百厭yuki之爬上sofa~

一歲大既yuki, 今日又比左個驚喜我地啦:

生日の行程～

今日一早起身，Daddy就話要Yuki一歲生日食D新野～

所以我地就帶左Yuki落去屋企樓下～～飲茶喇～


好彩我地算早（十點左右）唔使等就有位～　
你地睇下Yuki等得幾心急! 嘻嘻～








至於俾咩新野Yuki食?　就係腸粉喇～　







Yuki食得好滋味添呀。











下奏我地就去左一個唔駛俾錢，又有得俾Yuki玩既地方－－反斗城～～　
哈哈～


Yuki坐架Poonさん車車幾開心！
















夜晚我地返麻麻屋企慶祝生日，因為Yuki都仲細，出街開Party其實佢未識，反而o係麻麻屋企可以通地爬，同樂樂家姐／Boy哥哥玩～　所以我地簡單地佈置下，買左個生日蛋糕同Yuki簡單而隆重地慶祝佢既一歲生日喇～





Yuki ：借呢度多謝送左禮物／利是俾我既咁多位～　（排名不分先後～嘻嘻～）　阿太、爺爺・麻麻、舅公、伯伯・伯娘・樂樂家姐・boy哥哥、姨婆、婆婆・公公、Siti姐姐～

女女，你一歲喇～

Yuki！祝你一歲生日快樂！

一年前既今日～　下午三點零三分，經歷左９個幾月o係媽咪既肚裏面，你終於黎到呢個世界，同Daddy Mommy見面。

回想起上年Daddy幾驚o係印度出trip既時候你等唔切出左世呀～　好彩乖女你等埋Daddy番黎o者！

唔知你覺得呢一年Daddy Mommy表現得稱唔稱職，照顧你既衣食住行對我地黎講每一樣都係咁新鮮。　Daddy同Mommy都覺得自己呢一年改變左好多，犧牲既係私人時間，Daddy無得再去放車，全部野賣哂，但係我地所得到既係比犧牲好千百倍都唔止既喜悅同歡笑。

以前我都領會唔到Ｄ人話返工幾辛苦都好，番屋企見到囝囝或囡囡叫自己同迎接自己返屋企，真係咩辛苦都會唔記得哂架。

尤記得從你出世既一點重要歷程：
７／２９　　小Yuki誕生
第六日　　　出院返屋企
第廿二日　　甩臍帶
一個月　　　滿月，唔使戴手套
兩個月　　　完成兩個月食人奶（因為媽咪要返工喇）
兩個半月　　開始去麻麻屋企住
四個月　　　自己轉身
六個月　　　食糊仔
六個月　　　自己坐
七個半月　　扶住梳化企
八個月　　　學爬

九個月　　　企到兩秒

九個月　　　叫mama baba

十個月　　　出牙仔喇

十個月　　　識得拍手手

十個半月　　第一次病（喉嚨發炎）

十一個半月　識自己行喇

Yuki，Daddy同Mommy好期望睇住你黎緊更多既第一次。

大個女，換大床喇～

Yuki之前瞓開果張ＢＢ床得３呎Ｘ２呎唔夠，佢宜家已經瞓到頂頭頂腳～

Daddy Mommy就襯Yuki生日送樣Yuki實鍾意又實用既禮物俾佢，就係大床仔一張喇！

睇下Yuki企得幾開心～










呢張床買完仲經過Daddy特別改裝，加左四個轆，咁就可以平時靠埋牆邊瞓，夜晚就推過去拍住Mommy張大床瞓～
















仲可以鍾意就爬埋上Mommy張床度添架～

Daddy 生日呀~

今日係我daddy生日呀, 我咁細個, 唔知送乜野比佢好, 好在有媽咪幫下手, 佢幫我買左個相架, 放埋由出世至而家每個月既相落去送左比daddy呀, 仲有張生日卡添呀, 張生日卡仲係媽咪捉住我隻手手教我寫架, hee..hee.. 唔知daddy鍾唔鍾意呢~


Happy Birthday to Daddy~

我地去左ocean park幫daddy慶祝生日呀, 都幾好玩架, 有火車啦, 旋轉熊貓啦, 吊車啦, 又去左水母館同鯊魚館(但我瞓著左), 睇左海豚同海獅表演, 又探左安安佳佳同埋盈盈樂樂, 玩到攰晒囉~

同媽咪一齊坐火車~

全神貫注睇表演~

坐吊車好興奮~

拖住Daddy返屋企~

(唔知大家有冇留意到幾幅相裏面既Yuki有乜唔同呢?)

