K1 親子體操日

又到左一年一度既親子體操日喇～

Daddy Mommy都特登攞左假陪Yuki出席～

每一班都有一面旗幟，呢面係Yuki果班架～

出場喇～ Yuki! 呢邊呀～

所有班既同學都列好隊～ 好有隊形架～

哎呀～ 整甩左個手鈴添～ 幣啦，老師睇唔到，自己試下整喇～

Yuki果班係第一班表演既～ 開頭都跳得好地地，但係唔夠一分鐘後～ Yuki就企定定，掛住玩條褲～

睇下～ 之後問過Yuki，佢話唔想跳喎～

佢地表演之後坐係旁邊睇其他班既表演，呢個時候Yuki又鬼馬返喇～ 睇到Daddy Mommy上左樓上，即刻係咁揮手叫我地～

仲攞個手鈴黎玩添呀～

全部表演完畢，返課室食茶點～ 哎呀～ Yuki乜你坐到一隻腳踩上張凳度架～

課室貼左Ｄ同學填顏色既習作，Yuki呢張又填得幾靚喎～

最後俾大家睇下學校其中一個俾小朋友玩既遊樂場～

好多車呀～

乜野好多車呀, Daddy～

睇下咪知囉～ 排車龍呀～

去邊度架？等陣咪知囉～

為左唔使Yuki同Mommy一齊等，所以佢地落車先，留低Daddy自己排隊等入停車場啦～

等下等下～ 結果成個鐘先到我～ 認得呢個入口嘛？

係喇～ 咪就係海洋公園囉～ 不過因為Daddy等左太耐喇～Yuki同Mommy已經玩左滑浪飛船～  Daddy未玩過架！

今日約埋表哥同幾個朋友仔一齊黎玩～ Yuki同Ellen姨姨都玩得好開心喎～ 梗係啦，Ellen姨姨好受小朋友歡迎架～

今日Yuki仲玩左另一樣新野呀～ 就係蛙蛙跳喇～ 仲玩左兩次添～ 第一次玩好似幾鍾意咁喎～ 跟住隔離既姐姐一齊叫～

到臨走玩第二次反而好似有Ｄ驚咁喎～

睇下呢個樣係咪同video第一次玩個樣有Ｄ唔同呢？哈哈～

之不過玩完落黎有話仲想玩喎～ 下次啦，Yuki～

冰之驕女－第五課：考試

(有追加影片)

好快到左第五堂喇～ 今日係初階段既考試～

Hei Tung老師先係地下劃左要我地做既動作～

嘻嘻～ 睇下yuki幾咁專心咁聽老師講～ （不過好快就分心掛住周圍望喇，尤其是見到Daddy Mommy之後）

八字腳～

扭Pat Pat～

八卦望Daddy Mommy～

考試結果～ 合格～ 多謝老師～

 

科學園～爽～

今日濕度四十幾～ 氣溫二十幾度～

有太陽～ 有涼風～ 好舒服呀～

好耐無去踩單車喇～ 趁咁好天氣，去科學園啦～

久違了既單車～ 一坐上去就好開心喇～

可能今日星期六喇，所以無乜人，輕輕鬆鬆咁踩，好舒服呵～

 

Yuki～呢個係乜野姿勢黎架～ 你個Hello Kitty好搶眼呀～

同Daddy Mommy玩得幾開心! 今日Yuki成日都好乖呀，食野又好乖～ 等Daddy Mommy多D同Yuki出黎玩下～

等我學下日本人先～ 各位多多指教，よろしく、お願いしいます～

呢幅相由Mommy操刀，Yuki係咪有小model feel呢?

好友相聚

好耐無見一班朋友仔喇，呢日我地約埋先一齊飲茶～ 張枱側邊剛剛有個位可以俾我地玩～

開心到跳起～

跟住我地去左IVAN EVAN屋企個會所玩~

嘩! 好大隻鞋呀～ 兩個人都著得落架～

下次再玩過～

冰之驕女－第四課

經過一個星期係屋企特訓，今堂Yuki有功課交喇～

跟住Hei Tung老師慢慢行出去上堂先～

其他小朋友未到齊，等我自己練習下先喇～

我地先練習返八字腳，跟住老師一講扭pat pat，Yuki就第一時間要做俾老師睇喇，仲一個唔小心跌低添，哈哈～

不過跟住做到多一次就即刻望過黎Daddy mommy度笑笑咁～

 

跟住教另一樣新野就係交叉腳喇～

今堂Yuki終於都重拾上堂既信心喇，好野～

落堂啦～ 今日送俾大家Yuki落堂自己行返入黎既片段添喇～

下次要考試啦～

告別BB Car seat喇～

之前張car seat，由Yuki六七個月大開始坐，轉眼間已經坐左三年～ 佢同yuki一起由未識行既BB，坐到宜家自己爬上爬落，都有唔少回憶～

多謝呢張car seat陪伴Yuki度過左好多安全又舒適既旅程～

新既呢張係專做跑車座椅既牌子：RECARO

感覺上保護同承托都好好～ 最特別既係頭枕位有個私人喇叭，可以插個MP3或者iPod播住Yuki鍾意聽既歌～

呢張可以坐到十二歲架～ 不過唔知Yuki小朋友肯唔肯坐到十二歲（36kg)呢? 哈哈～

宜家可以自上自落之餘，仲可以自己解安全帶添喇～

食在東?

即係咩呢? Food At East囉～

太古城中心隔離新起既酒店，有一間餐廳取名Feast(意：盛宴／筵席) 亦係從Food at East個名抽出黎，幾有意思～

位處酒店二樓，樓底好高好開揚～

本來想黎試下佢既Semi-buffet，見過介紹話百幾蚊，點知今日去到見到要成三百幾蚊～ 應該係週末同平日唔同價錢喇～ 不過爭太遠啦～ 成雙倍價錢，都係叫A la carte算喇～

去到新地方，睇下呢個小朋友幾開心～

我地叫左個Angus burger同一個pizza，味道都ＯＫ喇～

如果大家想去試佢百幾蚊既Semi-buffet，記得打去問下係咪Weekdays至有喇～