老襯亭

今日雖然係星期六，但係我都要返學校呀～ 點解？

因為今日Daddy Mommy帶我返學校交出年既幼稚園報名表。

今次返學校同之前幾次最唔同既，就係今次一入學校我已經好熟路咁帶佢地周圍行喇～

我今次由入學校條斜路已經同Daddy Mommy講「校車～返學～」

跟住又帶Daddy Mommy行去我既課室～ 不過今日課室無開門～ 但係咁，課室門口都有Ｄ野值得俾Daddy Mommy睇架～ 乜野黎既？

就係。。。

我既學生證喇～ 每一張都係我地自己油顏色上去架～

返完學校時間尚早～ 無理由咁早返屋企架？

所以我地決定去遠少少咁多喇～ 上山頂！

 

呢幅係我第一幅用凌宵閣做背景既相黎架～ Daddy話佢地細個都通常有一幅！ 不過果陣就係影「老襯亭」～ 唔講大家可能唔知，如果宜家既凌宵閣都叫「老襯亭」既話，原來已經係第四代既「老襯亭」喇～

侍應哥哥仲好好咁主動要幫我地影幅合照添呀～

既然Ｄ野食未到～ Daddy唔該影下相先丫～

好喇～ 食飽飽～ 臨走去參觀埋架纜車先！ 拜拜喇－山頂！

「你好嗎」 = I Love You ?

話說Yuki自從返學後，成日都好好唱口，呢晚 Daddy Mommy 就叫 Yuki 唱首「你好嗎」黎聽下，點知唱唱下「你好嗎」，突然變左 I Love You，唔通「你好嗎」 = I Love You ?

M字的威力~

前一陣子，看過咩咩blog中M字的威力！今天，我也感受到M字的威力呢！

話說今天中午在餐廳食晏時，Daddy 倒了些茄汁，打算用來點薯條吃，這時，Yuki 便說：麥當勞汁汁呀！

返學丫~

今日一點幾左右，Mommy 收到爺爺既來電，由於 Mommy 係餐廳食緊午餐，電話聲浪收得唔好，Mommy 以為 Yuki 唔肯返學！

原來實情係 Yuki 今日好乖乖，換好校服，自己要揹起書包話去返學，仲話要打比 Daddy Mommy 話比佢地知。Mommy 聽到當然好開心，仲答應 Yuki 會買個小禮物俾佢。

Mommy 外出晚飯回來，Yuki 好開心咁迎接 Mommy，然後就同 Mommy 講：禮物丫！幸好，Mommy 早有準備，買了個 Snoopy 公仔給 Yuki！而 Daddy 亦都買左朱古力給 Yuki 作為奬勵。

影相丫~

早排都同大家講過下Yuki宜家一見到D商場入面Ｄ大隻既公仔就會衝埋去猛叫我地「影相丫~ 影相丫~」

今日我地見咁熱，所以無去室外既活動，揀左個大型室內商場行下～

岩岩呢個商場做緊一個美國設計師既作品展，成個商場好多佢既公仔～

好彩Daddy隨身都起碼帶部ＤＣ仔！

咦～ 呢張Mommy要係後面偷偷地伸個頭出黎先有得入鏡咋～

好喇～ 同Mommy飲杯補番數喇～

 

返學事件簿~

不經不覺，Yuki 已經返左兩星期學，等 Mommy 試下滙報一下先！點解係試下？咪因為除左首3天，Mommy 陪 Yuki 上學外，其餘時間都係爺爺麻麻送 Yuki 去坐校車，老師又沒有來電，所以不知 Yuki 在校情況，本著 "No news is good news"，Mommy 想 Yuki 應該問題不大。

9月4日，Yuki 獨自上學第一日，時間為一個半小時，Mommy 只係請左3日假，所以今日由爺爺帶 Yuki 去搭校車，爺爺本來打算上校車陪 Yuki 一齊返學，但原來只有首3天，家長才可陪搭校車，Yuki 只好第一次自己搭車，當然有喊啦，可能喊足全程，因為爺爺轉乘的士往學校時，看到 Yuki 下車時仍然在喊呢！放學時，爺爺麻麻去學校接 Yuki 放學，說她有少少喊！

9月5日，Yuki 獨自上學第二日，時間為一個半小時，上學車時好像只有少少喊，放學時沒有喊！

9月8日起，為正常上課時間，即是三小時。基本上車時都無乜點喊，下車時多由跟車姨姨抱著，好似仲有少少喊！不過由9月10日起，就成日講唔返學，Mommy 返工回來，Yuki 便跟 Mommy 說唔返學，要返屋企，要返 Mommy 屋企！連其他人唱學校既歌都唔俾，一聽到就話唔返學！

9月12日星期五，Mommy 打電話搵老師，主要想睇下有冇特別理由，攪到 Yuki 唔想返學，不過去左留言信箱，未有回覆！

其實，對 Yuki 返學既表現，Daddy Mommy 好滿意，喊下好平常既！今日 Daddy Mommy 都有同 Yuki 唱下學校既歌，佢都有一齊唱，無抗拒！

Yuki，返學係你人生必經既階段，Daddy Mommy 希望你可以克服困難，做個勇敢的 Yuki！

繼續酷警下的中秋～

今年係Yuki過既第三個中秋節喇！

第一年過中秋節，Yuki祇係得兩個幾月大，完全係一個乜都未識既ＢＢ～

第二年過中秋節，有成十四個月大喇！不過都係岩岩識行，更加未至於知道乜野係中秋節～

今年第三年喇！ 識得講今日係中秋節！ 中秋節食乜野呀？ 「月餅！」 唔單止識講，今年仲識得同樂樂家姐同BOY哥哥玩得好開心添呀！ 唔信睇睇下面既今日精華你地就知～

