第一個演唱會- Say The Words Tour by Wanting

快要八歲的Yuki終於都可以去睇佢咁大個女第一次嘅演唱會喇~

邊個歌手咁有吸引力? 就係曲婉婷Wanting嘞!

曲婉婷兩年前嚟香港果次演唱會因為Yuki都仲係頗細個，所淨係Daddy Mommy自己去睇，今年都差唔多八歲嘞，所以Daddy覺得可以俾Yuki試下去現場親身感所下現場氣氛！

Wanting出嚟喇！　Hello!

Yuki被Daddy耳濡目染，成日坐車都聽住Wanting嘅歌～　所以差唔多首首歌都可以跟住Wanting一齊唱！

兩個鐘頭話咁快就過去～　要同Wanting say goodbye啦～

但係我哋唔走住喎～　點解呢？

因為今年Wanting嘅演唱會完場後有多一個環節，就係有個見面會！　我哋一早準備好Wanting嘅兩隻CD希望俾佢簽名～

Wanting非常nice! 雖然Yuki有少少怕羞，都幫我哋簽哂兩隻ＣＤ～

最後請Wanting同我哋一切合照～　Yuki笑得好開心呀！

臨走前，同Wanting約好下次佢再嚟香港開演唱會我哋一定要再見！

Wanting, we’ll definitely meet again next time!

And, thanks for the message to Yuki!

初次養動物

Yuki長大到宜家七歲幾八歲，其實都未試過養任何形式嘅動物～　淨係試過種下啲植物咋～

早幾日，終於機會來臨喇～

Mommy嘅朋友去行山嘅時候喺溪流間見到啲蝌蚪～　佢哋帶咗啲返屋企養～

於是Yuki就有呢缸人生第一次養蝌蚪嘞～

對住啲蝌蚪，Yuki表現得又好奇又興奮～　一日唔知走埋去睇幾多次～

不過唔好話Yuki吖～　其實連Daddy Mommy都已經唔知幾多年無見過蝌蚪喇！

呢缸總共有七隻小蝌蚪～　

Yuki話細心啲睇既話，有幾隻好似已經開始見到有腳仔生緊出嚟呀！

希望Yuki透過飼養小動物體會到生命嘅奇妙同埋對生命尊重~

同場加映一下：Yuki今日喺MegaBox康智會攤位親手做咗兩個母親節花籃，一個俾Mommy，一個俾嫲嫲～　

祝Ｍommy母親節快樂！