意按下幾張花兒相～

復活節畫廊

屋企既門口位有一幅鏡，最近暫時借出成為Yuki既畫廊～

樓下管理處有Ｄ填色比賽既畫紙俾小朋友拎黎參加，管理員叔叔特登拎幾張俾Yuki架～ 果晚上到黎即刻要捉住Daddy一齊填色～

原來宜家Yuki填顏色已經愈黎愈好喇～ 唔會再填到出哂界架～

睇黎唔使好耐，呢面鏡就會貼滿呢位小畫家既貼堂作品架喇～

「Daddy 我有乖呀～」

有一日係屋企附近間ＯＫ買野既時候，Yuki見到有個新既Anpanman玩具喎～

Yuki: 「Daddy，買得唔得呀？」

Daddy: 「Yuki，Daddy講過唔係見到想要就買架嘛～ 咁喇，你乖Ｄ既話Daddy先買俾你喇～」

。。。數日後（今晚）。。。

返屋企途中要過馬路之際，忽然Yuki拉住Daddy講

Yuki：「Daddy，我今日有乖呀～」

Daddy：「咁好呀～ 咁就抵錫喇～」

(Yuki發覺Daddy無進一步表示喎)

Yuki：「Daddy，你又話我乖會買Anpanman鼓俾我既？」

 

 

睇下呢個小朋友幾開心！

春季大旅行

今日學校去旅行呀～

今次係去上次動植物公園隔離既「香港公園」喇～

最特別在於今次係Daddy同Yuki去架，Yuki果日知道Daddy請左假都唔知幾開心呢～

學校去旅行，當然由學校出發喇～ 所有小朋友排好隊上校車，Daddy Mommy們就坐哂車尾～

好快就去到香港公園，我地係堅尼地道落車，行兩步就先到觀鳥園～ 大家手上拎住果張紙係作業黎架，要將見到既野圈起佢～

觀鳥園既網好大呀，Ｄ網係用黎等Ｄ鳥唔會飛走架～

 

快Ｄ黎影大合照喇～ 見唔見到我係邊呀？

影完大合照未夠，池塘邊再黎甫士照～

睇下，龜龜都黎大合照呀～

最後入去溫室參觀，入面有冷氣，小朋友即刻生猛哂～ 當然包括Yuki喇～ 跑到頭髮都飛起埋架～

嘩～ 好多仙人掌呀～ Daddy叫我唔好企咁後呀～ 因為Ｄ仙人掌好多刺架～

希望Daddy久唔久可以再陪我去旅行喇～