中秋賞月

終於都涼番D喇~ 今個中秋節叫做開始有少少秋意啦~

一如往年，我地去食完晚飯就返左鯉景灣樓下既公園同海濱湊下熱鬧～

不過今年得Boy哥哥同我玩咋，因為家姐唔舒服，所以佢同伯娘都無黎呀～

呢個係Daddy今年送俾我既多拉A夢變色燈籠呀~

拎住個燈籠，排住隊等打韆鞦先～

到喇~

Yuki宜家識得用踢腳同縮腳黎控制個韆鞦不斷咁搖~

唔使點幫佢推都可以玩得下架~

今晚又幾好天喎~ 又見到個又大又圓既月光喇~

最後報導一個奇景俾大家睇下~

林村許願樹係鯉景灣出現呀!

好多人將D螢光棒整成圓圈，然後抛上樹度，直頭同許願樹一樣呀～

唔知出年會唔會又好似許願樹咁起個鐵架俾人抛野呢?

祝大家中秋節快樂～ 一家團圓～ 平平安安～