再見一號牙刷～

打從Yuki十個月大出左第一隻牙開始～Yuki就開始早晚會刷牙仔架啦～

Mommy係日本旅行既時候買左套有１至３號既ＢＢ牙刷俾Yuki～　
１號牙刷係一個軟膠造同埋狼牙棒造型
２號牙刷亦係軟膠造，似番Ｄ牙刷，得一邊有刷
３號牙刷就正式係我地用開果種牙刷咁，有刷毛架喇～

而１號牙刷由十個月大用到宜家亦都功成身退喇～

今日Yuki朝早食完早餐用埋最後一次１號牙刷就同佢講拜拜喇～

拳擊日?!

Daddy/Mommy話今日係Boxing Day～　咁係咪即係拳擊日囉?

Daddy/Mommy: 「唔係呀～Yuki～　係拆禮物日呀～」



今日去左一個地方食Tea Buffet～　呢度其實係我第一次聚會去過既酒店黎架～　原來已經成十三四個月前喇～







唔信你地睇下條Link同呢幅相～

http://yuki-lam.blogspot.com/2006/11/bb-4-nov.html








你地睇下Mommy幫我同Daddy影呢幅相似唔似我伸手玩天花既燈燈呀?～　（無特技加工架）

















夜晚去左大舅父屋企開Party～　我今次好鍾意同Tigger影相呀～　又係咁捉住Daddy/Mommy同表哥埋去影～　嘻嘻～　（咦? 原來我高過Tigger喇）


仲有呢幾日再收到既禮物有：

From契爺














From 家姐／哥哥





















From
二
舅
父














From 細舅父

（唔好誤會呀～　唔係Pooh San呀～

係套Golf Set至真～　因為我今晚係麻麻屋企瞓～　所以Mommy叫Pooh San做Model同份禮物影相咋～）










最後送幅聖誕全家福大家睇下添～

聖誕快樂！

聖誕禮物～

雖然仲有兩日先到聖誕節～　但係我好心急，好心急想同大家分享下我暫時收到既聖誕禮物喇～

首先有姑姐送既士多啤梨毛毛拖鞋～　係咪好得意呢?


跟住有Daddy/Mommy送俾我既Kitty三輪車(係我自己揀架)～



我今晚係咁掛住玩架三輪車～　又係咁將我既好朋友bear bear放落車度坐～　嘻嘻～　遲Ｄ等我車你遊車河啦～

仲有要係呢度多謝爺爺麻麻、阿太、姨婆既利是呀～

又到聖誕～ 又到聖誕～

Daddy終於都係印度番左黎喇～　星期四果日我仲同媽咪去機場接Daddy添呀～　Daddy幾開心呀～



好彩Daddy趕得切番黎過聖誕～　我地今日要去買聖誕禮物呀～

聖誕節真係好多人去街街架～　我地好耐未試過要塞咁耐車先去到尖沙咀～

咦～　呢間舖頭架車車咁熟口面既? 我記得之前好似見過我Ｄ朋友仔坐過架～　等我都坐下先～

有兩個姐姐係度玩緊喇喎～　唔該～　可唔可以俾我一齊玩呀? Daddy! 我學你渣車車呀～





轉過頭～　我地已經去到反斗城喇～　唔～　等我睇下買咩玩具俾家姐／哥哥／同我Ｄ表哥仔同表弟仔先～














買完野～　行番出去影返幾幅聖誕相相先～　


嘩～　好多波波呀～　


仲有～　樹～　樹～










咦? 呢度好似有Ｄ面善咁喎～　又好似係邊度見過咁既？









Daddy&Mommy: 「Yuki～　呢度咪你上年都黎過影相既地方囉～　估唔到Ｄ聖誕樹佈置無變過喎～　Yuki你睇下你今年比上年大過左幾多!」

X'mas Party 2007

今日我同媽咪去趴地呀～　乜野係趴地？咪Party囉！

我又見到好多朋友仔啦，今次仲玩遊戲同交換禮物，好開心呀～

p.s. daddy唔係香港，除左少左個司機，仲少左個攝影師呀～　多謝咁多位有份幫我影相既姨姨同叔叔！

聖誕嘉年華會 (15-Dec)

12月15日，daddy係印度未返香港，媽咪話有兩個地方可以同我去，第一個就係媽咪公司既兒童遊戲日，第二個就係二舅父公司既聖誕嘉年華會。你地見到呢個topic既標題，都知我地最後去左二舅父公司既聖誕嘉年華會啦，點解揀呢個，原因好簡單，聖誕嘉年華會係銅鑼灣舉行，近好多，仲有就係舅父會做埋司機接送我地，咁媽咪就唔使咁辛苦啦～

去到嘉年華會，有我最喜歡既滑梯，但呢個係吹氣架，我自己上唔到去，要媽咪扶住我上，媽咪話好攰喎，我就話好好玩啦～

我仲玩左攤位遊戲，同聖誕老人影相，仲有禮物呀，其中一個係好大既poohさん公仔黎架～ 你地睇下，係咪大過bear bear好多呢！

中場時間我仲小睡片刻添呀，媽咪話好彩有得坐咋，因為佢抱住我坐係草地度，我訓左一個鐘呀～

（暫時未有玩緊既相比大家睇呀，要等舅父比返Ｄ相媽咪先有啊～）

再次不在香港的日子 (二)

