今日出發落墾丁喇～
Mommy一早搵咗Iris姐姐幫手預先book咗一架旅遊巴士作為我哋嚟緊幾日既交通工具～
一落到酒店地面見到呢架咁搶眼鮮橙色嘅靚靚旅遊巴就係喇～
佢嘅名叫小綿羊～
我哋１９個人坐呢架３４人旅遊巴，梗係舒服喇～
全程又有最新卡通電影俾小朋友睇～ 好享受㗎～
落墾丁路程都有啲長～ 所以我哋中途停低食啲嘢先～
呢間四學士姐妹台灣牛肉麵好似都有啲名氣喎～
呢幅相裏面就係果四學士姐妹喇～
有紅燒牛肉麵～
另有清湯牛肉麵～
然後再去附近一個市集仔食下甜品～
呢度有好多檔綠豆蒜～
仲可以揀好多配料入去添～
食飽梗係要玩喇～
未到墾丁之前有個玩草地滾球嘅設施～ 點解要除鞋嘅？
除鞋係因為要爬入去滾球囉～
Yuki未滾已經笑得咁開心嘅？
碌呀！ 滾呀！ 個波入面仲有個收音咪～ 可以好清楚聽到入面嘅小朋友尖叫～ 哈哈～
玩一次唔夠喉～ 再換位玩第二次～
呢個正名叫：哈利波特草地飛球場
玩完再南下向墾丁進發～ 又經過以前去過嘅小杜包子～ （小杜包子: 來墾丁必吃的包子）
買完上車慢慢食～
我哋行程真係好多景點嘅～ 臨到墾丁酒店前都可以玩多個景點－貓鼻頭～
呢度超大風呀～ 吹到啲頭髮飛起哂～
終於都到墾丁夏都沙灘酒店喇～
當大家check-in緊嘅時候～ Yuki原來喺酒店shop有嘢買喎～
喺Mommy俾佢嘅銀包仔裏面搵Mommy俾佢嘅旅行零用錢嚟買嘢～
知唔知Yuki買乜嘢呢？ 原來佢係買手信俾老師同同學呀～ 好乖女呀～
入房喇～ 一字排開四五間房～ 喺露台度大家嚟張超遠selfie～
落去沙灘玩返陣～ 有吊床呀～
五個女孩靚靚甫士～
玩夠喇～ 出發去墾丁大街掃街喇～
Mommy同公公兩父女嘅墾丁街頭合照～
好colorful好靚嘅拖鞋呀～
Daddy同Yuki第一檔嘅玉子燒呀～
有埋木魚鬆嘅玉子燒～
小飾物檔仔～ Yuki好有興趣喎～ 係捕夢網～ Yuki即刻買個細細啲可以戴喺手～
呢個姐姐就係檔主喇～
終於都搵到佢喇～
係我哋四年前幫襯過幾次嘅脆皮湯包呀～
終於可以再食到喇～ 好感動呀～
其他人喺隔離呢間餐廳食下甜品先～
一班人咁多小朋友一齊玩真開心喇～
第一晚墾丁掃街就咁飽～ 快啲喺條街行返多啲先～
墾丁大街真係好玩有好食～ 公公食嘢好好㗎～ 我哋食乜佢都食～ 咁我哋聽日再嚟食過喇～
