開心校園～

宜家小朋友返學既活動越黎越多元化～

睇下呢班小朋友今日又圍係度睇乜野呢？

又係用個煲，唔通又打邊爐？

唔係喇～ 今次個煲入面得好少野，一粒一粒既。。。

宜家爆開哂知道喇，係睇爆谷呀！

 

最近係學校影既團體相都睇得出大部份小朋友已經非常活躍喇～ 你地睇下呢幾幅相佢地一齊睇住老師教佢地做動作，玩得幾開心！

「肥」 漢堡包

近來香港多左幾間以賣較高級漢堡包為主既餐廳～

今日我地就黎到灣仔既一間美式既漢堡包餐廳，叫做「肥」漢堡包ーーFatBurger

我地叫左一個原味套餐，另一個烤雞肉三文治（其實一樣都係用果Ｄ包）

味道確係幾好味，漢堡包既牛肉好厚，幾Juicy架～ 另一個烤雞肉更加估唔到烤雞可以咁多肉汁～ 不過因為有落左黑椒，所以Yuki唔係食好多咋～ 反而對個漢堡就食完一啖又一啖～

唯一係覺得個飽比較細，以個價錢黎計，唔算得好抵食者～

好，下次一於要試下另外兩大陣營：Triple O's 同 Freshness Burger～

蛋糕~

上次係 Cherry 姨姨屋企一齊整曲奇之後，Mommy 就決定係屋企添置一個小焗爐。

今日，Mommy 就用個買左唔係好耐既小焗爐焗左個蛋糕。

就係呢個啦，點解無左一忽？我同 Daddy Mommy 一齊食左囉，哈哈！

 

 

呢個叫做戚風蛋糕，又名雪芳蛋糕，好好味呢！

其實我唔只幫手食，仲有幫 Mommy 手篩麵粉架，等我大個女，一定要叫 Mommy 教我整。

下次我要整曲奇呀，Mommy！

食食食~

病左差不多一星期，yuki 差不多已經康復，聽說今日一整天在不停地食食食。。。

食物包括：

• 奶奶（早，午，晚各一支）
  
• 蛋糕（朝早有食，下午茶又食）
  
• 烚雞蛋
  
• 雪糕
  
• 午餐的麵麵（內有蟹柳，丸丸，腸腸。。。）
  
• 晚餐的通粉（當然有好多餸的）
  
• 木瓜湯
  
• 魚，雞，菜，（Mommy 吃晚飯時跟著吃）
  
• 水果包括士多啤梨，提子，橙
  

看來因入院而消瘦了的兩磅肉，應該好快可以追返！

回家了~

多謝各方好友的關心，我今日終於可以出院返屋企啦～

個口口唔再痛啦，全因尋晚 Mommy 請我食雪糕，之後我發現食野唔再痛，就肯食返野，所以醫生今日批淮我出院啦！

雪再打敗仗

經過四五日既拉鋸，Yuki都係要入院了～

由上個星期四開始喉嚨痛，到食唔到飯淨係飲奶同水，跟住痛到連飲奶都驚痛，連臨瞓同瞓醒必飲既奶奶都唔肯飲～

去睇過醫生，見到佢喉嚨生左好多飛滋～ 醫生話係有病毒～ 不過又唔係手足口，因為手腳都無病徵。

Daddy Mommy都第一次聽Yuki成日咁講左：「好痛呀，好痛呀～」睇睇下電視會講，玩玩下玩具會講～

跟住既兩日連藥都唔肯食，要不斷角力黎餵藥～ Yuki大叫：「唔要呀！唔要呀！」 好心痛呀～

但係間中Yuki又肯飲一百幾十ml奶或葡萄糖水，Daddy Mommy諗住好喇，開始肯飲野啦，但係幾個鐘後叫Yuki再飲又唔制喎～

所以今日都係決定要帶Yuki入院喇，起碼吊住鹽水有水份補充嘛～

宜家希望Yuki個喉嚨仔快Ｄ好番啦～ 可以飲到奶同食到野喇～

海洋公園遇財神~

趁今日海洋公園仲有農曆新年既團拜主題，就算晏左D成兩三點都入去行一行啦～

一入門口就見到財神派利是喇～

雖然唔係車公廟，原來呢度都有得打鼓架！ 我打得好認真架，你地睇我個樣？

今日時間得咁少，所以最緊要坐下Yuki至愛既纜車喇～ 我今日興奮到呢……

由駛入停車場離遠見到已經開始大叫：「纜車呀！ 纜車呀！」

跟住入到場，一入門口咪有個位會見到D纜車係頭頂經過既？ 呢個時候唔至大叫，仲加埋跳跳下咁叫「纜車呀」！

今次到同Daddy一齊影下吉祥物既相相先～

呢個係上次同Arthur仔一齊玩過既機動遊戲，今次自己一個玩都駕輕就熟，好開心呀～

最後當然唔少得要去搵下馬馬仔啦～ 今次Daddy上埋黎同我同Mommy一齊玩呀！

食食食（後記）～

出院時，yuki 的體重是29 lbs，經過個多星期的努力食食食，體重已經回復31 lbs 了。

新春團拜~

二月一日星期天，約左一班朋友仔嚟個團拜～ 我地先去飲茶，再去探下出世無耐既傅小Ｂ，然後去李府既兒童天地玩下，學吓整曲奇，最後出街食埋個晚飯先返屋企。行程緊湊，節目豐富。


雖然係玩具車，但都唔可以超載架，所以係無大人肯入錢既，哈哈～



















手拖手同排排坐，好可愛！

 


豆媽帶左啲曲奇送比大家，我地梗係即刻拎黎食啦！
無錯啦，就係豆媽教整曲奇啦！






製成品，靚唔靚呀？