有趣對話

Yuki:Mommy，我邊年出世o架？

Mommy:２００６年

Yuki:咁你又話我狗年出世o既？

Mommy:係呀，你屬狗o架

Yuki:咩叫屬狗呀？

Mommy:屬狗即係你出世果年係狗年囉

Yuki:係咪即係同狗狗好「熟」，係好朋友呀？

同威威獅令拜年

Daddy同Mommy今年新年拎多幾日假，所以今日我地可以平日去搵威威獅令拜年呀～

嘩，有雪糕呀～ 多謝呀，威威獅令～

新年既海洋公園，周圍都擺左好多鼓～ 呢個係咪叫「學業進步」鼓呢？

今日去海洋公園我地做足哂準備架～ 我有齊冷帽、手套、頸巾，去日本落雪都係咁著架咋～

今次坐左個新野呀～ 我咁細粒點解會玩得既呢？ 因為呢張椅係假架嘛～

係呀係呀～我又玩極速冰雪滑道呀～ 咁好好玩丫嘛～

呢個係漫畫版福祿壽既「福」呀～ 我企埋去幾細粒！

今日其實約左個朋友仔一齊去搵威威獅令拜年架～ 佢咪係阿發仔囉～ 我地宜家大個喇～ 可以自己坐一架小火車都無問題架～

坐海洋列車都係我地兩個自己坐一張凳架咋～

最後臨走俾我地見到舞龍剛剛返到黎，可以同佢影相呀～

保齡球真實小童版

點解咁複雜呢？真就真啦，點解又小童版呢？

因為今次我地玩既並唔係吉之島果種玩具保齡球～ 佢係真真正正有球瓶既保齡球黎架～ 仲有呀～ 有保齡球鞋著架！

咁點解叫小童版呢？ 因為Ｄ波細粒好多，條lane短好多～

最好係兩條坑加左兩個圍欄，小朋友玩一定唔會落坑嘛～

Thank you, Cherry姨姨～

新春港島行大運

年初三-赤口，雖然我地一向都唔需要初三周圍去拜年，不過我地都應下節去周圍行下～

呢日中午我地黎到蘇豪區～ 呢度唔係蘇豪東喎，係如假包換既中環蘇豪區呀～

呢間餐廳有個好開揚既Balcony～ 座落於士丹頓街～

另一邊又係一間餐廳，外牆上有條鯨魚架～

食完個brunch，我地再係中西區行下運先～

先行過孫中山史蹟徑其中一段，皇仁書院舊址～

沿路行下行下見到好多人排隊喎～ 哦！原來呢度係文武廟呀～ 今日咁多人排隊黎攝太歲喎～

鏡頭一轉，我地落返銅鑼灣喇～ 今日時代廣場有青森食品節～ 呢Ｄ哥哥係度整緊Ｄ燒餅呀～

我地買左係合桃燒餅～ おいしいね～

宜家年初三真係成街都係人呀～ 好辛苦先拍到兩張無乜人阻住既相咋～

恭喜發財迎虎年

恭恭喜喜～ 恭喜發財～

Yuki同Daddy Mommy一齊祝大家虎年進步～

虎虎生威～ 大吉大利～

 

萬事如意～ 心想事成～

讀緊書既朋友就學業進步～

最後謹祝大家身體健康～ 出入平安～

另外今日又係情人節，祝大家情人節快樂～

珍寶珠電視台

今日係農曆大除夕，維園年宵花市人來人往～

各大電視台都有新聞記者駐守維園作現場報導～

咦～ 離遠見到有個妹妹拎住好大支咪喎～ 支咪仲大過佢個頭添～ 佢咪係珍寶珠電視台既Yuki囉～

今日真係好多人呀～ 呢張攝影師高角度影落黎見到人頭湧湧架～

帶埋御用攝影師既另一好處，可以升到七呎高以上，一望無際架～

希望年宵攤位既各位檔主趁最後今日搵多Ｄ喇～

美食推介

趁著大除夕，今日去遠Ｄ食早餐～ 目的地係迎期人氣急速冒星既新食店～

背景據講有歌星係其中的老闆～

佢就係座落灣仔既[華星冰室]喇～ 叫得華星，加上個標誌真係同當年華星唱片個標誌有九成似架～ 主要股東好似曾經係華星既員工～

裝修完全採取復古設計，黑白細格牆身同地板，加上幾個吊扇，同埋最簡約既防火木板卡位～

呢間餐廳另一賣點: 就係已經被好多網評封為[港島澳牛]～ 因為佢既炒蛋及得上澳牛咁香咁滑～ 好似話佢地請左澳牛既廚師過黎～ 用上日本既蛋，同北海道既3.6牛奶～

另一比澳牛更好既係呢度地方寬敞Ｄ，服務有禮Ｄ～

有野食喇～ 真係唔錯既呢～

另外趁講開食，今日另一搵食推介：天后級拿破崙餅

位於天后站附近既住宅大廈地下商場，於Openrice有１９０個笑面～ 店名叫：Mimosa Patisserie

一於試一件佢既芒果拿破崙餅喇～

好彩買返屋企慢慢嘆，因為果Ｄ一層層既餅好脆，用叉一拮落去就揤哂Ｄ芒果同ＣＲＥＡＭ出黎，係屋企食唔使顧住儀態嘛～

唔...唔... 真係好好食喎～ 不過價錢呢，就貴左少少，要27蚊一件架～

今次介紹住兩樣先，下次再搵到好野食再介紹俾大家喇～

春節假期前最後一個上課天~

今日學校要我地著新年服飾返學～ Mommy早幾日已經拎定件新年服出黎，點知今日熱到２５度，唯有著成露臂小鳳仙裝喇～

我地排緊隊做乜呢? 唔...呢度好似係廁所門口黎架喎~

過年有乜野多呢? 舞獅囉~ 我同Daddy用被練左幾晚架喇~ 宜家係咪似模似樣咁呢?

 

聽日開始放假喇~ 各位同學仔，要過左年先見喇～

等電梯...新頭飾...

屋企門口既走廊，在等電梯的Yuki，今天有什麼特別呢？

頭戴Mommy新買的新頭飾，加上擺好甫士被攝的Yuki嘛！