踏入十六個月大的禮物～

今日係Yuki剛剛踏正十六個月大既日子～

就係呢日，Daddy/Mommy返到屋企開信箱時，就見到呢兩封正好為Yuki慶祝十六個月大既最好禮物喇～


Yuki其實在11月裏面去過兩間幼兒園面試出年九月既N1班，等左幾個禮拜，估唔到今日咁橋一齊收到兩間幼兒園既取錄信～

兩間都係收左佢入下午班，至於Yuki最終會揀邊間呢? 梗係Daddy都讀過果間喇～

生活點滴~

16個月大的小寶寶，不要以為她甚麼都不懂，你看看，小Yuki會看報紙：


小Yuki會玩波波（以Yuki式玩法）：

在家的一天～

今日朝早趁早去樓下睇左醫生先～　因為我又有少少傷風，流鼻水～　好彩今日落到去醫生度無乜人，唔使等就到我喇～

我最近呢兩次睇醫生都叻左喇～　醫生幫我探熱／聽聽筒／照耳仔同鼻仔都無乜喊啦～

醫生話叫我飲多Ｄ水，同食左藥會眼瞓要俾我瞓多Ｄ～　所以Daddy Mommy同我食完早餐就番屋企喇～　嘻嘻～　我地好耐未試過星期日無去街街喇～

Daddy見難得係屋企無乜特別節目，就話拎番我出世之後第一支買既鏡頭出黎影下相先～

好喇～　等我做下廣告model先～

＊＊ STONERIDGE牌 BLUEBERRIES ＊＊

大家記唔記得我推介過呢隻牌子既bu bu呀? 等我今日再賣多次廣告先～



＊＊ PIEGON牌 學行鞋 ＊＊


呢對PIEGON鞋係Daddy Mommy去日本旅行買俾我既手信黎架～　

佢都陪伴我由未識行到而家周圍行～　應該唔使幾耐就會著唔落喇～　

但係我真係好鍾意呢對鞋架～　

今日我仲第一次嘗試到自己著到隻腳仔入隻鞋度呀！　好野～

好心急～

我最近學識左個新動作呀～　

每當Mommy沖緊奶奶，或者我叫Daddy拎bu bu (Blueberries)俾我食既時候，我就會做呢個動作出黎，再加埋「er～ er～」 咁叫~

係咪好似叫緊：「快Ｄ～快Ｄ～　我好心急喇～」

睇高球比賽～

今日Daddy Mommy帶左我去睇高爾夫球比賽呀～　（靜靜話比你地知呀，Daddy Mommy都係第一次去咋～）


比賽地點係粉嶺一個高球會，Daddy渣車唔使一個鐘就到啦～　原來Ｄ車可以泊到成個山仔、成個fairway都係架喎～







一去到我地坐上看台睇左一陣，Mommy抱住我，就算坐第一行都遮唔到我～嘻嘻～









咦～　呢位球手上左Green喎～　快Ｄ同Caddie研究下點Putt呢球先～















Daddy話呢度個場同Ｄ風景都好靚，不過佢話如果唔係黎睇比賽都唔會有機會入到呢個球場架～









睇左無幾耐，我地就周圍行搵野玩喇～　高球場無乜野多，就係草地多～　我地隨意搵左Ｄ草地就坐低係度玩喇～


入場既時候送左粒仿高球波波～　唔好睇少呢粒波呀～


我今日剩低大部份既時間既節目都係圍繞住呢粒波咋～


你地玩唔玩呀？



就係玩緊呢粒波，我仲識到另一個哥哥佢都係玩緊，佢仲有一支玩具putter，我問佢借黎一齊玩左一大輪～　Daddy無行埋黎既? 原來Daddy離遠係咁同我地影相呀～




玩完一大輪，同靚仔哥哥say goodbye之後，我地係平時睇電視睇得最多既１號洞tee台影番幾幅相先～












正當我地影緊相之際，喇叭傳來廣播～　「飲緊奶樽既選手，請你儘快Tee off喇～　如果唔係天黑之前你打唔哂架啦～」
嘻嘻～　我唔係黎打波架～　我黎。。。玩架咋～　拜拜～