又到週末喇～

今日星期六～　我地決定去孟買附近既一個海灘曬下太陽～　雖然話係附近，但係其實都要起碼四個鐘頭車～　\*O*/

我地由朝早十點開車出發～　因為同埋一個黎印度長期做野既香港同事一家一齊去，所以今日我地出動兩架七人車～

由於無人去過呢個地方～　如是者～我地行下～搵下～問下～又行下～又再搵下～又再問下～～～　終於都到啦！　但係已經成三點鐘喇～　用左成五個鐘！

我地其實由差唔多兩點開始就一路見親Guest House或者Resort都停低問下有冇野食～　但係間間都話俾人住哂～　餐廳都唔做我地生意！



最後係其中一間海灘旁邊既Guest House終於肯做我地生意喇～

呢一帶有好多椰樹架～　真係椰林樹影～　唔睇一樓以下既景物一定唔覺得係印度～　嘻嘻～




食完野～　落沙灘行下先～　


咦?! 好浪漫喎～　沙灘居然有馬騎或者坐馬車架～　不過Ｄ馬馬好臭呀～







呢個角度影係咪都幾靚呢?










行下～玩下～　已經成五點幾～　開始日落啦～
日落既景色又係幾靚架喎～





六點開始回程～　又另一個四個幾鐘頭既車程～　返到黎apartment成十點幾～　回程呢程車真係驚險剌激!!!

Wow Wow? Bear Bear?

某日，媽咪同Yuki一齊睇雜誌，見到某女星同隻狗狗既廣告。

媽咪（指住狗狗）：Yuki，乜野黎架？
Yuki：Bear Bear
媽咪：Wow Wow 呀
Yuki：Bear Bear
媽咪：。。。。
Yuki（走去拎佢隻Bear Bear黎）：Bear Bear
媽咪（放隻Bear Bear係張相隔離望一望）：係喎，係Bear Bear

大家覺得係Wow Wow定Bear Bear呢？

自己食野~

Yuki而家識自己用匙羹食野，雖然未係食得好好，但mommy已經覺得佢好叻叻～

Christmas Gift 2007

仲有兩個星期先到聖誕節，但Yuki已經收到佢今年既首份聖誕禮物啦～　就係Linda姨姨送既Hello Kitty餐具啦！　你地睇下Yuki個樣幾興奮，仲急不及待咁拆開佢：




拆開之後，仲拎出黎當玩具玩呀：


最後，Yuki要同Linda姨姨講聲：謝謝！

再次不在香港的日子 (一)

Daddy又再出trip喇～

今次仲要出成兩個禮拜添，要到做冬之前先番香港喇～　　因為今次個trip成兩個禮拜，所以 daddy有成兩個weekend係印度過～






呢個weekend我地就去左食海鮮餐，呢間餐廳都幾貴，除開每個人都要成二百五十蚊港幣～　不過～　呢間叫「Mahesh」既餐廳ｄ野都幾好食～　　我地叫左蟹／大蝦／魚～　食完飽到晚飯都唔使食呀～




今日Daddy同香港既同事去造訪一個印度同事屋企～　呢個同事有三個小朋友，一個女女加兩個龍鳳胎～　對龍鳳胎大Yuki你四個月咋～　因為佢地係素食既，所以今餐係完全無肉～　
好彩！佢地煮得唔係好辣o者～















最後呢個甜品仲好好味添，有少少似雪糕加左Ｄ新鮮切粒水果～　Yummy ～

生活點滴視像化~

daddy又出左trip啦，今次又係去印度，仲去兩星期添呀～　daddy今次仲無帶相機去，專登留俾mommy幫我拍video，反正拍左，放埋上黎比大家睇下啦！

　　　　　　　 ～　～　～　彈琴篇　～　～　～

　　　　　　　　～　～　～　玩鞋篇　～　～　～　

去High Tea好開心呀～

今日Yuki同Daddy Mommy一齊去剪頭髮～　Man哥哥搬左去銅鑼灣利園附近，今次剪頭髮Mommy幫我帶左塊私家圍巾(因為上次用Man哥哥果D黑色大圍巾我未開始剪已經唔肯喇～) 今次就好好多喇～　所以好快我已經剪好左額頭既蔭～

剪完之後因為Daddy Mommy未食野，所以Daddy就建議去左附近一間有露天座位既餐廳High Tea下先～

嘩～　間餐廳好大好舒服呀～　我地三個人可以坐一個U型既梳化位，我覺得可以坐六個人都得架～





















所以Yuki就可以好乖咁係梳化度行黎行去～　仲唱歌仔添呀～　唔使落地都已經好開心喇～









Daddy/Mommy 食到咁上下仲帶Yuki出去個花園度玩左陣添～　

















你地睇下我個樣幾得戚～