中秋節的日與夜（夜）

八月十五，中秋節晚上～

一家人一齊食團圓飯好開心～ 新Siti姐姐都有一齊食呀～ 希望舊Siti姐姐喺印尼都過得開心喇～

食過團圓飯我哋又向維多利亞公園出發喇～

雖然個燈籠係Mommy拎，但其實係Yuki嘅鬆弛熊燈籠嚟㗎～ 但Daddy送㗎～

剛進入維園，無乜人喎？！

中秋圓月出來了～ 不過整晚佢不斷咁喺雲層之中同大家玩捉迷藏～ 時見時而不見～

Boy哥哥專登食飯前同伯伯去買咗螢光棒一齊去維園玩呀～ Yuki兩下手勢就砌咗個波出黎lu~

終於都到會場喇～ 感覺有少少似曾相識，因為同上年有少少似㗎～

睇住家姐、boy哥哥同Yuki咁樣企埋一齊合照，真係同意時間係唔等人㗎～ Yuki高度開始力追家姐同boy哥哥喇～

至於同Daddy Mommy合照，都唔使點再要踎低就Yuki喇～ 袛不過，Yuki同細個都仲好一樣，古靈精怪，被鏡頭拍下～

今年我哋玩咗一樣新玩意～ 呢個類似竹青蜓嘅玩意先用橡筋射佢上天，之後跌返落嚟嘅時候就會好似竹青蜓咁旋轉地落返嚟～

咁啱因為唔夠光要慢快門影boy哥哥玩～ 點知咁橋影到呢幅一條光柱射上天嘅相片～

到Yuki喇～ 第一次玩，會玩成點呢？

 

玩咗一陣，開始識得玩喇～ Yeah!

有家姐同哥哥陪住一齊玩，Yuki格外開心～

Yuki加油！ boy哥哥加油！

喺足球場呢邊有好多花燈睇～ 仲見到無線電視新聞現場直播呀～

呢個就係今年最特色嘅光燈～ 模仿水面嘅一輪明月～

有成六層樓高～ 可以俾人行入去㗎！ 不過實在太多人喇，所以我哋都係嚮外面影相算喇～

 

入唔到去，嚮外面睇都幾精彩㗎～

今年有所準備，我哋拎定嘢舖地下、賞月、飲下嘢、玩下燈籠～

祝大家中秋節快樂！

中秋節之日與夜(日)

中秋日，如常要去學溜冰～

Yuki開始要進入到要決定繼唔繼續考試嘅階段～ 到現時為止，Yuki都依然好鍾意溜冰，所以下堂開始會有一對新嘅私家溜冰鞋喇～

之前有幾張Delifrance嘅雪糕牛角飽贈券，因為九月三十日到期（咪即係今日囉！），所以今日一定要食埋佢呀～

先食兩個最新嘅漫遊法國飽系列：「巴黎之約」同「比亞里茨海灣」

Yuki食意粉無問題，食呢啲飽就硬咗少少，不過又鍾意食啲雞肉同煙肉喎～ 睇下食得幾肉緊！

套餐仲有呢杯Yuki好鍾意飲嘅芒果特飲～

嘩！主角到喇～ 一次用哂兩張今日到期嘅贈券，Yuki露出真面目喇～

離開Megabox，過銅鑼灣行下街～

時代廣場門口又轉左另一個主題喇～ 今次係迎合十月萬聖節有少少恐怖嘅動畫電影：Frankenweenie（香港好似叫怪誕復活狗）

Yuki唔同聽到係恐怖嘢所以即刻有啲不安咁喎～

玩下啫，一入到去開始影就開始百厭喇～

個十字架呢個角度影，後面嘅光線好似真係個天射落黎咁～

貓頭鷹？！

好大隻眼呀！如果夜晚的話，相信Yuki唔敢影！

呢位應該係男主角！ 佢拎住電筒，Yuki跟得黎又有少少唔自然喎～

無五官嘅貓呀～

呢套戲十月中上畫，不過幾時上Yuki都一定唔會睇架喇～

返屋企～ 準備迎接今晚食團圓飯～

絕密合奏片段曝光

Yuki學嘅音樂班已經進入JMC Book 4階段，簡單嚟講仲有唔夠兩個月就畢業喇～

畢業前有測驗，同埋畢業後會有一個表演～

所以近排Yuki會多咗練琴～ 平時放學後喺屋企練琴Mommy無得聽，唔知彈得啱唔啱，所以到週末Mommy就會聽下Yuki彈得啱唔啱、好唔好～

呢日練練下Mommy同Yuki合奏一人彈一隻手添呀～

先嚟Yuki彈右手，Mommy彈左手～

再嚟Yuki彈左手，Mommy彈右手～

坐喺度都鞠躬多謝㗎～

 

話咗絕密曝光，梗係有啲本來唔應該出街嘅片段喇～ 呢啲蝦碌片段，可能出得一次無下次㗎喇！

泳季完了?!

