溜冰狂熱

Yuki最近好似愈黎愈鍾意睇人溜冰喎～

我地每次去太古城已經每次要去溜冰場睇番兩三個字，就算無人溜果陣，咪有架車出黎掃乾淨個溜冰場，Yuki都要睇架～

今日由朝開始落雨，唯有搵個大既室內MALL行下喇～ 邊度呢？ 梗係Yuki既九龍區至愛MegaBox喇～

一去到溜冰場果層，即刻唔肯走～

好啦，坐低一路睇一路食野啦～ 今日仲剛剛見到有人係度練緊冰上曲棍球添呀!

 

今日係MegaBox仲見到朋友仔N&N兩兄妹添呀～ 多謝姨姨請我食糖呀!

下雨天～ 種種植物蛋

前陣子, Daddy公司復活節時每個同事都派了一隻蛋～

並不是可以吃的蛋啦～ 是一種可以種出植物來的蛋喔～

趁今天下著黃雨，拿出來替它行「下水禮」吧～

 

 

 

 

拿定羮羮準備卜蛋蛋喇～

 

 

 

 

 

Yuki～ 等Daddy教你點樣打開個蛋蛋既殼殼喇～

加油～ 加油～ 個窿窿要再打大個Ｄ先得呀～

好啦～ 淋一點水～ 希望它快高長大喇～  等蛋蛋開始發芽再為大家作報導喇～

再訪赤柱~

很久沒有到訪赤柱了，上星期本來我們也曾驅車到此地，但因為天氣太好，所有車位都爆滿，唯有無奈地離開。

昨天天陰陰，估計遊人不會太多，我們再次到訪。

手上汽球，是我自己開口問派波波的哥哥拿的。

Yuki：我大個女啦，我自己攞架！（設計對白）

沿著海旁大道行至美利樓，發現有不少展品，愛拍照的 Yuki 自己嚷著要拍照，但這天，Daddy 並沒有帶相機，連傻瓜機也沒帶，所有相片只是用 Mommy 的手機拍的。

左面這張照片，本來有一群攝影發燒友帶著長短炮不知在商討甚麼，但 Yuki 很想和這牛牛拍照，自顧自地走到牛牛旁邊，Mommy 只好拿出手機，在眾多單鏡機圍繞下拍下這照！

至於右面這張，可能沒有人群的圍觀，Yuki 立刻展示鬼馬的一面。

在美利樓旁，那個本來位於中環的卜公碼頭，不知在何年何月何日重現了。奇怪的是，在我們努力遍尋下，也沒有找到有關卜公碼頭的資料，不是該有一個資料顯示牌豎立在此嗎？

由於天色陰昏，以及手機拍照功能始終不及相機，這張算是眾多相片中拍得比較好的一張了！

Daddy，下次請記住帶相機呀！

隨天而變～

本來今日天氣預報淨係話天陰，話聽日先開始落雨之嘛～

所以我地一心諗住入去水鄉大澳行下啦～

先去中環一間加拿大過江龍既漢堡包店－Triple-O’s食個lunch先～

好神奇地，本來Yuki係車度已經瞓著左幾個字，落車Daddy一路抱住，到Triple-O’s既時候，Daddy擺低Yuki落Mommy側邊既梳化，跟住Yuki已經半醒勒～ 跟住Mommy問多句:「你要唔要食薯條呀?」 Yuki即刻醒哂，仲驚Daddy唔知佢醒左無買埋佢果份，即刻叫Daddy添～

我地叫左兩個Combo: 1 BC Burger, 1 Chicken Supreme

賣相同味道都唔錯架～

當然有我最鍾意食既薯條喇～ 等我吸引下大家先～

 

 

你地食唔食條薯條呀？ 好好味架～ 仲有好多茄汁添呀～

 

 

跟住搭東涌線入東涌諗住再轉巴士去大澳啦～

點解我地話「隨天而變」呢？咪因為架港鐵去到荔景後已經開始有微雨～

到東涌落車後決定放棄唔入大澳，改為搭昂坪360纜車喇～ 去昂坪行下啦～或者順便行埋大佛都得～

 

 

 

我地都係第一次搭昂坪360咋，可能今日始終都係天陰陰啦，所以排隊既人都唔係太多～

 

 

 

 

 

點知行左一半左右，天色愈黎愈差，連前面既纜車都差不多睇唔到呀～

到昂坪落車後，D雨直頭係打橫咁吹埋黎，所以就算我地有三縮遮都覺得實無用，而落車必經果間紀念品店太細間啦，所以九成人都係迫住去到前面收銀果度玻璃門見到外面既雨勢就即刻擺低錢買番件即棄雨褸喇～

就係咁我地行左幾十米就入左一間餐廳坐低飲杯咖啡咁啦～

飲完野出去，但D雨都仲係好大，根本無可能行到去大佛果邊，所以唯有決定徹退～ 返東涌！

 

 

走既人龍仲長過入黎果條～

 

 

 

 

 

 

 

下一架到我地上喇～

 

 

 

 

 

 

 

過左最高座山之後終於見到個天清番D啦～ 可以影番幅睇到遠少少既相～

 

 

 

 

 

大澳同大佛，下次有機會我地會再黎過架～

肥皂泡

Mommy應承左Yuki呢個假期會搵一日去玩吹波波～

趁黎左批姨姨屋企，可以係佢屋企旁邊玩下個新玩具喇～

 

