冰之驕女－第六十二課

今朝真係幣傢伙，鬧鐘嚮完禁停左之後瞓過龍呀～

所以有無發覺今日既Yuki有乜唔同呢？ 下面呢幅相應該好易估得出喇～

咪就係趕到連紮頭髮既時間都無囉～ 轉起身黎幾飄逸～

上上下堂見到Hei Tung老師左搵右搵，搵咪呢？ 原來Yuki小朋友流鼻水要tissue呀～

今堂因為琳琳請左假，得返Yuki一個上堂咋～

Yuki做乜咁開心呢？ 因為Hei Tung老師扮Yuki轉圈時將隻手放後面扮尾呀～

五歲生日@三號風球

等左咁耐既五歲生日終於都到～ 但係居然撞著有颱風呀～ 尋晚諗好如果今日朝早無落雨既話就照樣去海洋公園～

今朝起身，依然係三號風球，但係無落雨喎～ 一於向海洋公園出發～

入到去天氣唔錯丫，仲有Ｄ陽光添～

原來今年既夏水禮已經開始左喇～ 不過今年無左大樹灣果個玩水位呀～

熱帶雨林開左啦～ 呢隻龜大到咁樣，大家估有幾多歲呢？

點解熱帶激流Ｄ橡皮艇停哂係度呢？ 唉～ 咪就係因為個颱風囉～ 係三號風球之下，原來所有機動遊戲都暫停開放呀～

我地仲一心諗住去玩下新既熱帶激流～ 但係原來除左天氣既關係，Yuki都係暫時唔可以玩呢個遊戲住架～ 因為佢既身高要求既120cm～ 睇黎Yuki要等多一年先玩得呀～

 

既然最想玩既都無得玩～ 又無其他機動遊戲，所以我地留多一陣就走左～

離開海洋公園，咁做乜好呢？ 用一早諗好既後備計劃喇～ 就係睇功夫熊貓２喇～ 今次Yuki睇得好叻呀，全程無喊睇到尾～

傍晚我地向晚餐既地方出發，先坐係街口等Mommy拎個生日蛋糕先～

今晚食乜呢？ 就係食Yuki最喜愛的日式燒肉－「伊呂波」喇～

食完燒肉，仲有Mommy為Yuki準備好既Zoe蛋糕～ Happy birthday, Yuki~

Yuki！ Daddy Mommy祝你五歲生日快樂～ 希望你一路都咁開心地、健康地成長～ Daddy Mommy睇住你一年一年咁長大，越黎越懂事同聽話，真係好開心架～

冰之驕女－第六十一課

呢堂又得返兩個靚靚小妹妹上堂勒～

琳琳仲著條長裙添呀，佢話轉起上黎靚Ｄ喎～

真係飛得起架～

Yuki呢？飛唔起？ 等Hei Tung老師幫你飛喇～

今堂遲到呀，可能因為尋晚開生日會開心得滯又夜瞓，今朝叫極都唔起身～ 不過咁，去到上堂都無瞌眼瞓～

 

下堂唔好再遲到喇～

五歲生日派對@home

仲有六日先係Yuki既生日，不過同上年一樣，我地提早幾日幫Yuki搞個生日會先～

Yuki為左準備自己既生日會，成個星期前已經進入心情興奮狀態～ 成日都諗住果日要點佈置、點玩～

睇下一個星期前Yuki為準備抽獎既箱入禮物～

尋晚Daddy同Yuki一齊去左銅鑼灣買左一大堆佈置用品～ 我地仲佈置左成晚～

Hello Kitty~ Princesses~ Pink color~  全部都係Yuki既favorite~

Yuki自己揀既Birthday Girl氣球～

朋友仔分別黎到喇～ Girls corner~

舊年受歡迎既小朋友自助壽司bar 今年再續～

 

今年Mommy幫Yuki訂既貝兒公主生日蛋糕又靚又好味呀～

同是鍾意公主既好朋友, Megan～

All girls group photo~

估唔到五歲喇，都仲係咁難一齊正正經經影幅合照喎～

咁同Daddy Mommy影喇～

小朋友一齊唱生日歌俾Yuki聽啦～ Yuki好專心咁欣賞緊添～

Happy birthday to you, happy birthday to you, happy birthday to Yuki, happy birthday to you!

Make a wish!

吹過爉蠋，切過蛋糕，好快又大一歲喇～

最後，梗係要拎Yuki一早預備好既公主抽獎箱進行整個party既最後高潮喇～

幸運兒由Mega抽中大獎既繩～ 大家盡情地執呀、執呀～

多謝哂呀咁多位～ 豆豆、Megan、Bernice、Ivan、Evan、Arthur

冰之驕女－第六十課

今日個溜冰場煙霧瀰漫呀～

講返轉圈動作喇～ 經過兩個禮拜都可以轉得到，Daddy深信Yuki已經掌握到轉圈既秘訣～

希望再落去可以兩個圈，三個圈愈黎愈多喇～

記唔記得上一堂Hei Tung老師為幾位小朋友整左Ｄ乜野呀？ 今堂有下集呀～ 冰上生左串魚蛋呀～

充氣遊戲嘉年華

今日上完溜冰堂又有另一節目～ 仲要去好遠添喎～ 係！咪就係亞洲博覽館既充氣遊戲嘉年華囉～

入場買飛既位置完全睇唔到入面～ 門券有分＄１４８任玩（包＄３０入場費）或者＄２０一個遊戲另加入場費～ 一心諗住玩六個遊戲就打個和喇～ 一於＄１４８～ 點知入到場見到Ｄ人就幣加伙～

每個遊戲既人龍都好長～ 有Ｄ起碼要排個幾鐘呀～

唔緊要喇～ 一場入到黎，玩得幾多就幾多喇～

第一個麥當奴遊戲已經好開心興奮喇～

 

第二個刀嘜充氣遊戲呢～

玩到扒低都笑得咁開心～ 唔使講咁多喇～

另外玩左兩個但係影唔到～

最後呢個Tempo就犀利啦～ Daddy由15:27排到17:40終於玩到～

排到最後果幾個字，Yuki玩其他果Ｄ咁上下，所以黎同Daddy一齊排～ 仲表演一下跳舞俾Daddy睇添～

排隊其間Kelvin叔叔同Ellen姨姨佢地排長城果邊本來都可以玩，不過Yuki自動放棄唔玩果個～

最後呢個Tempo都算大，Yuki繼續超級high～

下面呢兩張係Yuki由ＢＢ到宜家都仲保留住既招牌開心笑容－Mak大口～

（追加：睇睇歲半果陣玩充氣遊戲個樣比較下～ 右邊馬灣公園相集有更多）

From 20080105MaWanPark

最後同果汁先生公仔影完相就say Bye Bye～

奉勸其他想去玩既朋友，如果可以就weekday去，迫不得已要weekend就考慮唔一定要買＄１４８喇，因為未必夠時間玩咁多～