 

 

先係屋企換番套應節服飾先～

中秋節不可少既節目，當然係「做節」啦！ 今日Yuki可能經過尋日Daddy Mommy嚴厲訓話一番後，今晚就算係街食飯都食得好乖喎～

 

自己食之餘仲食得好多野添！ 食完飯仲自己一路食提子，一路要請Daddy一齊食添！

 

Yuki～ 如果你以後食野都咁叻就乖喇！

 

 

 

食完飯我地同樂樂家姐，BOY哥哥，仲有伯伯同伯娘佢地一齊去左西灣河海濱賞月～ 同開心勁玩！  唔講咁多喇，大家自己睇啦！

再黎跳繩加跳圈～

 

跟住黎個排隊火車隆～隆～隆～

最後加個London bridge is falling down....

 

盡興而歸！ 雖然天氣酷熱，不過今年既中秋節Yuki玩得咁開心，應該乜野酷，乜野熱都唔記得喇～ 同埋提醒大家中秋節唔一定要玩煲爉先至開心既～

祝大家健健康康，團團圓圓！

酷熱天氣警告下的迎月日～

Daddy Mommy為左獎勵Yuki呢個星期得返自己返學都算乖乖，所以決定帶Yuki再去海洋公園玩下喇～

估唔到聽日都已經係中秋喇，今日都仲係酷熱天氣警告，夜晚都仲有３１度～

可能今日係星期六，兼且過左暑假，所以今日唔係好多人，多數野都唔使點等，最可惜既係諗住今日少想坐下大氣球，但係因為排左一陣隊個哥哥話大風既關係，所以要暫停～ 唯有下次再排過喇～

無得坐都影番幾幅相先～

另外熊貓館，雖然Yuki一歲生日果次去過，不過果陣實在太細喇，所以今次見少人就帶Yuki去探下安安，佳佳，盈盈，樂樂先！

可以坐埋一齊既就係盈盈同樂樂喇～ 安安同佳佳係分開兩格架～

最近Yuki開始見到Ｄ自己鍾意既公仔就會主動叫Daddy Mommy影相，好似今日行去兒童王國門口果幾隻公仔就即刻叫影相～

你地睇Yuki同河馬先生好似好老友咁喎，仲搭哂膊頭叫佢一齊去睇野添！

Yuki係度最鍾意坐既～ 除左木馬就應該係纜車喇～

宜家坐既時候鍾意左睇右睇～

 

今日志在玩下D平時多人玩既野，所以我地連大摩天輪都玩埋添呀！

 

日語時間 - 泥棒

唔知大家仲記唔記得我地好多時睇日本卡通既時候，每一次有小偷出現既話，佢地既造形都必然係咁既呢？

（image from www.hanzai.net)

今日有請Yuki小朋友為我地扮演個真人版：

咁點解今日個標題叫「泥棒」呢？ 因為日文既泥棒（どろぼう）就係小偷咁解勒～ Yuki，我地扮黎玩下就得咋，做小偷係唔岩架！

去沙灘呀~

夏天都就黎完，我地今日先正式去沙灘游下水～

今日天氣唔錯，朝早好好陽光，玩到中午左右，太陽伯伯開始喱埋，個天陰陰地。

落水前，先玩下沙沙 warm up 一下。

玩左陣水，食番個包保充一下體力先。

雖然咁耐無去游水水，yuki 都無驚水，玩得好開心。

Daddy Mommy 決定趁未凍，會同 yuki 黎多幾次！

返學第三日~

今日係最後一日有家長陪返學，搭校車時 Mommy 專登叫我自己坐，我係咪好乖呢？

今日我既表現都唔錯，只係去小樂園玩既時候，因為上一班小朋友未離開，要係門口等，等左好耐無得入去，Mommy 又唔見左，所以喊左一陣囉！聽日開始，就無人陪上堂啦，唔知會點呢？

同場加映，放左學返屋企好開心地唱歌歌既 Yuki：

開學喇~

準備返學喇~ Yuki換好一身校服坐係地下, 睇得出佢心情興奮哩!

好！著埋鞋同書包睇落又點呢？ 好喇！去等校車喇～

今日Mommy可以陪我一齊搭校車呀，話咁快校車就返到學校啦！ 咦，Daddy點解你咁快既？

等我搵下我個位先～ 咦，好似係呢個位喎！

 

 

 

 

 

 

 

 

第一日上堂，有Daddy同Mommy一齊係班房陪Yuki～ 不過睇黎Yuki自己一個上堂都好似得喎～ 見佢一個坐去老師前面唱歌仔同點名都無乜拎番轉個頭黎搵Daddy Mommy～

茶點時間係食吞拿魚三文治，同飲蘋果汁！

踏入幼兒園階段，開始有去洗手間時間，一齊排好隊一個跟一個，好得意呢！

跟住Yuki就開始坐唔定喇！係咁指住壁佈板我地有份既一幅家庭照！

今日雖然上得個半鐘堂，但係都有得去小樂園度玩喎！

最後送上一段同Daddy既做勞作片段喇～ 聽日開始得Mommy繼續陪我上堂lu....