機場職業體驗－空中小姐

今年香港機場搞左個以機場有關職業既體驗活動俾小朋友參加～ 其中包括：飛機師，空中小姐，機場特警，記者～

本來其實淨係暑假期間既活動，不過因為參加人數太踴躍喇～所以要延長到十月～

Mommy幫Yuki報左空中小姐同飛機師～ 今日就先學做空中小姐先喇～

拎左張工作證，俾大家睇睇先～ 跟住要去換制服喇～

換好衫同裙，就有Ｄ姐姐幫我地戴好頂帽同絲巾～

成套制服換好喇，似唔似空中小姐呀? 企既姿勢就唔係好似勒～ 睇下學成之後有無分別喇～

大家好～ 我係今日既見習機艙服務員Yuki～

嘻嘻，趁未夠鐘開工，周圍影多幾幅相先～

夠鐘！排隊集合準備開始喇～

因為呢個唔係一個親子活動～ 所以Daddy Mommy們都無得跟住小朋友～ 要自己周圍消磨一小時三十分鐘既時間～

話咁快，個半鐘已過～ 見到一眾空姐們完成體驗，行返黎集合處喇～ Yuki小姐仲有個大姐姐拖住，唔通驚Yuki周圍走?

完成體驗，所有小空姐列成一排準備結業～

咦～ 真係學完零舍不同喎～ 雙腳合埋企定定，再加上雙手合埋擺腰際～ 幾咁斯文～

由空姐導師姐姐頒發畢業證書乙張～ 聽日可以開始返工喇～

Yuki話原來好好玩架～

趁有十幾分鐘剩餘時間先要還制服，趕緊去周圍影多幾幅相喇～ 呢張企係飛機側邊似唔似空姐迎接乘客呀？

呢張就介紹下後面各種飛機型號～

換過便服，離開機場喇～ 放工喇～

一上機鐵就拎部電話出黎，又幾似Ｄ空姐返香港上車既指定動作喎～

 

 

 

 

其實係玩緊Daddy既新玩意咋～

 

 

 

 

請大家留意十月既飛機師體驗喇～