多得Daddy同事問起，原來Yuki剛剛學左溜冰一年喇～ 上年既三月廿八日就係Yuki第一次學溜冰（冰之驕女－第一課）
雖然Yuki宜家除左溜冰仲有學幾樣課外活動，但係袛有學溜冰係Daddy同Mommy可以一齊睇住Yuki上堂～
上溜冰堂既Yuki，吱吱喳喳，好多野講～
不過比起初初學既時候，其實已經專心左好多～ 以前既Yuki自己做完個動作，跟住就周圍望，無留心Hei Tung老師～ 宜家最多係同同學仔多多野講，不過起碼個專注力都留係自己班裏面～
今日上完正式課堂～ Mommy又陪Yuki練習練習～ 一有Mommy陪伴既Yuki就… 變左隻小樹熊～ 哈哈～
相信各位為人父母既都應該明白到，睇到下面呢個衝埋黎既開心樣，其他什麼都不重要了～
Yuki～ 希望你黎緊呢一年繼續開開心心咁學溜冰～ Daddy Mommy會一直支持你架～
由宜家開始到五月，迪士尼於特定幾個日子都有呢個會員尊享晚會～ 有興趣既朋友可以去前面個link研究下～
上綱登記好後，會有一封確認電郵～ 印左佢出黎帶埋入場搵下面呢個counter換領通行夜場既手帶～
趁天氣未係好熱，可以再係呢Ｄ例影景點影返幾張相～ 遲Ｄ夏天到，呢個位一定曬到暈低～
今次我地見到迪士尼原創電影ーHigh School Musical既花車表演～ Ｄ哥哥姐姐又跳又唱，好好睇架～
個晚會八點幾開始，基本上係煙花表演完就開始，所以我地一於先食左晚飯先～ 一陣先可以玩得盡興嘛～
仲有半個鐘開始煙花，我地預先搵定位坐低等煙花喇～
幾個小朋友要佢地坐半個鐘，好大挑戰～ 好彩Cherry姨姨有個IQ題時間，等大家時間過得快Ｄ～
開始喇～開始喇～
難得今次坐正中間既地下睇～ Daddy盡力地淨係用手影左呢Ｄ煙花襯托公主城堡既相～ 下面呢兩張Daddy最滿意～
煙花睇完～ 那邊廂已經入得啦～
呢個晚會一大特點係有Ｄ平時甚少出黎同大家影相既角色～ 例如：史迪仔，小木偶，王子，著魔術師服既米奇～
呢個係最新近加入迪士尼家庭既長髮公主～
呢個就係Magic Mickey喇～
最後臨走終於可以同睡公主同王子影到相喇～
綜觀整個夜場，大家好似都係想影相為主，所以排得隊黎，其實唔係影到好多個架咋～
原來已經十點幾喇，Yuki要返屋企喇～ 拜拜喇公主～
凡事總有第一次～
今日我地又去到九龍灣既單車公園踩單車～ 剛剛去到既時候無乜人，好好踩～
Daddy租左架單車可以輪流同Mommy陪Yuki踩～
兩父女姿勢一樣，咀型都一樣～
跟住到Mommy陪Yuki～ 今次係含蓄的笑～ 嘻嘻～
之後，Daddy再陪Yuki踩左幾圈之際，一個大Yuki幾年既哥哥一不留神收掣不及碰到Yuki既車尾～ Yuki就咁連人帶車跌低左～ 伴隨著跌低既當然係大喊喇～ 好彩，並無撞傷或流血～ 應該係嚇親多Ｄ～
Yuki喊得好可憐，果個哥哥亦行左埋黎同Yuki講對唔住～ 跟住Yuki亦好快收聲唔再喊～
兼且再叫Daddy同佢踩多幾圈～
就係咁，Yuki經歷左第一次踩單車有驚無險既跌倒～
唔… 睇黎Daddy係時候要幫Yuki拆走個輔助轆喇～ 嘻嘻～
順便借今日blog內一角，祝家姐生日快樂～ Happy Brithday，家姐!
