我哋住咗喺天后呢頭咁多年，都未試過去銅鑼灣避風塘食下啲香港正宗避風塘風味～
上星期日大家趁提早幫Daddy同Yuki慶祝生日食飯，又想試下新嘢～ 所以一於提議去試下食餐避風塘海鮮餐喇～
間食肆叫信記，要預約㗎～
我哋訂咗七點，所以七點前我哋就嚟到避風塘邊等喇～
Yuki呢日拎住Daddy Mommy提早送俾佢嘅生日禮物－即影即有相機～ 作狀同Daddy鬥影咁喎～
等緊船之際一齊影幅大合照先喇～
船嚟喇～ 我哋就係坐呢啲舢舨用搖栳咁搖去出面食嘢嘅艇度～ 其實都係避風塘嘅範圍內，所以其實幾分鐘就到～ 唔使怕暈船浪～
到喇～ 就係喺呢排艇度食嘢喇～ 七點幾個天都未黑哂～ 仲可以見到我哋屋企喺後方添～
基本上只要有十個八個人，佢哋就會俾我哋自己一架艇～ 所以可以舒舒服服咁傾下計～ 唔會咁易噪到隔離或者俾隔離噪到～ 雖然無冷氣，但係呢晚都有啲風～ 唔覺熱～
打算嚟食生日飯的話提提大家～ 因為無雪櫃俾大家雪蛋糕～ 所以要一嚟到就先切蛋糕先！
多謝Mommy訂咗個靚靚Italian Tomato嘅Signature cake ー皇牌士多啤梨蛋糕～
兩隻獅子（獅子Daddy同獅子Yuki）切完蛋糕好快又大一歲喇～
講返下啲嘢食～ 有蟶子、蝦、青口、東風螺、蟹、花枝丸、雞翼、豉油王炒麵、燒味瀨粉同艇仔粥～ 嘢食算唔錯～ 加埋喺避風塘食嘅風味～ 都值得一試㗎～
最後Yuki同Daddy分享俾大家睇下伯伯一家送嘅生日禮物喇～ 多謝哂呀！
