100分

呢一篇blog就好似以前Yuki細個嘅時候咁，幫佢記低第一次轉身、第一次自己行、第一次除襪一樣～

進入咗小一階段，開始有默書，評分亦都由以往嘅Ａ／Ｂ／Ｃ，變成分數～

Daddy Mommy深明亦贊成求學不是求分數～

所以呢篇只為記錄低Yuki成長階段裏嘅其中一個第一次～

剛剛派發嘅第二次英文默書，Yuki一個字都無錯喎！ Good!

「魔力都會」啟動喇

今日Yuki出席咗Daddy公司嘅活動～

呢個活動係魔力都會奇妙啟動禮‧Snoopy歡樂派對～

後面呢幅牆係專門俾明星接受訪問時用～ Yuki暫時做住俾Daddy訪問嘅明星先喇～

咁真正嘅明星呢？ 嗱～ 台上就有喇～ 今日嘅司儀有電台DJ，另外明星嘉賓有靚仔爸爸黃浩然同港姐媽咪楊婉儀！

經過魔術師同大家表演幾項魔術之後，啟動儀式正式開始～ 全體嘉賓影返張大合照～

Daddy同Yuki都趁機上台一齊影張相先喇～ 見唔見到我哋喺邊呀？

啟動儀式後，大會準備咗好豐富嘅遊戲項目俾已入會家庭嘅小朋友～

先嚟變變變魔術學堂～ Yuki最鍾意變魔術㗎喇！

學完魔術過隔離玩電視遊戲跑跑跳跳～ Yuki正準備擲鐵餅！ 不過唔玩慣電視遊戲嘅，成績就麻麻地喇～

今日會場有好多影相位㗎！

下面呢隻超大兼開心到耳仔都飛起嘅Snoopy公仔，據聞好罕有㗎～ 另一隻好似喺日本環球片場門口～

另外台上有好多Snoopy and friends喇～

咁真嘅Snoopy去咗邊呢？ 原來佢今日都有嚟到會場呀！

Hello Snoopy!

仲要唔止Snoopy嚟咗喎，仲有佢嘅好朋友～ Lucy喇！

有Lucy梗係唔少得Charlie Brown添喇～

唔該哂Becky姐姐幫我哋，先影到呢幅一家三口合照咋～

後記：我哋離開活動會場後，將近返到屋企～ Yuki問：「下次幾時再會有Snoopy出現嘅活動呀？我好想參加呀！」

私家溜冰鞋真登場

Yuki嘅私家溜冰鞋終於都正式登場落'冰'喇～ 乜唔係上兩個星期就新鞋落冰咩？

話說溜冰鞋原來好似刀咁樣要開鋒㗎！

所以上兩個星期其實袛係試size～ 試啱咗Hei Tung老師先幫Yuki拎去俾人開鋒～

等咗兩個星期，今日終於都有得著喇～

平時試得自己著鞋同綁鞋帶嘅Yuki，對於著溜冰鞋都係要Mommy幫忙！ 唔知幾時會可以自己著呢？

著好哂～ 加埋個粉紅色鞋套～

其實今日除咗新鞋之外，仲有新嘢㗎！

就係全身嘅運動外套嘞！ 睇落好似教溜冰嘅Miss咁～

著咗新溜冰鞋，滑起上嚟好似曉飛咁添～

小小教練衝埋嚟扮矮仔嘅連環拍～

Yuki今日應承咗Daddy Mommy會乖乖好好咁教溜冰㗎喇！

咪係囉！ 睇呢幅相，幾大個女！

喜怒哀樂<2012版>

相信大家可能未必記得Yuki曾經喺個blog度出現過喜怒樂篇哩！ 大家先黎溫下書先～

<2009版>

事隔三年，今晚喺丼丼屋等緊食飯時Yuki喺度扮嬲喎！

當然唔錯過呢個機會，即刻叫Yuki為大家帶嚟２０１２版嘅喜怒哀樂！

全日早餐@赤柱

宜家好興食All-day breakfast~ 好多地方嘅西餐廳都有提供～

今日我哋趁Yuki剛剛跳舞堂同音樂班不約而同都要暫停一個禮拜。。。 諗起今年原來夏天都過哂但係我哋都未去過海灘喎！

不過。。。游水就唔好喇～ 去赤柱行下喇～ 橫掂赤柱廣場裝修過之後我哋都未去過～

估唔到夏天過咗，但係依然咁多車去赤柱～ 我哋揸咗幾個圈都搵唔到位，唯有泊入去赤柱廣場喇～ 宜家要成$35蚊一個鐘呀！

今朝食早餐食得遲，所以午餐都食個late lunch喇～ 喺地面層好幾間開揚又舒適嘅cafe～

我哋去咗<Classified> cafe～

好舒服嘅環境～ 大門口外有幾枱外籍家庭，小朋友喺外面空地玩，Daddy Mommy坐喺門口嘆咖啡～

好似去咗外國咁～ 左邊外國人、右邊外國人、前面印度人、對角日本人～

睇落好好味嘅鬆餅呀～

Like us? 呢張係叫大家上網俾意見間餐廳～ 自從facebook嘅出現，"Like" 呢個字大家用得好多！

西餐cafe大部份都好照顧小朋友～ Kid’s menu兩邊都有得填顏色～

玩得又環保！

 

Cappuccino for Daddy and Mommy!

All-day breakfast到着～ 有香腸、炒蛋、煙肉、蕃茄、麵包～

Yuki叫嘅兒童餐係Homemade Chicken Nuggets~

食飽Yuki就可以去外面呢個扮船遊樂場玩～

今日Yuki玩得好開心呀！ 返咗小學成個幾月好似第一次出黎玩咋～

跟住我哋沿住海濱漫步行下，又影下相咁～

今日Yuki嘅笑容真係零舍靚～

我哋自己影影下，又試下用部iPhone影自拍喇～

跟住有個外國遊客居然主動要幫我哋一家三口影合照～ 真係唔該哂佢呀！

玩到臨近黃昏日落，好多人坐喺海邊～ 最後送上呢兩母女嘅互搣面珠連環照！ 哈哈！

私家溜冰鞋

Yuki學咗溜冰咁耐，終於都要進入另一階段喇～

Hei Tung老師話過兩三個月應該可以考試～ 所以係時候添置一對私家溜冰鞋喇～

唔買都唔知原來溜冰鞋都好貴下㗎～ （Daddy Mommy咁大個人都未買過咁貴嘅鞋）

今日Hei Tung老師拎咗對新鞋嚟睇下～ 難怪咁貴喇～ 原來對鞋係意大利製造～

另外冰刀就英國製造～

有白色同黑色揀～ Yuki選擇咗白色～

食緊糖嘅Yuki都笑不攏咀呀～

Hei Tung老師教路，一般小朋友因為對腳相對大得快～ 所以會稍為買大一至二號，咁樣點可以令到初初著嘅時候唔會太鬆呢？ 答案就係著兩對厚啲嘅襪嘞！

Hei Tung老師好細心咁幫Yuki試著～ 唔該Hei Tung老師！

搞掂！ 全新嘅溜冰鞋，快啲影多幾張相先～ 因為一經Yuki著過，相信好快好快就會變成古著㗎喇～

Yuki! 請你記住應承咗Daddy Mommy有私家溜冰鞋會更加努力練習溜冰喇～

希望嚟緊嘅考試會有好好表現喇！