契爺～Happy Birthday!!

今日係我契爺既生日，雖然佢o係加拿大，我o係香港，不過我都要借個Blog黎祝契爺


生日快樂! Happy Birthday!

唔講大家可能唔知，我呢個Blog都係上年契爺幫我起出黎，跟住交俾Daddy, Mommy同我繼續update咋～

滑浪喇～

Yuki連水都未識游就走去滑浪喎，今日又去左發掘新地方喇。

今日約埋表哥同細Ｂ哥哥去左石澳游水（定玩水呢？嘻嘻），我仲首次試坐滑浪板，Daddy推住我左滑滑右滑滑，又安全又舒服呀～

Yuki: 哎呀！ Daddy！　果條咩魚黎架？　　
Daddy: 魚？　邊度呀？　有黑白色果條？　哦～　係殺人鯨黎架！...... 哎呀！！　殺人鯨呀～～～Yuki！　走呀！



唔知咁樣密密去海灘，幾時可以曬得一身古銅色呢？

yuki 學行篇之行得好掂啦~

過左幾日, yuki而家已經行得好掂, 仲係個廳到四週行, 行到唔停~

切蛋糕~

咦~ 乜Yuki生日到左啦? 明明係29號架?!

其實個蛋糕係daddy架, 但係daddy生日都係未到架, 只係預祝咋~

我同daddy一齊切蛋糕呀, 順便練習下嘛, 就黎到我架啦~

咁快有生日禮物?!

Yuki仲有兩個禮拜至生日，尋晚Yuki番婆婆公公度就提早收左生日禮物啦～



係細舅父送既Poon San飛機豬仔車～














一番到屋企Yuki就坐住唔肯落黎啦！

多謝細舅父，舅母同埋希希表哥！！

yuki 學行篇~

yuki已經扶住行有一段日子, 最近都試過自己行, 但係Yuki小姐好心急, 行得太快成日跌~ 經過一番努力, 今晚都行得唔錯, 仲比媽咪影低左同左家分享一下添~

Daddy返黎啦～

Daddy去完印度公幹返黎啦～　　今日我地做左爛瞓豬好晏先起身，下奏我地去左山頂行左一陣。　今次其實唔算係第一次去，上次去過一次不過上到山頂又落大雨，我又瞓著左，所以無泊車，無落車就走左。

今日就行哂山頂廣場，凌霄閣，獅子亭，我地仲去左Burger King食野添，之後又去百佳。











我第一次坐超市車咋，興奮到有Ｄ失儀添～　嘻嘻～

My Kitchen~

差D唔記得話比大家知, 星期一果日去大浪灣之前, Joan姨姨o黎探我呀, 仲帶左份大禮物比我添呀:



















係咪好犀利呢, 靜靜話比大家知呀, 呢個玩具我早幾日先係Rocan姨姨屋企玩過咋, 好好玩架, 唔知媽咪幾時開比我玩呢~

Thank you very much, Autie Joan~

大浪灣歷險記~

今日mommy又自己一個人帶我去街街啦, 仲係去沙灘添, 好彩有舅父, 舅母, 希希表哥, ellen姨姨, kelvin叔叔同埋細B哥哥一齊去, 本來玩得好開心架, 你地睇下D相:

我地係岸邊玩玩下, 突然聽到雷聲, 跟住見到係海果邊好鬼黑, D雨就係咁係海果邊打返入岸, mommy即刻抱我坐係太陽傘下, 仲用毛巾包住我同埋攬實我, 好彩有mommy保護我, 我先無淋濕到, hee hee~

Crying girl~

今日daddy去左印度呀, mommy帶埋我去左舅父屋企同希希表哥開生日會, 但daddy又唔係度, 得我同mommy, 我又未去過舅父屋企, 好驚驚呀, 所以一唔見mommy我就大喊啦~

得mommy一個人, 我又成日痴住佢, 所以影唔到靚相放上黎比你地睇, 唯有出個無相既Post啦~