今次真係自己坐～

之前聖誕節既時候Post左張坐既相。　不過上次係有Daddy扶住。

今次唔使啦，係名符其實咁Yuki自己坐架！

咁跟住係出牙仔先？　定識爬先呢？

六個月大喇~

話咁快又一個月啦~ Yuki而家已經6個月啦~
我地幫Yuki做左手模同腳模,幫佢慶祝下6個月生日呢個大日子,仲將整既過程拍下~


Yuki, Happy 6-month Birthday~

食糊仔~

有人話4個月大已經可以食糊仔, 但健康院既姑娘就話6個月先好食~

不過 yuki 5個幾月大已經食糊仔啦, 你地睇下佢食成點:

爺爺生日快樂!

一月除左係媽咪既生日之外，仲有爺爺既生日呀～

今晚我地就一齊出街食飯同爺爺慶祝生日。

爺爺成日都氹我開心，引我笑架，所以我同佢好FRIEND架。

你睇我搭哂爺爺膊頭影相就知啦！



爺爺生日快樂！福如東海！身體健康！

盪鞦韆

Mommy 返黎喇～

Mommy，你同Daddy慶祝完返黎喇～　我等你返黎同你一齊切蛋糕呀！


Happy Birthday, Mommy!

Re: Happy Birthday Mommy!

Yuki,

呢個係mommy最開心既生日, 因為有你送左一D用錢都買唔到既禮物俾我~

I love you, Sweetheart~

From Mommy

Happy Birthday Mommy!

今日係我Mommy生日既大日子呀!

Mommy, 生日快樂!

Happy Birthday to you! Happy Birthday to you! Happy Birthday dear … Mommy! Happy Birthday to you!!!

（Daddy話出年教我自己唱俾你聽架喇～）

我太細個，唔知可以送咩俾你～　Daddy話你鍾意我呢張相好得意，咁我用自己黎做張「得意」生日咭俾你啦～



仲有呢～　我會乖乖食奶奶，洗頭仔唔扭計，同你玩到卡卡笑，氹氹Mommy開心，快高長大，做個乖乖又聽話既女女。

Yuki加埋Daddy一齊錫哂Mommy！

Happy Birthday!

女女　
Yuki (林飯飯)　敬上

小寒

個週末少有地我地無乜同 Yuki 去街添～ 因為 Yuki 食左輪狀病毒口服劑，兩日都好似好眼瞓。 我地見佢瞓得咁淋，又點捨得叫醒佢去街街喎。 都好既，始終呢個週末又正好係「小寒」， 都係唔好周圍去～

襯呢兩日咁凍，Yuki 終於可以著下套「跳跳虎」衫啦。 Yuki，你好得意呀!!











我地仲著住「跳跳虎」衫，第一次o係婆婆屋企影相添。

















雖然Yuki攰攰地，我地都瞓埋落地同Yuki一齊玩，Yuki你睇下Daddy Mommy傻唔傻呀?　哈哈!!