四歲生日@迪士尼

今年生日，詢Yuki要求再一次入去迪士尼過生日～

Daddy Mommy一早準備好拎定假今日陪Yuki過四歲生辰架喇～

不過入迪士尼之前，Daddy Mommy帶Yuki先有另一個節目，就係去睇「反斗奇兵３」喇～ 睇到最後安仔將胡迪，巴斯同其他陪佢一起渡過童年既玩具要送俾莫利既時候，Yuki居然喊左出黎呀～ Yuki真係感情豐富呀～

睇完戲我地就出發入迪士尼喇～

入到迪士尼先去玩一樣黎過咁多次都無玩過既野：就係學畫畫囉～ 其實想去好多次，不過到最後成日都唔夠時間～

間課室連Ｄ椅都有米奇特徵架～

呢個樣似專心定唔專心呢？ 要開始畫喇～

先畫一個大圓圈，跟住兩個憜圓形，跟住咁咁咁。。。

呢個係Daddy畫既，估唔估到今日教畫邊個呢？

睇下Yuki畫既整成品估唔估到？

呢個係Mommy畫既，大家估到喇! 咪就係唐老鴨Donald Duck囉～

呢幅就係Daddy畫既～

路上面居然有人用樹上面跌落黎既花砌左個米奇出黎喎～ 好犀利呀～

咖啡杯係近期黎親都要玩既遊戲～

睇下Yuki轉住都笑得幾enjoy~

同史迪仔一齊做太空人上太空喇～

咦，係今朝反斗奇兵入面既三眼仔呀～ 哈囉～ 乜你地咁快都黎左迪士尼呀～

係時候要離開喇，因為我地要過去酒店果邊食晚飯嘛～

呢幅相遠睇個post已經好得意～ 返到屋企放大黎睇，原來連表情都好kawaii呢～

換過一件乾淨衫，可以同Mickey & Minnie影相喇～ 好耐無見喇，Mickey～

Minnie，我四歲大個女喇～

等我學下你先！手托香腮～

生日蛋糕黎喇～ Happy 4th Birthday To Yuki～

今年係Minnie拎蛋糕出黎同我慶祝架～

全家福！ 多謝Daddy Mommy安排既生日呀～

生日晚飯@酒樓

黎緊呢個星期係有Daddy同Yuki既生日～

所以今晚爺爺麻麻請我地一齊出街食飯～

伯伯佢地一家剛剛今日由四川參加完教會既活動返到黎香港，好多謝佢地特登趕黎同我地一齊食飯～

Yuki仲要專登戴返呢個生日頭飾～

最近Yuki擺親V手勢都要整古作怪～ 睇下!

俾Mommy都影低左喇～

呢個蛋糕係Yuki某日經過東海堂指定俾麻麻買架～ 因為鍾意Ｄ士多啤梨嘛～

壽星爹＆壽星女合照～

壽星爹＆壽星女切蛋糕～ 又大一歲喇～

阿雪整餅＠Fat Angelo's

除左曲奇餅，Yuki仲識整咩餅呢?

今日黎到意大利餐廳Fat Angelo's開辦既小朋友Little Chef Summer Workshop - Pizza making class~ 我地去左尖沙咀既分店～

嘩！有個朱古力噴泉，有士多啤梨同綿花糖～ 幾時可以食呀？

著好圍裙～ 載好手套～ 開始摸下Ｄ材料先，有麵粉，糖，鹽，橄欖油，酵母～

跟住哥哥就開始將Ｄ材料一步一步咁mix埋一齊喇～ 仲要愈搓愈大力架～

等緊哥哥既時候，同Arthur玩下手套喇～

哥哥搓左一大舊再每人分一小塊俾我地拍下，卒下～

但係我地今日並唔係用呢塊黎整pizza架～ 因為哥哥話要放入雪櫃廿四小時得佢發酵先用得～

所有材料一字排開：有辣肉腸，番茄，洋葱，火腿，磨菇，菠蘿，雞肉～

一早準備好既餅底分派好一人一份～ 第一步要塗一層茄膏～

之後落大量Mozzarella Cheese，呢種芝士焗溶左可以做成果種一絲絲既效果～

放自己喜愛既材料喇～

話咁快放好哂～ 認住呢個係我架～ 跟住全部入焗爐等幾個字時間喇～

一眾小朋友有氣球玩，幾開心！

得喇得喇～ 派pizza喇～ 除左pizza仲有張証書添喎～ 多謝哥哥～

Yuki要將呢個pizza帶返去要請爺爺，麻麻，伯伯，伯娘，家姐同哥哥食～ 乖女～

冰之驕女－第十六課

上個星期因為同學仔有事要暫停一堂，今個星期上返堂喇～

今日主力練習返交叉腳～ 尤其是Yuki交叉腳左疊右唔係做得咁好，所以要練好呢個動作先可以再學Ｄ其他難Ｄ既動作～

Yuki今日亦都好乖，好努力咁練呢個動作～

Yuki繼續努力呀～

四歲生日Party@Home

雖然距離Yuki生日仲有五日，不過趁週末，Mommy幫佢邀請左幾位朋友仔上黎我地屋企同Yuki開個生日party～

Daddy將屋企佈置成為生日party既會場～

趁朋友仔未黎～ Daddy捉住Yuki影下相先喇～

四歲生日黎喇～ 大個女架喇～

朋友仔黎齊哂喇～ Mommy已經為我地準備好左整壽司既材料同工具喇～ 話咁快Yuki整好左自己既第一卷壽司～

食完野我地再玩左一陣遊戲～ 有Cherry姨姨帶黎好好玩既Bingo遊戲～

生日蛋糕出場喇～ 係白雪公主黎架～ thank you Mommy特登幫我訂呢個咁靚既蛋糕呀～

好～ 大家準備唱生日歌喇～ Yuki仲叫大家要同佢唱哂廣東話，普通話，英文既生日歌添～ Yuki，你貪心左Ｄ喎～

正當大家真係開始唱既時候。。。 Yuki居然。。居然。。怕羞呀～ 睇下佢一臉愐靦～ 唔使怕羞喇～

再唱多兩句之際。。Yuki居然。。捽眼? 唔通感動到喊?

唔好咁羞怪喇～ 唔係！並唔係真係喊既～

話咁快唱哂三種語言～ Yuki吹爉燭喇～

再同一班朋友仔影幅合照先喇～ 多謝大家今日黎同我慶祝呀～

切蛋糕喇～呢幅影得好好喎～ （要唔該Kathy姨姨幫我地影架）

最後。。有Mommy為各位小朋友預備既抽獎遊戲～ 每個小朋友揀一條繩，然後拉落黎～ 衹有一條繩可以拉到裏面既禮物落黎咋～ 最後係由豆豆得幸運之神眷顧拉中左喇～

最後再一次多謝Arthur, Evan, Ivan, Megan同豆豆，以及帶朋友仔黎既朋友仔Daddy Mommy～