未到年廿八，已經洗邋遢～

年廿八雖然唔到，小Yuki已經幫手洗邋遢啦！你地睇下，佢好認真咁四圍抺架！

18個月大啦~

眨下眼，Yuki已經十八個月大啦～　

今日媽咪同yuki去健康院，做左個發展監察，姑娘話yuki各方面既發展都唔錯，呢個結論，媽咪都好認同。

Yuki，你好叻叻呀！

Daddy Mommy 鍚晒你！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊






大個女既 Yuki 仲學人去 shopping！

迎接第二個農曆新年～

仲有個幾禮拜就到農曆新年喇～　

周圍都有開始好有新年氣氛～　今日上完Playgroup ，Daddy Mommy帶我去左金鐘行左陣街街～

今日上Playgroup我地要畫四季桔～去到太古廣場，Daddy即刻叫我去睇Ｄ真係四季桔喇～



咦！　Daddy Mommy～　有棵好大既花花呀～　

係呀Yuki！　呢Ｄ叫桃花呀～












Daddy唔好捉住我喇～　我要周圍去睇花花呀！







Daddy/Mommy同我話上年新年我乜都未識～　果陣都係岩岩先識坐咋～　今年Daddy/Mommy已經捉我唔住啦～　因為我要周圍走囉～


去下一個目的地之前我係等巴士既時候瞓著左～（好舒服呀～）

但係點解我地會等巴士呢？

因為Daddy下個禮拜又要出成個禮拜trip，佢又想幫我地架車車打個靚臘先過年～　所以我地擺低左架車車先去金鐘嘛～






今日最後一個目的地就係小西灣藍灣廣場隔離既公園仔喇～　因為之前有一次渣車經過見到有個幾大既遊樂場～　
所以今次特登去玩下先～

不過呢～今日都幾凍呀～　果度又係海邊所以特別大風～








我係咁咦玩左幾樣野之後～Daddy Mommy就叫住要我走喇～　佢地話下次無咁凍先至再黎過呀～

乜都玩一餐！

小朋友既歡樂，唔一定要來自玩具，小yuki就來示範一下「廢物利用」：

盒上舞：


敲擊罐：


最後，睇返自己既短片都可以笑一餐：

爺爺生日快樂～

今日朝早Mommy公司有Function～　所以佢一早就出左去喇～　我今朝食完奶奶又無再瞓覺，所以Daddy就要陪我玩勒～　Hee Hee～

Daddy本來諗住同我出街食通粉早餐餐架～　不過今朝我係都唔肯換衫～　Daddy都無哂我辦法～最後唯有叫Siti姐姐陪住我～　佢自己出去買我最鍾意食既通粉早餐返黎喇～

Daddy返黎同我食完早餐過左一陣～　Daddy仲帶左我留去公園仔玩呀～　不過可能尋晚Ｄ雨水未乾～　Ｄ滑梯全部都仲好濕呀～　今日無得玩滑梯啦～　之後我地再漫步海濱公園，返到屋企已經中午喇～

咦～電話嚮喎～　Daddy快Ｄ去聽喇～

Mommy走得喇～　我地出去接Mommy喇～

出去接Mommy果程車我終於都瞓左覺～

接左Mommy，我地落左杏花村飲左個下午茶～　我好似好耐未試過同Daddy Mommy一齊飲茶喇～


Daddy唔該快Ｄ劃點心紙喇～






Daddy: 「得啦～得啦～　要點你食得既腸粉喇～包包喇～粉粉喇～」

Daddy: [　Yuki～做乜你整個ＩＱ博士超人食酸梅乾咀仔出黎呀？」




今日係爺爺既生日～　　

爺爺祝你生日快樂～　

祝你福如東海～　壽比南山～

我地夜晚出左去食飯～　又到切蛋糕時間喇～

哥哥～　你唔好做Ｄ咁搶鏡既動作喇～　我未識做架～

正式上課～

上個星期上既Playgroup其實係試堂～　今個星期開始就係正式架喇～

今個星期去到又見到番我班同學仔喇～



Free Play time時段我周圍玩下～真係好喇～有好多玩具呀～






就黎夠鐘上堂喇～　咦！Daddy呢？

Daddy! 你做乜走左去咁遠呀～就快上堂喇～你快Ｄ過返黎喇～






Story time大家都好留心咁聽Miss Jaspreet講故事～　我唔係俾人罸企架～　我祗不過因為太留心所以愈行愈近咋～





中場小息Snack time又係大家洗洗手～坐定定開餐既時候喇～　食完之後～我又表現出我清潔大隊長既本色～將其他部份同學仔食完既碗碗同杯杯幫手收去架trolley度呀～　(Daddy: 「Yuki你真係好鍾意執野喎～」）




最後Art & Craft～　今次我地又係做Ｄ近接農曆新年既勞作～　你地估下我同Mommy整緊既係乜野黎既？　睇埋落去你地就知架喇～





就係呢個炮丈同埋張賀卡喇～

熱鬥小馬?

