首度公演

 

Yuki對跳舞嘅興趣都幾大！約半年前知道朋友仔Hillary兩姊妹有去學K-pop，佢又要跟住一齊學～

經過每星期一堂嘅學習～　上兩期通過甄選可以有機會代表跳舞學校出去表演喇～

今次嘅表演場地係位於上環西港城附近嘅上環文化廣場～

一個戶外露天嘅表演場地～

呢個係西營盤街坊會舉辦嘅表演～

當日有好多唔同類型嘅表演項目～　

Yuki佢哋嘅「兒童ＨＩＰ　ＨＯＰ群舞表演」係中後段嘅表演～

今日由Stephy姐姐帶隊～　Yuki佢哋嘅跳舞學校總共有兩隊出席～　分別有初班小朋友，同中班小朋友～

正式表演前，先有得綵排一下～

平日喺跳舞室練習嘅走位，宜家就睇下記唔記得喇～

音樂開始～　都似模似樣喎～

一眾小朋友都好落力呀～

順順利利完成綵排～　幾好吖！

趁未到正式開始表演～　大家可以自由活動一下～　　感受下呢個上環特別行人專人區有幾熱鬧～

有好多特式攤位～　有四位伯伯寫揮春添呀～　

正式表演開始～　居然仲有夏威夷舞蹈～

呢位表演者係日本嚟㗎～

另外連司儀都有份表演唱歌㗎～　

好喇～　到Yuki佢哋正式喇～

同頭先綵排一樣非常之好～　

記得要有笑容～　享受表演～　

正式表演亦順利完成～　好嘢！　Good show!

 

中班低班一齊影幅合照～　Yeah!

好多謝爺爺嫲嫲專登過嚟上環同Yuki打氣呀～

Yuki表演完好似真係幾enjoy！睇嚟有機會再表演都唔奇呀～

賣旗籌款2015

等咗兩三年，終於有得再賣旗喇～
上次已經係一年級下學期喇～　（重溫：賣旗籌款）
今年嘅賣旗係幫智樂兒童遊樂協會籌款㗎，我哋以前都有參加過佢哋嘅活動～

今年繼續揀選我哋熟悉嘅地點－喺康宏匯門口開始賣～

初初Yuki尚未熱身～　仲係有啲怕羞，唔太敢同人大聲講早晨～

過咗一陣～　開始放膽啲喇～　向行過都有啲距離嘅人都開聲講：「早晨！唔該可唔可以幫我買支旗呀？」

跟住開始潮見成績喇～　

不論年齡～　不論性別～　總之就開開心心咁行埋去請人買旗～


愈賣愈開心～　笑容輕鬆埋～

喺屋企附近當然有啲特別嘉賓喇～

有嫲嫲特別出嚟捧場買旗呀～　其實仲有爺爺、叔公、叔婆、舅婆～

Yuki今次賣旗個人已經到Mommy下巴咁高喇～　睇嚟下次再有得賣旗應該會高過Mommy lu~

上次Yuki幫人貼旗係要舉高手幫人貼旗～　　今次係彎低身幫小朋友貼旗喇～

今日Yuki仲好大膽咁搵警察叔叔幫佢買旗添呀！　好嘢呀！
十一點半左右順利完成～　趕去鰂魚涌交錢袋喇～　

一如以往～　多謝所有今日有買旗嘅街坊好友～　在此送上一幅Yuki賣旗collage圖～

冰之驕女去比賽

好耐無見嘅冰之驕女又出返嚟喇～

咁耐無見～　今日梗係有啲特別嘢喇～

就係冰之驕女Yuki終於第一次參加比賽喇～　　上年嚟又一城係睇朋友仔比賽～　今年終於的起心肝一齊參與喇～

比賽開始前～　先拉下筋、熱下身先～

未比賽之前～　頒獎台未有人用，鍾意點影都得～　哈哈！

Yuki今次報咗兩項比賽～　Solo同雙人Jump and Spin～　每項比賽之前可以入去練習下、再熱下身～

單人比賽開始喇～　Yuki加油呀！

Spin到幾個圈呢？

再做埋個後飛機～　ＯＫ喎！

小組第四名～　人人有牌攞～　嘻嘻～

跟住到第二個項目，雙人Jump and Spin～

又嚟熱下身先～

可能雙人項目有個伴～　所以無咁緊張～　Yuki同琳琳都識得笑多咗喎～

雖然同場仲有好多好勁嘅選手～　甚至有來自海外嘅隊伍～　不過雙妹好似都練得幾enjoy喎～

正式比賽喇～　

先由Yuki做jump動作～　睇咗動作同面容比剛剛個人賽輕鬆咗幾多～

加速預備起跳喇～

順利做到Jump喇～

返回原位～　接力到琳琳做Spin喇～

加速預備中～

琳琳加油呀～

轉得好好～　好靚呀！

順利完成！　兩個都叻女呀～

鞠躬致謝～　bravo!

睇下佢哋幾輕鬆、笑容幾咁開心～

兩個項目每人兩個獎牌～

今年參賽對Yuki係一個好好嘅經歷～　出年要再努力啲～　希望可以再得到更好嘅成績喇～