食奶咀~

yuki成日扭計, 所以daddy同mommy用個奶咀塞住佢個咀, 等佢唔使成日喊!

大解放~

滿月之後，急不及待咁幫Yuki剪手指甲。戴足成個月手套仔，今日對手仔終於可以見天日啦。

睇下剪得靚唔靚先？

滿月喇~

眨下眼，Yuki出世差不多成個月啦。 今晚就同Ｄ屋企人一齊食餐晚飯咁啦。
Yuki瞓左大半場，不過後尾都起身食左奶，跟住醒左同大家打過招呼咁啦～　


今日仲俾神秘表哥抱抱添呀。點解叫神秘表哥？因為佢唔肯上鏡囉。

Yuki's photo

終於甩左啦~

今日（第廿二日）Yuki既臍帶終於甩左啦。佢甩臍帶既時間相對耐左Ｄ，搞到Daddy曾經有Ｄ擔心會唔會洗臍帶洗得唔好～

宜家放心哂啦～

媽咪幫我洗白白

Daddy下星期一要返工啦, 唔可以幫我洗白白啦, 今日輪到Mommy第一次幫我沖涼, 有Daddy既教導, Mommy幫我沖得都好舒服! 咁Daddy返工之後, 就係Mommy幫我洗白白啦!

喊

呢幾日我成日都喊, 諗住搵人抱抱, 點知daddy同mommy咁犀利, 抱左一兩次之後已經唔啋我, 尤得我喊到自己收聲!

3.4 kg

今日同yuki去健康院見醫生, 醫生幫佢做左例行檢查話一切正常, yuki而家有3.4kg, 醫生話佢重得好好!
呢個星期主要都係餵人奶, yuki成日食食下就瞓左, 達唔到姑娘話要食30分鐘既要求, 最多都係食到廿幾分鐘, 攪到媽咪都有D擔心佢食唔飽, 咁yuki一星期重左0.15kg, 即係話佢食得夠飽, 所以媽咪都好開心!

熟睡中~

不經不覺Yuki已經出左世14日啦。
返左屋企都成個禮拜有多～　呢個禮拜佢主要既活動都係食奶，換片，瞓覺，沖涼。


你睇呢張相佢瞓得幾'林'~

First Visit (8/8)

同Yuki第一次去健康院。 呢個健康院雖然好近我地，兼且成日經過，但係一次都未入過去。
尋日去到磅左重，見左姑娘，Yuki好乖咁一路瞓，無扭計。

今次好舒服啦

DADDY有進步啦。你地睇我今日沖涼個樣幾舒服～

洗白白

今日第一次幫Yuki洗白白。雖然睇左VCD，但係都係有點雞手鴨腳。Yuki, Daddy會愈黎愈熟手，希望你唔好因為Daddy今日搞到你唔鍾意洗白白啦。


Posted by Daddy

Yuki 出院啦~

今日中午同媽咪一齊出院番屋企啦。








臨走食番支奶先～







番到屋企啦～　張床好舒服呀～

乖乖地瞓番覺先～

好味道~ (7/31)

今日DADDY放左工過黎同MOMMY一齊餵我食奶奶~~