2015北海道富良野滑雪之女(第二天12/29)

舒適地瞓咗一晚～　有乜嘢好得過一早起身見到咁靚嘅日出呢～　富良野嘅日出既寧靜又美麗～

酒店嘅早餐一定要同大家介紹下有呢個哥哥～　現場即製嘅玉子燒呀～

源源不絕地供應～　啱哂我哋超鍾意食玉子燒嘅一家喇～

Yuki！留返啲俾其他人，唔好拎哂呀～

食飽快啲準備開始滑雪喇～　喺北の峰滑雪場就有得租滑雪用具喇～

今年我哋選擇學Snowboard呀～　Daddy Mommy好多年前學過下，不過唔記得哂lu～　Yuki就真係第一次學喇～

Yuki in full gear for Snowboarding!  Looking Cool!

好興奮呀～　

Snowboard第一課～　單腳扣板上斜路～　哈哈！好攰㗎～

教我哋嘅先生（せんせい）係日本人，但係識講英文～　

先學單腳踩板滑少少～

Snowboard一大好處就係休息狀態下可以坐喺地下～　慢慢聽先生講解～

然後開始做Heel side同Toe side～

跟住加少少轉彎～　哎呀～　跌喇跌喇～　

Daddy都得喇～

嘩！Yuki坐得超舒服咁喎～

話咁快就兩個鐘喇～　左邊果位就係我哋嘅先生Yumi老師～　原來佢有三個女，仲已經做咗婆婆添喇～　好犀利呀～　

Yeah! 我哋學咗Heel side & Toe side～　先生話我哋下奏可以自己去另外太子酒店果邊同Yuki練多啲～　暫時未可以上lift住～

食晏同James會合～　食至愛嘅咖喱～　

下奏過太子酒店果邊最主要就係為咗呢條Magic Carpet～　自動上斜運輸帶～　唔使單腳踩板上斜～　舒服好多㗎～

滑滑下開始落雪喇～　

今日滑住咁多先～　返酒店喺lobby有貼心嘅炭火燒棉花糖～　

啲炭唔太勁～　慢慢燒棉花糖啱啱好～

另一邊個木箱仲有蒸薯仔～

返房抖陣，沖個涼，浸個溫泉，出去食晚飯喇～

今晚食呢間山人尋晚見無位已經即時訂位今晚再去食～

今晚食得好豐富～　真係乜都有呀～　　尤其是個牛肉鍋同海鮮鍋～　食完暖粒粒～

想同大家介紹下見到呢個好正嘅石油氣爐～　超薄呀～　好想買個返香港～　打邊爐唔使舉到隻手咁高～

食飽飽喇～　小朋友又可以一路行，一路玩雪，一路傾計返酒店喇～

酒店門外仲有呢條好靚嘅燈光走廊～　

唔該Michael叔叔幫我哋影呢幅咁靚嘅相呀～

臨瞓前，為大家介紹埋北海道富良野代表物－肚臍祭公仔～　夏天喺富良野舉行嘅肚臍祭就會有好多巡遊，啲人露個肚出嚟畫啲眼耳口鼻好似下面啲公仔咁㗎～

2015北海道富良野滑雪之女(第一天12/28)

期待咗一年既滑雪旅行又到喇!

今年我哋又係早半年以上就籌備，地點係幾年無去過既北海道！

呢次我哋依然係三個families既組合～　一個旅行去到兩個國家～　幾正！

點解呢？因為我哋揀咗大韓航空喺韓國仁川機場轉機再去北海道新千歲機場～

香港起飛係零晨機～　一眨眼就到咗仁川機場～　等轉機中間有幾個鐘頭～　

Yuki既iPad喺機上已經睇到無哂電lu~　呢度有救星～　有USB叉電～

不過Yuki小朋友等得太攰喇～　居然等到。。。。

又再一眨眼就到咗札幌新千歲機場喇～　有雪喇！

凍到喺室外可以喺口噴到煙出嚟㗎～

新千歲機場裏面有好多栩栩如生嘅壁畫～　睇吓Yuki坐咗嚮隻海獅隔離呀～　真係坐得好似～　其實無椅喺度㗎～

喺機場已經好多嘢食～　呢個北海道拉麵道場好熱鬧喎～

我哋揀咗呢間「梅光軒」～　食食吓見到原來香港都有㗎～

熱辣辣嘅拉麵～　加埋半熟蛋同餃子～　絕配～　好味～

第一吃！　喺日本旅行必食嘅軟雪糕～　唔知成個行程會食幾多枝喇～

我哋訂咗旅遊巴士由機場直接去到我哋富良野住嘅酒店～　車程約兩個半鐘～　唔使轉車好方便㗎～

呢間就係我哋住嘅酒喇－Hotel Naturwald-Furano

酒店裏面內裝好舒適～　好warm～

酒店希望營造俾住客一個「第二個家」嘅感覺～　所以真係無商業味道～　好溫暖～

房間裏面都頗闊落～　兩張床拍埋瞓三個人好鬆動～

Yuki一幫手揸住部相機就開始selfie嘞～

愈影愈過癮～　有單人自拍～

又有雙人自拍～

We love it!

大家稍事安頓好之後就出發搵晚飯食喇～

夜晚嘅酒店更加靚呢～

沿途行積雪好厚～　仲一路有落緊雪添～

睇下呢個車呔做嘅招牌積雪變咗咁樣～

行咗好幾間都無位～

好彩終於都俾我哋搵到呢間Forum Furana可以入去坐住等～

富良野嘅餐廳唔大～　但係都係一間間小屋子嘅格局～　好有特色～

由於係家庭式經營，所以唔會太多人手～　需時多少少～　不過一班好朋友坐低傾下計，時間好快就過～

有嘢食喇～　Pizza、咖喱、豬扒～　おいしい～　食得好滿足～　

慢慢行返酒店～　浸個溫泉～　完成第一天～