今個夏天，Yuki因為學識咗游水，所以到週末就要Daddy陪佢去維園游水～

如是者到今個星期已經係第五個週末Daddy同Yuki去游水喇～

去游水嘅早上，第一站係食早餐：釗記～

平時Mommy一齊的話就三個人食兩個早餐～ 淨得Daddy同Yuki的話就兩個人食一個早餐～

由屋企行去維園泳池袛係十分鐘以內嘅歩程～ Yuki仲幫手揹住啲游泳用品添～ 唔該呀！

游泳池入口宜家差不多全部人都用八達通俾錢～ 以前Daddy細個同爺爺同伯伯嚟游水要排隊排好耐㗎，同埋當年仲係用硬幣俾錢，所以好多人都拎住銀仔嚟敲排隊嘅鐵欄～ 好噪嘅叮叮叮聲～

因為得Daddy同Yuki兩個去游，無人幫我哋喺場內影相～

今日游水明顯地覺得涼咗好多喇～ ２５度左右～ 一離開水面就覺得凍！ 始終都九月中喇～

游一陣，玩一陣，一個鐘左右就走喇～

睇嚟今年嘅泳季進入尾聲喇～

 

游完水有一個重要任務！

Yuki唔好掛住擺甫士～ 記得你嘅任務呀～

重要任務就係呢啲喇～ 買腸粉俾Mommy做早餐囉！

嘩！嘩！嘩！ Yuki，等埋Mommy先食呀～

見天氣開始轉涼，有啲秋意～ 今日加多篇夜場先～

食過晚飯，又唔太熱～ 今晚我哋行維園過去銅鑼灣行下街～ 逛吉之島新MaxValu Prime超市～

推住㗎小童購物車，無乜人幾好行～

兩母女～ 一人一架車～ 喺度傾緊購物經～

咪以為咁就行完喇～ 我哋仲行埋去希慎廣場行誠品添！

搭快速自動電梯，一次上四層樓～

話咁快由低…

至高… 睇下啲巴士變得幾細架～

香港誠品嘅通宵營業過埋今個星期就暫停喇～ 不過其實有幾多人半夜三四點去睇書呢？

今日都仲係幾多人～ Yuki喺兒童書區睇緊有乜嘢書啱自己～

香港誠品店，坐得嘅位置唔係太多，所以我哋睇咗一陣都係走喇～ 遲啲再少人啲再嚟過喇～

重要的一課

今日對Yuki嚟講，算係自出生以來最重要嘅一課～

我哋希望Yuki知道有好多哥哥姐姐為咗佢哋嘅未來，日復日、夜復夜地去爭取、去發聲！

今日我哋享有嘅思想自由、言論自由，並唔係必然！

我哋更唔希望要到大家失去咗之後，先覺得要珍惜～

 

已經第十日於香港政府總部嘅集會，每日令大家見到更多香港人團結自律可貴嘅一面！ 尋晚有參與者暈倒，救護車要進入十二萬人群中救人，大家自動自覺開條路出嚟，傷者迅速被送走～ 另外，不單止集會後無亂掉垃圾，大家更自發地為垃圾分類添～

今日係星期六，仲有氣球派發，集會團體為咗令更多家庭帶埋小朋友一齊出席呢次咁有意義嘅公民教育～

集會尋晚凌晨兩點幾先結束，今早十點又繼續開始～

大家團結嘅力量，經過尋晚嘅留守，今日又準時返嚟互相支持～

從天橋上望到遠處嘅帳蓬係每晚留守同絕食嘅朋友～ 多謝你哋！

支持你哋！

電視台直播著整個集會俾全港嘅市民～

宜家技術先進到袛要用咁少嘅器材就可以即時將畫面即時網上直播～

 

民間自發嘅運動，有唔同形式嘅反對聲音，縱使字體不同，但係最重要係大家目標一致～ 呢個就係現在香港尚且可貴之處！

 

 

由天橋落返地面，與集會作更近距離接觸～

台上一位又一位參與者同大家分享佢哋嘅感受同睇法～ 司儀們經過十日連續不斷為大家主持集會，每一個把聲都變得沙啞～ 集會地點係政府總部外嘅空地，宜家變成大家嘅「公民廣場」～

   

 

Yuki! 請你好好記住呢一日～ 呢啲就係自由嘅可貴～ 雖然今年六歲嘅你仲未係好明白發生緊乜嘢事，但係希望你大個後會繼續為呢種得來不易嘅自由努力爭取呀～

小朋友係我哋嘅將來、我哋嘅希望～

睇住Yuki開心嘅笑面令我哋更肯定地要為下一代去努力去堅持～ 等佢哋繼續可以嚮呢個自由嘅環境中成長！