「特別鳴謝：批姨姨同Samuel叔叔送既入場券～　我今日玩得好開心呀～」

秋風起，ＢＢＱ

最近秋風陣陣，風和日麗，最好既節目梗係Ｑ－Ｑ啦（係ＢＢＱ先岩）～ 雖然話係去ＢＢＱ，但實際上我並唔係去ＢＢＱ架，我只係去玩咋，玩乜？睇下啦：

玩意一：玩滑梯

玩意二：踏單車

玩意三：渣BENZ

其實我仲有同兩隻大狗狗玩架，不過唔記得影相咋～　總之好好玩，好想再去玩，唔知幾時有得再去呢？

婚禮見聞～

尋日係Daddy朋友結婚既大日子～　我地下奏去左觀禮～



婚禮既地點係薄扶林一個歷史悠久既教堂，我一去到已經好開心，好興奮喇～



















入到教堂入面，我即刻周圍望，好新奇，又好靚呀～
Ｄ玻璃有好多顏色係上面架～














等我周圍巡視下先～　Ｄ佈置真係好靚好有心機呀～









咦～　大家好似到齊喇喎～　咁等我做指揮帶大家唱首結婚進行曲先啦～
唔該，大家準備，一～　二～　三～


話咁快就到左夜晚喇～　我當然中間要番屋企沖涼涼，同換番套飲衫先喇～



夜晚擺酒既地方又係一個歷史悠久既地方，呢度既前身係一個街市黎架～　我諗你地應該估到係邊度掛～






我自己都有一個位坐架～　雖然唔係好多野我食得，不過我都食左少少蟹拑／魚魚～　成晚唯一最唔開心就係我俾Ｄ好大既喇叭聲嚇到喊左幾次呀～　



最後祝CINDY姐姐新婚快樂！

帶daddy mommy去公園 (8-Nov)

每朝早起身，爺爺都會帶我去維多利亞公園玩，今日我好晏先起身食奶，一起身就見到媽咪，原來 daddy mommy 今日無返工，佢地下午會搭飛機去泰國玩，所以一朝早就陪我去公園玩。

維多利亞公園好大架，比小朋友玩既遊樂設施係有分年齡架，我最鍾意去玩五歲以上小朋友玩既設施，因為有我鍾意既韆鞦同滑梯之外，仲有得行樓梯，同埋有好多哥哥姐姐一齊玩，玩左成朝，daddy mommy 送左我返屋企，就走左去搭飛機啦～

嗚嗚嗚～　我無得去搭飛機～　唔知幾時會帶埋我去呢？

突破四千！謝謝支持～

不經不覺Yuki這個網上部落格已經與Yuki一樣面世了十五個月～

到今天，瀏覽次數突破了四千次，雖然不能跟某些熱門Blog相題並論，他們可能不用一天就已經有四千瀏覽次了，但對Yuki來說這四千卻是一點一滴累積著大家對Yuki的闗心所得來的成果～

回看這一年多的posts（原來已有１６０篇之多），更覺若不是把這些當時Yuki生活上的鎖碎一一的寫下來與大家分享，不會驚覺原來Yuki已比一年多前那祗懂吃和睡的寶寶已經長大了許多～許多～

希望Yuki長大及識字後會珍惜這些Daddy Mommy為她所寫下的生活印記，當然還有所有關心Yuki近況的大家所寫的每個留言～

相信在未來的日子裏，我們會看到突破五千，六千甚至一萬大關～

最後，向大家有一個請求～　為了讓Yuki長大了知道有那些愛錫她的人曾經在她的部落格留下過腳印，希望大家能花幾分鐘在留言於’意見’，好讓她知道有這些Auntie，Uncle， 哥哥，姐姐對她的生活點滴有興趣喔～　謝謝～

按此－留言給Yuki

周日數碼港

Daddy Mommy 話今日天朗氣清，一定要出去戶外活動一下啦～

早陣子見到另一個blog介紹數碼港既大草地，一於叫Daddy帶我地入去玩下喇～





嘩～　好靚既海景同建築物呀～　唔怪得之有好多人都黎呢度影婚紗相添啦～

等我都影番幅沙龍先！～　　　













呢度對住個海，日落時間有好多人黎影相架～　Ｄ海風又吹得好舒服呢～







今日適逢有風箏活動日，所以有好多人放風箏呀～　你地睇下係我側邊飛過又一隻啦～






Daddy 你幫我飛上去追Ｄ風箏丫～






ＯＫ～　Yuki咁你預備喇～


飛呀～






Yuki～　你玩得咁開心～　俾個笑笑眼同Daddy一齊影幅相先啦～