 

 

 

好鍾意睇住玩到得意忘形既Yuki～

 

 

 

 

 

小朋友的快樂，其實可以很簡單～

Anpanman廣告時間

多謝表哥早幾日送俾我既糖糖呀~

呢粒糖好特別架～ 係我最鍾意既Anpanman著住斗蓬飛既糖黎架～

張Anapanman圓形卡卡係上次去日本帶返黎架，今次用黎一齊賣下廣告喇～

我今日食左黎，係一粒橙橙味既糖，好味～

多謝表哥！

海洋公園－復活節篇

原來已經兩個月無去海洋公園喇～ 趁復活節假期，好喇，復活節第二彈－海洋公園，我地黎喇～

Yuki～你宜家好似對吹奏既樂器好有興趣喎，上次扮機械人吹喇叭，今次一見D哥哥就主動要埋去影相～

今日換左Daddy陪Yuki騎馬馬～ 不過今日好多人呀～ 講番入黎既時候淨係入停車場都係第一次要排隊排成半個鐘先入到～

 

 

 

 

 

 

 

話說上次黎既時候，Yuki玩下面呢個攀石牆側邊既滑梯因為有一次未坐定就滑落去，搞到爭D有意外～ 俾Daddy Mommy教訓一輪～

今次去玩番呢個既時候，Yuki仲記得上次既教訓，所以今次好乖咁玩勒～

 

 

今次玩小蜜峰飛機玩到唔停得～

要連續玩三次，嘻嘻～

 

 

 

 

 

 

今次我地仲約埋朋友仔兄弟：Ivan & Evan

 

 

 

 

 

 

 

 

不過原來無同Evan影到相添～

 

 

 

 

 

今日食野呢間餐廳第一次光顧～ 環境幾好，不過今日坐果張枱好大風呢～

大樹灣果邊有D用循環再造物料造既RECYCLE英文字～ 可以用黎點玩呢？

 

 

 

可以用黎學佢做Y字喇～

Y for Yuki嘛～

 

 

 

 

 

 

 

 

 

個C字完來用黎做梳化咁都好舒服架播～

 

 

 

 

 

今日氣溫廿五度都仲未算好熱，但係睇黎下次再黎海洋公園又會進入炎炎既夏季喇～

迪士尼酒店－復活節篇

迪士尼開左咁耐原來我地一次都未去過迪士尼酒店果邊玩架～

Daddy Mommy話果邊有個用草黎做既迷宮～ 好喇～ 等我地襯呢個四日既復活節假期去參觀下先～

係喇，係喇，係呢度喇～ Mommy! 你係咁遠，見唔見到我地架?

見到見到! Mommy可以zoom埋去架嘛～

 

 

等我地跟埋Yuki入去玩下先～

 

我地宜家要行去邊面呀?

 

 

 

 

 

 

 

 

 

Yuki 同 Mommy，你地唔好行得咁快啦～ 等埋我呀!

 

 

 

 

Yuki，你好似老師教你地咁舉起Ｖ字手勢同埋講Yeah啦！

迪士尼成功之處：將簡單既三個圓圈放埋一齊，小朋友們就會指住話「米奇」

嘻嘻～ 等我係個靚窗框影幅相先～

呢度有個公園仔個遊樂設施除左一般滑梯，仲有一樣平時比較少見既～

 

 

 

就係呢個啦～ 見唔見到有幾塊藍色既野呀?

 

呢個係用黎扮攀石架～

 

 

 

今日好幸運地，原來有復活節既遊戲攤位～

呢個係接波波～ D波波會由右邊果部紅色既機器射出黎，Mommy同我就要盡量接住D波波～

 

 

 

跟住呢個係要用支羹撈D復活蛋出黎～

 

 

 

 

 

 

 

 

跟住呢個係要將D復活蛋由一個圈裏面搬去另一個圈～

 

 

 

 

 

最後到呢個最剌激既遊戲～ 哥哥介紹既時候話係叫Tag Rugby～

因為我最細個，所以由我開波先～ 我地衹係玩兩分，所以好快玩完喇～

不過玩完Yuki仲好意猶未盡咁係咁跑～

Yuki～ 留番D力呀～ 仲有幾日假期要玩架～

Help! Spiderman!

星期三開始，yuki開始打敗仗，先是咳咳，再加流鼻水，想是感冒了，但令人擔心的是出現高燒的情況！發燒的溫度，升到39~40度左右，幸好家裡還有高燒專用的塞肛藥，藥到燒退！

可是，情況持續，星期五晚半夜，星期六下午，星期六晚半夜仍然有高燒，醫生已看過兩次，說是氣管發炎，給了抗生素。不過，無論是咳，還是鼻水，仍未有改善，加上不停的高燒，雖說用藥後燒是退了，但Daddy Mommy仍是不大放心。今天早上，另覓醫生，再看一次。

醫生說，小朋友半夜高燒，是常有的事，診斷結果是肺部，耳朵一切正常，喉嚨有發炎，可能是之前的藥不太適合yuki，應該不是有大問題！

看過醫生，跟yuki吃了最愛的麥噹噹，換了個Spiderman！

Spiderman，幫幫忙吧，把那些討厭的病菌通通消滅吧！