係咪打錯左呀? 上一堂明明係四十三課喎～ 無錯，無錯～ 因為上個星期Yuki請左病假，所以無上一堂～
無上一堂都無還返哂俾Hei Tung老師呀～ 上得好開心添～
呢個唔係祈禱或者拜年～ 係收埋對手轉身呀～
拿！呢Ｄ就叫做上堂唔夠專心喇～ 望出黎見到Daddy Mommy擺哂甫士俾我地影相～
好有動感既一跳～ 呢下係原地跳起１８０度轉～
飛機返黎喇～
又一次要多謝學校老師將Yuki佢地既學校生活同我地分享～
話說農曆新年前，Yuki學校搞左個校外既活動，係去康怡廣場既百佳超級廣場睇下過年有Ｄ乜野可以買?
睇下大家眼力如何，搵唔搵到Yuki啦～
點解今日係第四十二同四十三課呢? 並唔係留堂呀～
因為Hei Tung老師上完第一堂之後同我地講下一堂既學生有事上唔到，咁我地之前又一齊skip左一堂，咁咪趁大家都得上多一堂喇～
正當Yuki上緊堂既時候～ 咦，有人影相?!
嘩～俾Yuki好似人地發現狗仔隊偷影咁， 手指指添～
嘻～ 玩下者～ 睇住同學仔轉圈即刻變返個笑樣出黎喇～
Yuki好凍咩? 但係凍無理由咁開心架喎～
其實係轉圈跟住收埋對手黎加速咋～
今日有個新動作～ 要先做個轉身，然後原地跳加轉身，最後向前溜加扮飛機～ 好複雜咁喎～ 大約三十秒開始就係呢個動作喇～
陪伴香港人成長既海洋館終於光榮引退～ 經歷過三十四個寒暑，如果唔係因為Yuki出生，我地應該唔會呢幾年再次造訪海洋公園咁多～ 對海洋館既感覺亦都應該無咁強烈～
唔止海洋館無左，連個正門入口都搬左呀～
This is the new entrance of Ocean Park, much larger than the old one.
宜家呢個正門距離停車場近好多～ 順帶一提，用全年證泊車既朋友記得唔好用八達通入閘，要按掣拎飛呀，跟住去繳費處俾錢先有得平～
一入正門就係夢幻水都既噴水池～
行過兩步就係新海洋館－海洋奇觀喇～
The Atoll Reef is now replaced by this brand new The Grand Aquarium.
宜家呢度睇個別品種既魚分散左～ 係比以前睇得清楚左～
但係到最大既呢個魚缸位就無以前咁好喇～ 小朋友唔夠高，袛可以離遠Ｄ先睇到，而以前海洋館Ｄ小朋友可以坐係玻璃旁邊慢慢睇，反而宜家唔可以俾佢地細心觀察每種海洋生物～
唔過黎威威天地玩都唔算黎過海洋公園喇～ 天氣乍暖還寒，所以都係着返件羽絨穩陣Ｄ～
今次玩旋轉木馬Yuki夠高自己坐喇～
木馬轉緊都識對住塊鏡笑，幾得戚～
今日遲遲都未走，因為Yuki話夜晚有野睇架～ Daddy Mommy問佢點解知道有野睇既?
原來係多得電視～ 之前TVB既「你們我們他們」Yuki睇過一兩集有Ｄ海洋公園拍既片段，佢因為咁就記得夜晚有野睇～
可能因為海洋列車暫停，所以纜車好多人排隊，我地放棄纜車，搭落山電梯去大樹灣轉穿梭巴士返正門～
好彩趕得切入返黎睇咋～
Ocean Park introduces this latest night attraction ‘Symbio’ – a dancing fountains with some fireworks and special effects.
開始喇～ 開始喇～
個表演係講述兩條龍既故事～ 下面呢個水幕投射大家俾Ｄ想像力，係其中一條龍黎架～
好似迪士尼一樣，個表演一完，就全部人一窩蜂咁湧向出口～ 拜拜！
