多啦A夢要走了

計返上次Yuki去戲院睇戲都有三幾年前嘞～

今年農曆新年橫掂我哋無外遊，一於支持下電影業盡情睇下戲先～　所以我哋早幾日已經買定初二同初四去睇戲喇～

今日我哋一早八點幾就出門口去太古城中心嘅ＵＡ戲院～　

恭祝大家羊羊得意！

今日先睇嘅係多啦Ａ夢～　之前咁多套電影版我哋都無過～　不過今次呢套實在太有紀念性喇～　對香港人嚟講，呢齣會係多啦Ａ夢最後一次由林保全先生配音嘅作品～　所以一定要嚟捧下場～

自備好３Ｄ立體眼鏡～　準備開場喇～

好睇嘅電影時間過得特別快～　９５分鐘話咁快過去～　

電影細節唔多詳述，等大家自己入場睇喇～　但係真係好感人！　有人喊到出聲添呀～

再見喇～　多啦Ａ夢！

 

睇完９點場仲係好早～　可以去好耐未去過嘅鰂魚涌公園玩吓～

Yuki宜家打韆鞦好叻喇～　打得同Mommy一樣咁高～

我哋嘅Yuki逐漸長大喇～　宜家坐喺Mommy側邊已經唔覺係小妹妹喇～

相信過多三兩年，就可以好似下面呢幅相咁搭住Mommy膊頭影相呀～

坐上呢啲騎馬仔度～　直頭over-size呀！

臨尾應節由Yuki為大家扮隻羊女同大家拜年！　

羊羊得意！恭喜發財！

送馬迎羊渡年宵

馬年將過喇～

年三十我哋又嚟襯熱鬧行下年宵花市喇～

嘩！今年Yuki嘅高度已經到Mommy膊頭喇～

對比返２０１３同２０１１年，真係快高長大呀～

至於俾Daddy抱呢?  宜家都仲還抱得起嘅～　不過騎膊馬就唔得喇～

今年原本天氣預告話可能會有雨～　好彩整日天色都唔錯～　行花市唔太熱又唔太凍，最緊要無落雨吖嘛～　所以晏奏三點幾嚟到都人山人海呀～

一家三口團團圓圓～

有乜嘢好食得過三個人爭食一個砵仔糕呢？　Yuki肉緊到呢～

嚟得年宵市場當然唔會俾Yuki空手而回喇～　

買返個應節揮春！　呢個Frozen加上有埋Yuki名嘅「冰雪聰明」最啱Yuki喇～

行到銅鑼灣出口果邊，順便出去搵地方食返個tea先～

呢間Le Grand Pokka Cafe未去過喎～　唔算多人，攞籌等一張枱就有喇～

甜甜蜜蜜又過一年～