冰之驕女－第十三課

Mommy今次專登同Yuki早少少入場，咁可以同Yuki一齊練習下～ 希望唔使每次淨係上堂果半個鐘先有得練喇～

Daddy～ 我地係呢邊呀～

原來Mommy溜冰都好叻架～ 起碼一次都無跌過喎～ 我都要努力Ｄ先～

開始上堂～ 先黎練習返交叉腳先～

全日最痛一刻～ 跌完之後眼濕濕，Hei Tung老師氹左好耐我都無乜反應～ 大家睇video就會見到邊下跌到咁架喇～

唔緊要～ 學得溜冰就預左要跌～ 起身再努力過～ 今日學左新招式，好開心呀～ 終於可以轉身喇～

大家覺唔覺今日Yuki既衣著有乜特別呢？

就係件外套囉～ 今日唔肯拉埋拉鏈，搞到成日跌膊～

Daddy! 父親節快樂～

今日係父親節～ 我要祝Daddy父親節快樂～

我地屋企樓下有棵許願樹～ 可以俾小朋友寫Ｄ野或者畫Ｄ野送俾Daddy架～

Yuki既作品係填左一部紫色既相機俾Daddy呀～

 

趁今日呢個咁炎熱既父親節～ 等我陪Daddy去海灘游下水，玩下沙喇～ (?) 定係Daddy陪Yuki至真呢?

我地成四點幾先入去～ 所以已經唔係太曬，可以盡情咁係沙灘上面玩沙呀～

睇吓～ Mommy仲幫我掘左個水氹出黎呀～ 等我用水桶裝滿佢先～

咦～ 點解明明頭先倒左一桶既水～ 再裝一桶上黎既時候Ｄ水又無哂既? 唔通有人偷左我地既水?

玩左個幾鐘～ 係時候收拾行裝出去同爺爺食飯慶祝父親節喇～

冰之驕女－第十二課

今堂繼續練習幾個動作: 繞圈加交叉腳(左疊右,右疊左)、碎步向前然後剎停、丁字腳向前～

因為Daddy早兩日扭親腳～ 所以今日淨係帶左部相機仔，淨係影左幾幅相咋～

唔知點解左疊右好似難好多咁囉～ 我成日一舉起隻左腳都交叉唔到過去隻右腳就踩埋出去～

希望下個星期可以早Ｄ去練習下先上堂喇～

廢物利用～新款靚帽～

今日由Yuki為大家展示呢個廢物利用既帽～

咁樣立正咁企，好似軍人操兵咁播～

大家睇唔睇得出頂帽原本係咩黎既呢?

呢幅睇得清楚好多喇～ 估到未呀?  Yuki真係好認真咁做個好model架～

哎呀～ 頂帽大得滯，跌左落黎變成咁添～ 哈哈～

見到個招牌嘛?  係喇～ 就係珍珍薯片新出既V-cut桶裝薯片喇～

端午節－迪士尼

一早約定朋友仔今日入去迪士尼慶祝端午節～

踏入夏季～ 又有史迪仔同一眾朋友黎同大家係美國小鎮大街同大家玩喇～

仲有幾分鐘就開始喇～ 大家排排坐係路邊等史迪仔佢地出黎先～

黎喇～黎喇～

Ｄ哥哥姐姐跳左一陣舞就叫我地一齊出去跳同一齊玩呀～

另一個新既史迪仔同史迪女影相點～ 係用花砌出黎架～

今日終於睇左咁耐以黎都未睇過既獅子王表演～ 原來好好睇架～ 不過中間有個壞人我唔係咁鍾意呀～

唐老鴨同幾個哥哥姐姐係度整Ｄ好大個既bubble呀～ 真係好大個架～

Ｄ波波仲大過我地個頭呀～

 

今日另一新嘗試－－就係自己一個坐木馬喇～ 呢幅係轉緊既時候Daddy幫我影架～

巴斯光年出黎喇～ 我要同佢影相呀～ 正當Daddy準備交架相機俾個哥哥幫我地影相之際，原來yuki話要淨係自己同巴斯光年影咋～

做乜又成班一齊坐係地下呢？大家等緊巡遊開始囉～

雖然今日唔係好曬，但係可能無乜風，濕度又高～ 所以都係好熱呀～

今次既巡遊都係夏天獨有架～ 係會濕身架～ 全部車都會噴水出黎架～

呢隻咖啡杯有乜野Yuki最鍾意既元素呢? 係喇～係喇～ 咪就係粉紅色既杯囉～

嘩～ 有個沙堆砌出黎既史迪仔& Friends呀～ 如果落大雨會唔會沖散呢？ 嘻嘻～

仲有～仲有～ 仲有一個第一次玩既遊戲－－小飛象～

2010下水禮

最高氣溫超過三十度既今日，我地進行今年既下水禮喇～

事隔一年～ 一開始都唔係好敢跳入水呀～ 要Daddy捉實隻手先敢跳～ 不過跳多幾次就開始記得同放膽喇～

仲要愈跳愈開心添播～ 睇下！見牙唔見眼架～

Daddy今日仲教我踼腳～ 真係可以向前游下游下架喎～

Arthur追緊黎喇～ 要游快Ｄ先～

冰之驕女－第十一課

今日開始得返我同浩浩兩個一齊上堂～

宜家開始我地要多Ｄ練習行圈加交叉腳～ 不過我成日都係一路行就提唔起隻腳去做交叉動作～

Hei Tung老師～你唔好叉哂腰咁啦～ 我好努力咁試緊架喇～

漸漸地～宜家平衡得好左～ 對腳可以撐開Ｄ～ 不過我都係好八卦～ 成日望隔離係度教轉圈～

 

加油加油～ 努力Ｄ聽Hei Tung老師教～ 第日我都要可以跳起身轉圈先～

人有泥膠iphone～我有泥膠Anpanman～

Yuki從尋日已經開始對Daddy Mommy嚷著要玩泥膠～

諗返下又好似真係好耐無同Yuki係屋企開過箱泥膠出黎玩下喇～

好！Daddy就信守承諾～ 今日同Yuki玩下好喇～

除左開出黎玩例牌果Ｄ唧雪糕呀～ 唧麵麵呀～ 今日Daddy同Yuki玩Ｄ新野先～

要等Yuki知道玩泥膠唔係淨係玩黎玩去都跟住個盒教果幾樣架嘛～

今次我地就創作幾個Yuki既好朋友喇～

經過幾個字既一同努力～ 完成～

從左至右：Anpanman，Baikinman，Dokin

冰之驕女－第十課

到左第二階段最後一堂～ 從上堂開始Yuki已經開始習慣上堂前出去行下練習下～

咦～ 又有Ｄ笑容喇～ 仲係好含蓄既笑咋～

 

Yuki呢幅相好似跪係地下認錯咁樣既？ 唔同佢做錯野？ （唔係～ 其實係跌低左者～）

今堂我新野幫老師做呀～ 老師俾左支筆我地係地下幫佢劃交叉～ 要沿住個大圓圈每隔幾步劃一個，劃左好多個呀～

 

咁Ｄ交叉用黎做乜野既呢？就係一路溜，每到交叉果度就要交叉腳喇～

好快又上完一堂～ 難得又俾Daddy影到一幅上堂帶笑容既相喇～

 

 

Megabox今個星期因為吉之島正式開業～所以停車場無哂位～好多人呀～ 各位可以考慮泊去對面既企業廣場三期，都有Megabox既泊車優惠架～