下午我地去左另一個公園，就係彭福公園啦～

今日呢度原來有function呀，要憑票進場呀，好彩門口有飛派，我地先可以順利入去咋！如果唔係，就白走一趟啦，嘻嘻！

入到去，我梗係同Ｄ馬仔影下相啦：

Yuki：Daddy，係咪熱鬥小馬黎架？

Daddy：Yuki，熱鬥小馬你都識？

Yuki：Daddy，我同Mommy拉頭馬呀，你快Ｄ幫我地影低佢啦！

Daddy：Yuki，呢隻馬假架播，咁都算拉頭馬？！

除左同熱鬥小馬影相，其實仲有攤位遊戲玩架，但好多人排隊，我地就去左睇馬術表演。

又有小丑哥哥整波波：

小丑哥哥仲整左隻可以穿係手度既bear bear比我！

我今日又係好開心呀，yeah yeah yeah！

灣仔峽公園

今朝daddy趁去剪髮前有少少空檔，就帶左我去灣仔峽公園玩下。點解黎呢度，因為係爺爺介紹架！

呢個公園都幾多野玩，仲有，可能呢度係半山區，好多外國人黎玩喎～

我呢，就好似平時去公園一樣玩得咁happy啦~

　

再訪動植物公園

上個禮拜雖然我地已經去過動植物公園～　但係因為上次我地去到既時間已經比較晏～　所以有一半地方我地無行到～

今日既然咁早起左身去上堂～　所以我地下奏就再去動植物公園行上次未行哂既地方喇～

今次Daddy唔再泊係美利大廈喇～　
因為抱住我佢話行咁大條斜路都幾辛苦～　今次泊左係麥當奴道一個停車場，果度有間百佳架～　呢度行過一條天橋就係動植物公園喇～（Daddy好開心）


上次我地睇果邊有好多鳥類～　今次呢邊就有好多唔同種類既馬騮～（其實學名好多都唔係叫猴子架）




你地睇下我仲話俾Mommy知邊度有野睇添呀～

我地既眼神幾一致！







咦？！　有個牌寫左呢種動物既資料呀～　Mommy～　上面寫左Ｄ乜野呀？










等我自己扶住欄杆黎睇先～　咦？　咁到底係我隔住欄杆睇佢地？　定係Ｄ動物隔住欄杆睇我呢～











哎呀～　行到好攰～　Mommy抱我坐住欄杆先喇～





我地又黎過呢個噴水池喇～　
ＹＥＡＨ～　行快Ｄ先～　（
Daddy: 「Yuki 你使唔使行咁大步呀～」）







Mommy～　我好口渴喇～　有冇野飲呀？

咦～　係汁汁喎～　Mommy乜唔係玻璃樽既咩～　

Mommy:　「Yuki你大個女喇～
要學識飲紙包裝架喇～」

紙包裝～　無問題喇Mommy～　咁樣飲又幾好飲架喎～

上新Playgroup

我已經有兩個月無上過playgroup啦~

今日Mommy幫我揀左一間新既playgroup試堂~ 呢間係港島區，但係因為九點上堂，所以我地要好早就起身出門口喇~

上到去有半個鐘既play time，所以我好快就周圍行搵野玩，無乜怕生保～



我地一班都有十幾個同學仔架～


活動包括：唱歌／跳舞／做勞作／聽故事／小食時間～








你地睇下～　有jelly玩架～　我玩左一陣仲食左Ｄ試味添呀～　係檸檬味黎架～









跟住另一個勞作係Mommy同我做利是封～　我同Mommy畫緊黑蚊蚊呢個你地估係咩呢? 　我地油緊個「福」字落個利是封度呀～







Mommy同Daddy見我都幾鍾意呢度既環境～　所以我跟住落黎應該都會每個禮拜繼續返呢個playgroup喇～

Mommy 生日快樂～

今日Daddy Mommy拎左半日假～　點解？因為今日係Mommy生日呀～

本來佢地諗住帶我下奏去濕地公園架～　不過今日天氣唔係咁好，所以Mommy同Daddy都係決定傍晚先帶埋我出去食飯～



出去食飯之前，我地係麻麻屋企同Mommy切蛋糕～









我仲送左個ＢＩＧ　ＫＩＳＳ俾Mommy添呀～









跟住我地就上左山頂食晚飯～　開頭上到去得好少人咋～
今晚太大霧喇～　乜野夜景都睇唔到添～



食飯果陣有個哥哥成日撩我玩～又請我食珍寶珠～

最尾佢仲送左個雪糕俾我食添呀～　謝謝哥哥～












仲有要唔該爺爺又幫我地影左幅全家福喇～

Mommy，祝你生日快樂！

香港動植物公園~

我尋日去馬灣玩得好開心呀，唔知daddy mommy會唔會帶我去多Ｄ郊遊呢？

噢！今日無得去郊遊呀，因為我訓左晏覺，成３點鐘先出街。不過我地去左個公園，呢個公園係中環架，仲要係daddy mommy細個果陣都去過，佢地仲話好似無乜點變咁喎！呢度就係香港動植物公園啦～

你地睇下我睇bird bird時幾留心：

我個pose得唔得呀？比Ｄ意見好播~

雖然唔係去郊遊，但我都玩得好開心呀～

馬灣公園

今日終於都可以去到馬灣公園喇～

Daddy Mommy帶埋我架士的車去～但係個公園好多樓梯架～所以佢地成日要搬起架車黎行樓梯～

我就當然係行我最鍾意既樓梯喇～













行到上公園最高果度Daddy已經出哂汗喇～　我咁乖女，梗係幫Daddy抹汗喇～








Daddy話呢度都有幾多可以影相既佈景架～　我
就係呢Ｄ野中間玩得好開心啦～





















噓～　我都玩到好口渴啦～　等我飲下水水先～

臨走居然仲見到有個吹氣玩具玩添～　果個姐姐好好人，見我咁細個俾我上去跳跳～



呢個係今日最好玩既節目呀～