母親節前夕

自從Yuki上嘅音樂班宜家改咗去星期六傍晚時間，星期六嘅朝早唔再需要一早起身～

今朝Yuki同Daddy九點幾醒咗，但係Mommy仲未起身喎～

見聽日係母親節，唔好叫醒Mommy俾佢瞓耐啲喇，Daddy就同Yuki兩個自己落去食早餐先喇～

上個星期Yuki又變得鍾意食公仔麵，所以Daddy俾佢每星期食一次公仔麵～

為咗迎接聽日嘅母親節，今日Yuki特別去整靚個頭～ 去搵Man哥哥剪髮先！

平時跳跳紮，企唔定嘅Yuki～ 到咗俾Man哥哥幫佢扮靚時，好似點咗穴咁～ 幾定呀！

發現到Daddy偷影佢喇～ 變得有啲靦腆～ 哈哈！

抬起頭啦！新嘅斜瀏海～

睇嚟好滿意喎～ 開心到唔見牙唔見眼添～

同上面食早餐個髮型比較，大家覺得如何呢？

雖然聽日先係母親節～ 但係今日我哋已經同婆婆慶祝母親節嘞～

今年我哋無出街食飯～ 而係細舅父從新界買盆菜外賣上去大舅父屋企食～ （盆菜係香港一種古老傳統嘅菜式）

好豐富呀～ 個套餐仲有椰子煲雞湯，有鴨，有雞，有豬手～

Yuki好似都幾欣賞呢啲盆菜喎～ 乖乖坐定定咁自己夾餸同食飯～ 完全都唔使Daddy Mommy照顧～

幾個小朋友聚精會神睇乜嘢呢？ 原來係希表哥玩緊iPhone，吸引其餘全部小朋友目光全部落喺呢三吋幾嘅螢幕上～

睇呢張相就見到Yuki喺Mommy屋企果邊嘅小朋友中係唯一嘅女孩子～ 所以大家都好鍚佢㗎～ 其餘果四個係表哥同表弟～

借呢個機會祝所有母親聽日有一個快樂嘅母親節！