今日係嫲嫲正日嘅生日～ 我哋同伯伯一家上星期日預先同嫲嫲慶祝咗生日～ 因為伯伯今個星期唔得閒呀！
今日話哂都係正日生日，等我哋去買個生日蛋糕同嫲嫲切蛋糕喇～
去買蛋糕嘅附近，呢個商場已經準備好聖誔嘅佈置～
用綠色旋轉木馬做佈置嘅主題～ 有大過個人嘅大馬～
又有細細隻嘅小小木白馬～
除左商場中庭部份，四樓嘅空中花園都有統一主題嘅佈置喎～
話咁快我哋已經買完蛋糕返嫲嫲屋企喇～
呢個係我哋屋企最鍾意嘅COVA Mango Cream Dome～ 食幾多次都唔厭～ 兼且佢嘅奶味無咁重，希望啱唔食牛同唔鍾意奶味嘅嫲嫲喇～
Yuki為我哋呈獻上生日祝福俾嫲嫲～
Happy birthday to you, Happy birthday to you, happy birthday to 嫲嫲, happy birthday to you！
一二三～ 切蛋糕～
祝嫲嫲生日快樂～ 年年有今日，歲歲有今朝！
奧運會就四年一次～
但係原來blog嘅題目都可以四年一次㗎～
今個星期開始可以換冬季校服～
到底Yuki宜家讀嘅小學冬季校服係點樣嘅呢？
先睇基本嘅冬季校服裙加長袖裇衫～ 至於襪就必須係灰色及膝長襪～
然後有禦寒抓毛頸巾配搭校服裙～
天氣凍啲的話，可以搭呢件羊毛外衣～
外面有兩個袋，凍的話可以收埋對手～ 嘻嘻！
如果唔想成日淨係著羊毛外衣可以點呢？
唔怕，學校嘅冬季校褸有一件可拆式嘅抓毛背心～ 拆出嚟咁樣著都好好睇㗎～
拉埋拉鏈咁樣著～ 十幾度天氣應該好啱著～
之於裝返埋一齊成件校樓呢～ 有請斯斯文文１Ａ同學林穎雪示範一下～ 唔該！
好嘞！ 咁運動服又如何呢？
係好醒目嘅運動套裝～ 質料都唔錯～ 比起以前Daddy Mommy細個嘅年代果啲洗兩洗已經又硬又唔保暖嘅校服真係爭好遠～
拉開拉鏈俾大家睇埋裏面果件長袖運動Ｔ恤喇～
多謝大家欣賞今個２０１２秋冬系列嘅校服～ Yuki小model演出成功！
最後Yuki為大家高唱一曲！ 預備….
如果大家有時間，或者想重溫，或者認識一下四年前得兩歲幾嘅Yuki第一次著冬季校服嘅模樣，咁要去呢篇 《2008 FW 校服 新登場～》 重溫一下喇～
剛過去呢個星期係Yuki小一第一學期考試～
因為平時無乜時間同Yuki溫習，所以Daddy都拎咗兩日半奏假期陪Yuki溫習預備考試～
隨著科技進步，我哋溫書嘅方式都隨之改變～
唔知有有人記得以前有一樣文具產品係用紅色筆劃咗啲你想隱藏嘅字，然後用塊綠色透明膠片蓋過，就可以睇到題目，隱藏答案地溫習～ Daddy以前有用過㗎～
好喇～ 咁到呢個年代，睇下Yuki溫習嘅書枱左邊有乜嘢喺度？
無錯喇，就係iPad!
首先，Daddy用iPhone將要溫習嘅作業影低～
然後用APP將希望Yuki作答嘅字擦咗佢～ （我就用LINE BRUSH）
跟住最精彩嘅部份嚟喇～
Daddy用iPhone整完嘅呢啲題目影像，透過iPhone/iPad嘅Photostream功能，即時同步到Yuki枱面嘅iPad度～
當Yuki做完一頁，Daddy袛需叫Yuki掃下一頁，新一頁題目立即出現！
又環保，又有用！
如是者，Yuki好乖地每日下午都將近連續溫習四五個鐘頭～
最後考試成績如何已不重要了！
Yuki呢個星期嘅表現已經令Daddy Mommy滿意了！
上星期參加完魔力都會啟動禮～
今個星期魔力動車繼續出動行勻全港～
其中一站正好嚟到我哋住嘅港島區～
自從上星期Yuki見過Snoopy後已經對佢念念不忘～
一知道今個星期可以再見到Snoopy, Charles Brown同Lucy～ Yuki已經講好要去探佢哋㗎喇～
去到香港仔中心已經見到好多人同Snoopy影緊相～
Yuki開頭有啲怕羞唔敢行埋去影～ 要Daddy推佢埋去先影！
辛苦大家喇！
呢架魔力動車Daddy第一次見咋～ Yuki就好眼利咁早幾日已經喺炮台山見到架車經過！
架車真係好靚好吸引～
透過幅大玻璃，睇裏面一目了然～
所有入咗會嘅會員都可以轉呢個幸運輪即時有獎品㗎！
今日同場加映Boy哥哥生日晚飯！
Yuki同家姐研究餐牌嘅乜嘢呢？
睇下睇下，Yuki忽然講啲自創嘅唔知乜話～ 搞到家姐幾咁開心～
祝你生日快樂～ 祝你生日快樂～ Boy 哥哥生日快樂！
