聖誕Children's day

又到Mommy公司一年一度既Christmas Children's Day~

我地已經有幾年無去過喇~ 上次去都仲係去杏花村，最近幾年開始已經係去錦上路既車廠喇～

有好多樣吹氣既跳跳同滑梯～ 每一樣都好多人排隊呀～ 等我地做下排隊黨先～

到喇，到喇～ 每個小朋友入到去玩都好開心架～ 連Daddy係出面影我都唔知添～

我一開心就會變返我細個果陣個樣架喇～ 係點樣？ 咪就係開心到mak大口囉～

另一隻好熟口面既吹氣滑梯～ 呢隻咪上年係數碼港見過架囉！不過呢隻都係太高喇～ 等我再大個Ｄ先再玩喇～

今年有樣新野喎～ 呢架旋轉直升機好似海洋公園隻小丑旋風呀～

趁Mommy幫我排隊玩另一樣好剌激既項目之前，Daddy同我去玩下其他攤位遊戲先～

到喇～ 睇唔睇到Ｄ氣勢呢？ 係小跑車呀～

平時成日睇Daddy渣車睇得多，今次都算係我自己第一次自己控制一架車呀～

開始喇～ 向著目標，勇往直前～

睇下～ 我真係自己渣到架～

最後玩埋呢個成兩層樓高既滑梯～ 呢個要Mommy同我上先上到去呀～ 嘩，呢個真係好犀利，好高呀～

好開心～ 玩完去附近搵間餐廳同班朋友仔一齊食個Tea～ 出年要早Ｄ入去玩先～ 咁就可以玩多幾樣野喇～