BBQ + 親親青草地~

一早約好朋友仔今日一齊BBQ，天公造美，非常好天，只係對於 BBQ 來說，太熱了～

難得非常齊人的一個約會，總共有１２個小朋友，陣容鼎盛。呢度只係一部分咋！

小朋友當然唔會燒雞翼，除左單車，佢地一見到 bubbles 又癲晒。經過多次努力，Yuki 終於自己吹到啦！Yeah！

之後，我地出發去青草地玩，都要成十分鐘路程架，不過 Yuki 好嘆，有 Daddy 推佢，又有汁汁飲！

到達草地，果然好靚，大家都好開心咁四圍走下玩下！

最後梗係要幫小朋友影返張大合照，不過要佢地乖乖俾你地影相，好有難度呢！呢兩張算好好架啦！

噢！仲要多謝招呼我地咁多人既青Ｂ一家同埋亞勁！

好耐無見喇~ Anpanman~

今朝慣常地係高佬叔叔度食完早餐，Daddy話帶我去個「新地方」喎～

好呀！ 我地好耐無去過Ｄ新既地方喇！ 成日都係太古城、吉之島～

到喇，到喇～

咦～ 咦～ 咦～ 佢咪我既好朋友：ANPANMAN ！

好耐無見喇～ 自從上次係日本見過Ｄ咁大個既ANPANMAN機動遊戲，返黎香港之後都未見過呀！

影多幅合照先喇～

除左ANPANMAN，仲有我另一樣最鍾意既機動遊戲：騎馬馬！

 

仲有一架小火車添呀！

趁未開車～ 等我同小火車影番幅相先！ Mommy話我呢幅相擺哂甫士，嘻嘻～

「我黎喇～」

下次再見喇～ ANPANMAN～

Life @ school

不經不覺我已經返左學一個多月喇～

除左返學既頭三日Mommy同Daddy可以陪我上堂之外，呢個月以黎既上課情形就多得我地班裏面既三位老師，久不久會將我們上課的情形放上FACEBOOK，可以等我地既父母分享到我地上課既點滴～

＊ 九月份生日會 ＊

＊ 食茶點 ＊   咦？ 我隻杯呢？ 

＊ Water Play ＊ 嘻嘻！ 我對鏡頭幾敏感！

＊ 十月份生日會 ＊

＊ 小蜜蜂組 ＊ 我地一班有三組架：小蜜蜂，小青蛙，小白兔

私家桿

今日傍晚Daddy見咁耐無帶過我去driving range，所以就帶埋我去左隔離個練習場～

上次Daddy帶我去既時候我都試過用Daddy既球桿玩下～ 不過因為對我一個兩歲既小朋友實在係太重喇～

所以。。。所以。。。今次我帶左私家球桿去打呀！

我呢種swing既方法係咪好特別呢？ 嘻嘻！

乖乖剪頭髮～

今日本來淨係諗住Daddy剪頭髮。 去頭Man哥哥度，Daddy剪到咁上下，一路問Yuki剪唔剪下頭髮呀？ 佢都係唔肯！

跟住Mommy出法寶，拎左包利賓納糖出黎～ 話如果剪左頭髮就可以食糖糖！

Yuki居然應承喎！ 嘻嘻～

跟住就肯好似細個果陣咁坐定定咁俾Man哥哥剪勒～ （你地睇下Yuki拎住乜野？）

睇唔清楚？ Yuki！整幅清楚Ｄ俾大家睇下你拎住乜野？

剪完喇！ Yuki滿唔滿意？ 睇下佢照鏡個樣大家咪知囉！

Ocean Park Again~

重陽節假期，約了朋友仔一起到海洋公園。幸好天公造美，不單沒有下雨，還有點點涼風，非常適合戶外活動的一天。

未會合朋友仔前，我們先到威威劇場，今次看的不是海獅，而是雀鳥。

這隻鸚鵡很醒目，會從觀眾手上把紙幣用口咬著，然後放進捐錢箱內。

看，Yuki 看得多入神~

係纜車入面，古靈精怪既 Yuki + Daddy:

會合 Arthur 後，一齊去坐摩天輪。

仲拖住手仔一齊行去水母館, 入到去又玩到癲晒~

請注意，Spider Yuki 黎啦~

之後，Arthur 帶住 Yuki 去坐小蜜蜂飛機，Yuki 第一次坐咋，玩得好開心呢～

最後梗係唔少得同威威獅令既合照啦。

同行仲有 Cherry 姨姨一家，只係無合照咋～

國慶日

今日一早就出動啦～

筲箕灣最近幾年都有搞國慶巡遊，所以我地都由海濱公園行過黎湊下熱鬧先!

仲有呀，黎緊呢個星期日仲有國際龍舟比賽。 無錯！係龍舟比賽呀，咁無規定話龍舟比賽一定要係端午節既～

筲箕灣國慶龍舟會

我地搵到個有利位置，等左一陣就見到第一隊巡遊隊伍喇～ 佢地係「香港升旗隊總會」～

第二隊係表演菲律賓舞蹈～

跟住有一班幼稚園既小朋友跳舞～ 我都有跟住跳左一陣架～

咦！離遠好似有一大隊人過緊黎喎～ 遠得滯睇唔清楚？唔緊要，有Daddy嘛～ 加埋Daddy我成七八呎高，要姚明哥哥先遮到我喇～ 嘻嘻～

呢隊有四隻獅，一條龍，同埋麒麟～ 好熱鬧呀！

睇完巡遊，等我地匯合埋朋友仔ＩＥ兄弟去踏單車同玩下先！

bu~bu~ 小火車，好似學校咁～

夜晚返麻麻屋企食完飯，落去平台睇國慶煙花～ 今次係我第一次睇煙花咋～ 現場睇Boom Boom Wah真係好好睇架！ 不過我睇左十分鐘左右就話唔睇lu... 拜拜煙花～